Director Arun Roy: విషాదం: క్యాన్సర్, ఊపిరితిత్తుల ఇన్‌ఫెక్షన్‌తో పోరాడుతూ ఫేమస్ డైరెక్టర్ మృతి.

ఇండస్ట్రీలో మరో విషాదం చోటు చేసుకుంది. ఎంతో మంది అభిమానులను సంపాదించుకున్న ఓ డైరెక్టర్ కన్నుమూశారు. దీంతో అభిమానులు శోక సంద్రంలో మునిగారు. క్యాన్సర్, తీవ్రమైన ఊపిరితిత్తుల ఇన్‌ఫెక్షన్‌తో పోరాడుతూ 56 ఏళ్ల వయసులో కన్నుమూశారు ప్రముఖ బెంగాలీ దర్శకుడు అరుణ్ రాయ్. ఈయన గురువారం ఉదయం మరణించారు. ఈ డైరెక్టర్ RG కర్ హాస్పిటల్‌లో తుది శ్వాస విడిచాడు. రాయ్ ‘హీరాలాల్’ సినిమాతో అరంగేట్రం చేసిన నటుడు డాక్టర్ కింజల్ నందా ఈ విషయాన్ని తెలిపారు.

చారిత్రాత్మక, జీవిత చరిత్ర చిత్రాలలో అసాధారణమైన పనికి ప్రసిద్ధి చెందిన రాయ్ గత కొన్ని సంవత్సరాలుగా క్యాన్సర్‌తో పోరాడుతున్నారు. “నా హీరాలాల్, అసలు హీరాలాల్ లాగానే మీరు ప్రశాంతంగా ఉండండి అంటూ నందా రాసుకొచ్చారు. దివంగత దర్శకుడి భౌతికకాయాన్ని ఆయన హరిదేవ్‌పూర్ ఇంటికి తీసుకెళ్లి, అభిమానులు, సహచరులకు నివాళులర్పించేందుకు స్టూడియోలో ఉంచారు. తన చివరి ప్రాజెక్ట్ ‘బాఘా జతిన్’, రుక్మిణి మైత్రా, పరంబ్రత ఛటర్జీ నటించిన దేవ్ నుంచి పలువురు టాలీవుడ్ నటులు, దర్శకులు నివాళులర్పించారు.

అనారోగ్యంతో బాధపడుతున్న దర్శకుడిని ఆసుపత్రిలో పరామర్శించడానికి వెళ్లిన దేవ్ టెక్నీషియన్స్ స్టూడియోలో కన్నీరుమున్నీరుగా కనిపించారు. వీరిద్దరు కలిసి పని చేస్తూనే ఫ్రెండ్స్ గా ఎక్కువ కనెక్ట్ అయ్యారు. అందుకే దేవ్ అతని అంత్యక్రియలు ఎటువంటి అవాంతరాలు లేకుండా జరిగేలా చూసుకుంటున్నాడు. అతనితో పాటు నటి రుక్మిణి కూడా నివాళి అర్పించింది. రాయ్ మృతదేహాన్ని కియోరటాలా శ్మశానవాటికకు తీసుకెళ్లిన శవవాహనం నుంచి ఈ ఇద్దరూ దిగివచ్చారు. అంటే రాయ్ అంత్యక్రియల్లో అది కూడా రాయ్ మృతదేహంతో వీరిద్దరు కనిపించారంటే వీరి స్నేహం అర్థం చేసుకోవచ్చు.

‘బాఘా జతిన్‌’ షూటింగ్‌ సమయంలోనే రాయ్‌కి క్యాన్సర్‌ ఉన్నట్లు నిర్ధారణ అయింది. అనారోగ్యంతో బాధపడుతున్నప్పటికీ, అతను తన పనిలో ఎప్పుడు నెగ్లెట్ చేయలేదట. ‘బాఘా జతిన్’, ‘అరణ్యేర్ దిన్రాత్రి’ చిత్రీకరణను కూడా పూర్తి చేశారు ఈ దర్శకుడు. నిజానికి, దేవ్, రాయ్ ఈశ్వర్ చంద్ర విద్యాసాగర్‌పై సినిమా చేయడానికి ప్లాన్ చేసారు. కొంతమంది దర్శకులు జీవితచరిత్ర చిత్రాలను తీయడానికి రిస్క్ తీసుకునే పరిశ్రమలో, రాయ్‌కు ఎప్పుడూ చరిత్రను తిరిగి చూసే నేర్పు ఉండేది. నిజానికి 14 ఏళ్లలో కేవలం ఐదు సినిమాలే చేశాడు. అయితే ఈ దర్శకుడు ‘ఎగారో’ సినిమాతో ఇండస్ట్రీలోకి ఎంట్రీ ఇచ్చారు. ఆ తర్వాత సామాజికంగా ప్రభావితమైన ‘చోలై’, చారిత్రాత్మకంగా ముఖ్యమైన ‘హీరాలాల్’, ‘బాఘా జతిన్’ వంటి సినిమాలతో ఈయన పేరు మరింత మారుమోగింది.

ప్రముఖ నటుడు ప్రోసెన్‌జిత్ ఛటర్జీ దివంగత దర్శకుడికి నివాళులు అర్పించారు. “అరుణ్ రాయ్ ‘అగారో’ నుంచి ‘బాఘా జతిన్’ వరకు- దశాబ్దంలో అతని ప్రతి సినిమా మనల్ని కొత్తగా ఆలోచించేలా చేశాయని కొనియాడారు. అతను క్యాన్సర్‌తో సుదీర్ఘ పోరాటంలో ఓడిపోయినప్పటికీ.. అతని సినిమాలు మాత్రం నిజమైన విజయంగా మిగిలిపోతాయి. .అరుణ్ కుటుంబానికి సానుభూతి తెలియజేస్తున్నాను అంటూ ట్వీట్ చేశారు ఛటర్జీ.