శ్రీమంతుడు, స్పైడర్, భరత్ అనే నేను, మహర్షి, సరిలేరు నీకెవ్వరూ.. సూపర్ స్టార్ మహేశ్బాబు ఐదేళ్లుగా నటించిన చిత్రలు. వీటన్నింటిలో ఓ కామన్ పాయింట్‌ కనిపిస్తుంది. అన్ని సినిమా ల్లోనూ సమాజానికి సందేశం ఉంటుంది. లుక్‌, క్యారెక్టరైజేషన్‌లో వైవిధ్యం చూపిస్తున్నా.. తన మూవీ ద్వారా ఏదో ఒక మేసేజ్‌ ఇచ్చే ప్రయత్నం చేస్తున్నడు మహేష్. దాంతో, తన తాజా చిత్రం సర్కారు వారి పాటలో సూపర్ స్టార్ ఎలాంటి సందేశం ఇస్తాడనేది చర్చనీయాంశంగా మారింది. కృష్ణ పుట్టిన రోజు సందర్భంగా రిలీజ్‌ చేసిన ఫస్ట్ లూక్‌ పోస్టర్చూస్తే మహేశ్ పాత్ర ఫుల్ మాస్‌గా కనిపిస్తోంది. ఇంకోవైపు డైరెక్టర్ పరశురామ్‌ గత చిత్రాలను చూస్తే కుటుంబ బంధాలకు పెద్ద పీట వేస్తుంటాడు. అయితే, మహేశ్ఫ్యాన్స్‌ ఆశించే మాస్‌ అంశాలతో పాటు తన మార్కు ఫ్యామిలీ వాల్యూస్‌ను పొందుపరిచిన పరశురామ్‌… ‘సర్కారు వారి పాట’ను సిద్ధం చేసినట్టు తెలుస్తోంది.
వచ్చే ఏడాది వేసవిలో విడుదల చేయాలని ప్లాన్ చేసిన ఈ చిత్రం బ్యాంకింగ్ మోసాల బ్యాక్డ్రాప్లో జరిగే కథాంశమని సమాచారం. ప్రీలుక్‌లో మహేశ్ మెడపై రూపాయి టాటూను చూస్తే అది నిజమే అనిపిస్తోంది. ఈ మధ్య కాలంలో బ్యాంకింగ్ మోసాలు ప్రపంచ వ్యాప్తంగా పెద్ద సమస్యగా మారిన సంగతి తెలిసిందే.
అలా తమ కుటుంబాన్ని మోసం చేసిన వారిపై ప్రతీకారం తీర్చుకునే క్యారెక్టర్లో మహేశ్ కనిపిస్తాడని తెలుస్తోంది. ఈ మూవీకి సంబంధించిన మరో ఆసక్తికర విషయం ఏంటంటే హీరోయిన్ కాసినోలలో జూదం ఆడుతుందట. అక్కడే హీరోకు పరిచయం అవుతుందట. ఈ పాత్రకు కియారా అడ్వాణీ, పూజా హెగ్డే పేర్లు పరిశీలనలో ఉన్నాయి. భరత్ అనే నేనుతో కియారా, మహర్షితో పూజా ఇప్పటికే స్క్రీన్ షేర్ చేసుకున్నారు. ప్రస్తుతం వరుస సినిమాలతో బిజీగా ఉన్న ఈ ఇద్దరిలో ఎవరు మహేశ్తో రెండోసారి నటించే అవకాశం కొట్టేస్తారో చూడాలి.
