నటసింహ నందమూరి బాలకృష్ణ ప్రస్తుతం మాస్ డైరెక్టర్ బోయపాటి శ్రీనుతో సినిమా చేస్తున్న సంగతి మనకు తెలిసిందే. గతంలో బాలయ్య , బోయపాటి కాంబినేషన్ లో వచ్చిన సింహ, లెజండ్ సినిమాలు మంచి విజయాలను సాధించాయి. ఈ సినిమాని ద్వారక క్రియేషన్స్ బ్యానర్ పై యువ నిర్మాత మిర్యాల రవీందర్ రెడ్డి నిర్మిస్తున్నారు. ఈ మూవీ షూటింగ్ ఈ రోజు ఉదయం రామోజీ ఫిల్మ్ సిటీలో మొదలుపెట్టారు. మొదటి షెడ్యూల్ లోనే భారీ యాక్షన్ సీక్వెన్స్ ను చిత్రీకరిస్తున్నారు. దీనికి రామ్ – లక్ష్మణ్ మాస్టర్ కొరియోగ్రాఫ్ చేస్తున్నారు. బాలయ్య బోయపాటి కాంబినేషన్ లో వస్తున్న ఈ చిత్రం, ప్రేక్షకులు, అభిమానులు ఎక్స్పెక్ట్ చేస్తున్న స్థాయిలో మోస్ట్ పవర్ఫుల్ గా మంచి కథా బలం తో పాటుగా చాలా గ్రాండియర్ గా తెరకెక్కనుంది. ఈ సినిమా కు థమన్ సంగీతాన్ని అందిస్తున్నారు. ప్రతిష్టాత్మకంగా రూపొందుతున్న ‘బాలయ్య బోయపాటి 3’ కి సంబంధించిన మరిన్ని వివరాలు తెలియల్సివుంది.
