Bigg Boss Telugu 8: నిఖిల్ బండారం మొత్తం బయటపెట్టిన సోనియా..ఇచ్చిపారేసిన యష్మీ..ఈరోజు నామినేషన్స్ మామూలుగా ఉండదు!

Bigg Boss Telugu 8(220)

Follow us on

Bigg Boss Telugu 8: ఈ సీజన్ బిగ్ బాస్ హౌస్ లో ఫ్యామిలీ వీక్ అయిపోయింది. కంటెస్టెంట్స్ కి సంబంధించిన కుటుంబ సభ్యులు హౌస్ లోపలకు వచ్చి బయట వీళ్ళ ఆట గురించి ఎలా వెళ్తుందో ఒక క్లారిటీ ఇచ్చారు. అందరూ తమ తప్పులను సరిచేసుకొని రేపటి నుండి ఎలా ఆడబోతున్నారో చూడాలి. ఇదంతా పక్కన పెడితే నిన్నటి ఎపిసోడ్ చివర్లో వచ్చిన ప్రోమో ని మీరంతా చూసే ఉంటారు. ఈ ప్రోమో లో పాత కంటెస్టెంట్స్ హౌస్ లోపలకు వచ్చి, ప్రస్తుతం ఆడుకుతున్న కంటెస్టెంట్స్ ని నామినేట్ చేసి వెళ్లారు. ఒక్కో కంటెస్టెంట్ కి ఇద్దరిని నామినేట్ చేసే అవకాశం దక్కుతుంది. అందరికంటే ముందుగా శేఖర్ బాషా హౌస్ లోకి వచ్చాడని తెలిసింది కానీ, ప్రోమో లో మాత్రం సోనియా కి సంబంధించినదే చూపించారు. సోనియా ప్రేరణ, నిఖిల్ ని నామినేట్ చేసి వెళ్తుంది.

ముందుగా సోనియా మాట్లాడుతూ నా మొదటి నామినేషన్ ప్రేరణ బిగ్ బాస్ అంటుంది. అప్పుడు ప్రేరణ ‘వచ్చినావా అక్క’ అని అంటుంది. సోనియా దానికి బదులిస్తూ ‘చెప్పు చెల్లి’ అని అంటుంది. ఆ తర్వాత ప్రేరణ ‘నువ్వు నాకు అక్క కాదు’ అని అంటుంది. మరి ఎందుకు అక్క అని పిలిచావ్ అని అంటుంది సోనియా. నిఖిల్ కి అక్కవి అని చెప్తున్నాను అని ప్రేరణ అనగా, దానికి సోనియా సమాధానం ‘వాడికి నేను అక్కనో, చెల్లినో నీకు ఎందుకు..నువ్వు ఎందుకు ఇప్పుడు దానిని ఇక్కడికి తెచ్చావ్’ అని పెద్దగా అరిచి మాట్లాడుతుంది సోనియా. ఇక తర్వాత సోనియా నిఖిల్ ని నామినేట్ చేస్తూ ‘యష్మీ తన ఫీలింగ్స్ ని నీతో చెప్పినప్పుడు, నువ్వెందుకు ఆమెకు నీ బ్యాక్ స్టోరీ చెప్పలేదు’ అని అంటుంది. దానికి నిఖిల్ సమాధానం చెప్తూ ‘తనకి నా మీద అలాంటి ఫీలింగ్స్ ఉన్నాయి అని తెలిసినప్పుడు నేను కట్ చేశా, ఆ అమ్మాయితో మాట్లాడడం లేదు కదా’ అని అంటాడు నిఖిల్.

దానికి యష్మీ ‘నువ్వు నిజంగా కట్ చేసావా’ అని నిఖిల్ ని అడుగుతుంది. దానికి ఆయన ‘ఇంతకు ముందు నీతో ఎప్పుడూ ఈ విషయం గురించి మాట్లాడలేదా?’ అని అడగగా, దానికి యష్మీ ‘నాకు నీ లవ్ స్టోరీ గురించి అసలు చెప్పలేదు..చెప్పి ఉంటే నీ వైపు కన్నెత్తి కూడా చూసేదానిని కాదు’ అని అంటుంది యష్మీ. గత వీకెండ్ ఎపిసోడ్ లో నిఖిల్ తన మాజీ ప్రేయసి కావ్య గురించి చెప్తూ, ఆమెతో బ్రేకప్ అయ్యిందని, ఆమెనే నా మనసులో ఉందని, బయటకి వెళ్లిన తర్వాత ఆమెతో కొట్లాడి అయినా సరే, నేను మళ్ళీ ప్యాచప్ అయిపోతాను అని అంటాడు నిఖిల్. ఈయన ఇప్పటి వరకు యష్మీ కి తన మనసులో కావ్య ఉంది అనే విషయం ఇప్పటి వరకు చెప్పలేదు. అందరితో పాటుగానే ఆమె కూడా తెలుసుకుంది.