AR Rehman: కొన్ని వేల పాటలకు సంగీతం అందించి.. స్టార్ హీరోలకు సూపర్ డూపర్ ఆల్బమ్స్ అందించిన మ్యూజిక్ డైరక్టర్ ఏఆర్ రెహ్మాన్. ఈయన ఎంతో మంది హీరోలతో కలిసి పనిచేసిన అనుభవం. ఉంది. ఈ క్రమంలోనే రజనీకాంత్తో కలిసి అనేక సినిమాల్లో పనిచేశారు. రజనీకాంత్ నటించిన ముత్తు, నరసింహా, బాబా, శివాజీ: ది బాస్, ఎంథిరన్, కొచ్చడయ్యాన్, లింగా, 2.0 సినిమాలకు రెహ్మాన్ సంగీతం అందించారు. అయితే, తాజాగా, రజనీతో కలిసి పని చేసిన అనుభవంపై ఆసక్తికర వ్యాఖ్యలు చేశారు రెహ్మాన్.
స్టార్హీరోల ఇమేజ్కు తగ్గట్లు ట్యూన్స్ చేయాల్సి వస్తుంది. అప్పుడు ఎంతో ఒత్తిడి మ్యూజిక్ డైరెక్టర్స్పై ఉంటుంది. రెహ్మాన్ కూడా రజనీకాంత్ చిత్రాలకు పనిచేయడం ఎంతో కష్టమని అన్నారు. ఇటీవల ఓ మీడియాకు ఇచ్చిన ఇంటర్వ్యూలో మాట్లాడిన రెహ్మాన్.. పరిమితమైన సమయం ఉండటం వల్ల.. భారం పెరిగి రజనీ సినిమాలకు ట్యూన్స్ అందించిన అనుభవం తనకు ఉందని అన్నారు. ఇప్పుడన్నా చాలా నయమని.. అప్పట్లో రజనీకాంత్ సినిమాలు తరచూ దీపావళి రోజు విడుదలవుతూ ఉండేవని అన్నారు. అందుకు తోడు, తాము ఉంటున్న ఏరియాలో కరెంట్ కోత ఉండటం వల్ల.. జనరేటర్లు ఉన్నా నరకంగా ఉండేదని అన్నారు.
రజనీకి ఉన్న ఇమేజ్ కారణంగా ట్యూన్స్ విషయంలో చాలా జాగ్రత్త వహించాల్సి వచ్చేదని అన్నారు. దాంతో నేను పని చేసే ఇతర దర్శకులు ఆగ్రహానికి బలైన సందర్భాలూ ఉన్నాయని అన్నారు. కాగా, రెహ్మాన్ ఆరు జాతీయ అవార్డులతో పాటు, రెండూ అకాడమీ అవార్డులు గెలుచుకున్నారు.
