Balakrishna Koratala Siva Movie: ‘అఖండ 2’ ఫ్లాప్ అయ్యాక బాలయ్య బాబు తన తదుపరి చిత్రాలపై చాలా ఫోకస్ గా ఉన్నారు. ఇక మీదట చేస్తే కుంభస్థలం బద్దలయ్యే సినిమాలే చెయ్యాలని ఆయన ఫిక్స్ అయ్యారు. ‘అఖండ’ తో మొదలైన బాలయ్య విజయ యాత్ర ‘అఖండ 2’ తో ముగిసింది. ఇప్పుడు ఆయన తన కెరీర్ లో మరో నూతన అధ్యాయం తెరిచాడు. ఇప్పటికే గోపీచంద్ మలినేని తో ఒక సినిమా ఒప్పుకొని, షూటింగ్ కార్యక్రమాలు కూడా మొదలు పెట్టారు. ఆ తర్వాత వివేక్ ఆత్రేయ తో ఒక సినిమా కూడా ఫిక్స్ అయ్యింది. ఇక రీసెంట్ గానే కొరటాల శివ తో ఒక ప్రాజెక్ట్ ని అధికారికంగా ప్రకటించారు. ఈ సినిమాకు సంబంధించిన పూజ కార్యక్రమాలు విజయవాడలో గ్రాండ్ గా జరిగాయి. మూవీ టీం తో పాటు , ఆంధ్ర ప్రదేశ్ ఐటీ శాఖ మంత్రి నారా లోకేష్ , సినిమాటోగ్రఫీ మినిస్టర్ కందుల దుర్గేష్ కూడా ఈ కార్యక్రమానికి హాజరయ్యారు.
ఈ సందర్భంగా డైరెక్టర్ కొరటాల శివ మాట్లాడుతూ ‘ చిన్నతనం నుండి బాలయ్య బాబు ని అభిమానిస్తూ, ఆయన సినిమాలు చూస్తూ పెరిగిన వాడిని మీ అందరిలాగానే, నేను కూడా బాలయ్య వీరాభిమానిని. ఈ సందర్భంగా నా తోటి అభిమానులందరికీ ఒక మాట ఇస్తున్న , మీరంతా గర్వపడేలా, ఒక విజువల్ ట్రీట్ లాగా ఈ సినిమాని మీ ముందుకు తీసుకొస్తాను’ అంటూ చెప్పుకొచ్చాడు. ఇప్పటి వరకు మనం చూస్తూ పెరిగిన బాలయ్య ని కాకుండా, ఆయనలోని కొత్త కోణాన్ని ఆవిష్కరించి మన ముందుకు తీసుకొని రాబోతున్నాడట కొరటాల శివ. కొరటాల సినిమాల్లో హీరోలు చాలా సైలెంట్ యాక్టింగ్ చేస్తారు , కానీ బాలయ్య స్టైల్ లౌడ్ యాక్టింగ్. ఈ కలయికే డిఫరెంట్ గా ఉంది , ఎలాంటి జానర్ లో సినిమా తీయబోతున్నారో చూడాలి. ఒకవేళ బాలయ్య ని జెన్ జీ ఆడియన్స్ కి తగ్గట్టుగా కొత్త చూపిస్తే మాత్రం బాక్స్ ఆఫీస్ వద్ద వసూళ్ల సునామీనే చూస్తాము.
గతం లో బాలకృష్ణ, బోయపాటి శ్రీను కాంబినేషన్ లో తెరకెక్కిన ‘సింహా’ చిత్రానికి కథ అందించినది మరెవరో కాదు , కొరటాల శివ నే. ఆ చిత్రానికి స్క్రీన్ ప్లే , మాటలు కూడా ఈయన ఇచ్చాడు. అలాంటి కొరటాల ఇప్పుడు డైరెక్టర్ గా మారి బాలయ్య తో సినిమా చేయబోతున్నాడు , ఇక ఔట్పుట్ ఏ రేంజ్ లో ఉండబోతుందో ఊహించుకోండి. ఇకపోతే ఈ చిత్రం లో విలన్ క్యారెక్టర్ కోసం సీనియర్ హీరో రాజశేఖర్ ని సంప్రదించే ఆలోచనలో ఉన్నారట కొరటాల శివ. త్వరలోనే దీనికి సంబంధించిన అధికారిక ప్రకటన కూడా రానుంది. ఇక ఇందులో హీరోయిన్ గా ఎవరు నటించబోతున్నారు , మిగిలిన నటీనటుల సంగతి ఏంటి? అనేది తెలియాలంటే కొన్ని రోజులు ఎదురు చూడక తప్పదు.
