Bigg Boss Telugu 8(254)
Bigg Boss Telugu 8: ఈ సీజన్ లో వీళ్ళు ఏమి ఆడుతారులే అని తక్కువ అంచనా వేసిన ప్రతీ కంటెస్టెంట్ కి పట్టపగలే చుక్కలు కనిపించేలా చేసారు కమెడియన్స్. వైల్డ్ కార్డు కంటెస్టెంట్స్ గా అడుగుపెట్టిన టేస్టీ తేజ, అవినాష్, రోహిణి వంటి వారు కేవలం ఎంటర్టైన్మెంట్ ని మాత్రమే అందించగలరు, టాస్కులు ఆడి గెలవలేరు అనే అపోహ ఉండేది. కానీ టేస్టీ తేజ , అవినాష్, రోహిణి వంటి వారు హౌస్ లోకి అడుగుపెట్టిన మొదటిరోజు నుండే టాస్కులు ఆడే విషయంలో తమ సత్తా చాటుతూ వచ్చారు. ముఖ్యంగా రోహిణి ని పృథ్వీ మొదటి వారంలో ఎంతలా అవమానించాడో ప్రత్యేకించి చెప్పనవసరం లేదు. కానీ రోహిణి గత వారం టాస్కులలో రఫ్ఫాడించి, మెగా చీఫ్ అయ్యింది. తనని ఎవరైతే సున్నా అని వెక్కిరించారో, వాళ్లనే ఓడించడం సినిమాటిక్ అనుభవం అని చెప్పడంలో ఎలాంటి సందేహం లేదు. నిన్న అవినాష్ విషయంలో కూడా ఇదే జరిగింది.
అవినాష్ రెండు సార్లు అద్భుతంగా టాస్కులు ఆడి ఇంటికి మెగా చీఫ్ అయ్యాడు. అయినప్పటికీ కూడా ఆయన అంటే హౌస్ లో కొంతమందికి చిన్న చూపే. ముఖ్యంగా పృథ్వీ ఈ వారం జరిగిన నామినేషన్స్ లో అవినాష్ ని ‘నిన్ను జనాలు ఇష్టపడడం లేదు..అందుకే నామినేషన్స్ లోకి వచ్చిన మొదటి వారంలోనే మిమ్మల్ని ఎలిమినట్ చేసారు’ అంటూ ఘోరంగా అవమానించాడు. కట్ చేస్తే ఈ వారం నామినేషన్స్ లో అవినాష్ సేఫ్ జోన్ లో ఉన్నాడు. పృథ్వీ మాత్రం డేంజర్ జోన్ లో ఉన్నాడు. ఎలిమినేట్ అయితే పృథ్వీ పరువు పోయినట్టే. ఇది ఇలా ఉండగా నిన్న జరిగిన టాస్కులలో మానస్, ప్రియాంక నబీల్,ప్రేరణలను టాస్కులు ఆడడం కోసం ఎంచుకుంటారు. నబీల్, ప్రేరణలకు ప్రత్యర్థులుగా అవినాష్, పృథ్వీ లను ఎంచుకుంటారు. ఎందుకంటే ఇవి బుర్ర పెట్టి ఆడే గేమ్ కాబట్టి, అవినాష్, పృథ్వీ లకు అంత బుర్ర లేదు కాబట్టి, వాళ్ళను తేలికగా ఓడించొచ్చు అనే ఉద్దేశ్యంతో ఎంచుకున్నారు.
కానీ రెండు టాస్కులు జరిగితే, రెండిట్లోనూ అవినాష్ గెలిచి రెండవ కంటెండర్ గా నిలుస్తాడు. ఇక అవినాష్ కి బుర్ర లేదు అని తక్కువ అంచనా వేసిన నబీల్, బ్లాక్ బ్యాడ్జ్ ని అందుకొని అసలు టికెట్ టు ఫినాలే రేస్ నుండే పూర్తిగా తప్పుకున్నాడు. ఇదంతా పక్కన పెడితే నబీల్ నిన్న జరిగిన మొదటి టాస్కులో సుడోకు ఫజిల్ ని తప్పుగా పెట్టి, అందరి కంటే ముందు గంట కొడుతాడు. గంట కొట్టిన తర్వాత నబీల్ నేనే ముందు పెట్టినా అనే ఉత్సాహంతో ఒక రేంజ్ లో గంతులు వేస్తాడు. దీనిని చూసి నవ్వుకోని వాళ్లంటూ ఎవ్వరూ ఉండరేమో. మరోపక్క అవినాష్ మొట్టమొదటగా టాస్క్ ని పూర్తి చేస్తే, అవినాష్ నీకు తేజా సహాయం చేశాడా ? అని అడిగి అతన్ని అవమానించే ప్రయత్నం చేసాడు. ఈ విషయంలో నబీల్ కి తీవ్రమైన నెగటివిటీ ఏర్పడింది.
