Bellamkonda Sreenivas: ప్రభాస్ కెరీర్ లోనే మైల్ స్టోన్ లాంటి సినిమా, అలాగే ప్రభాస్ ను టాలీవుడ్ లో రెబల్ స్టార్ ను చేసిన సినిమా ‘ఛత్రపతి’. ఇటు యాక్షన్, అటు ఎమోషన్ లోనూ ఈ సినిమా ప్రత్యేకంగా నిలిచిపోయింది. అయితే, బెల్లంకొండ సాయి శ్రీనివాస్ ఈ సినిమాతో బాలీవుడ్ లో అడుగుపెట్టడానికి తెగ ఉబలాట పడుతున్న సంగతి కూడా తెలిసిందే.
కాగా ‘ఛత్రపతి’ బాలీవుడ్ రీమేక్ ఇంకా రిలీజ్ కూడా కాలేదు, బెల్లంకొండ శ్రీనివాస్ అప్పుడే త్వరలో మరో భారీ పాన్ ఇండియా మూవీ చేయనున్నట్లు తెలుస్తోంది. సితారా ఎంటర్టైన్మెంట్స్ బ్యానర్ పై ఈ సినిమా తెరకెక్కనున్నట్లు టాక్ వినిపిస్తోంది. హిందీ డబ్బింగ్ సినిమాలతో బెల్లంకొండ యూట్యూబ్లో మంచి ఫాలోయింగ్ సంపాదించుకున్నాడు.
Also Read: పవన్ కల్యాణ్ యువ క్రికెటర్ కు చేసిన సాయమెంత?
అందుకే.. హిందీలో ఈ యంగ్ హీరోకి మంచి డిమాండ్ ఉందట. మొత్తానికి బెల్లంకొండ బాబు నుంచి మరో పాన్ ఇండియా మూవీ రాబోతుంది అన్నమాట. కానీ, బెల్లంకొండ బాబుకు హిందీలో మార్కెట్ లేదు. ఆ మాటకొస్తే.. తెలుగులోనే బెల్లంకొండ బాబుకు మార్కెట్ లేదు. మరి హిందీలో ఇక ఎంతవరకు రాణిస్తాడో ఆయనకే తెలియాలి.
ఇక ఛత్రపతి అనే పేరుతోనే హిందీలోకి కూడా రిలీజ్ చేద్దాం అనుకున్నారు. కానీ, ఆ టైటిల్ ని మరెవరో ఇప్పటికే రిజిస్టర్ చేయించుకున్నారు. టైటిల్ అడిగితే ఇవ్వడానికి వాళ్ళు ఇష్టపడటం లేదు. సరే పోనిలే.. మనం శివాజీ అని టైటిల్ పెట్టుకుందాం అనుకుంటే.. దాన్ని కూడా ఇప్పటికే రిజిస్టర్ చేయించుకున్నారట. మరి బెల్లంకొండ హిందీ మొదటి సినిమాకి టైటిల్ ను ఎలా పెడతారో చూడాలి.
ప్రస్తుతానికి అయితే, ఛత్రపతి టైటిల్ ను రిజిస్టర్ చేయించుకున్న నిర్మాతతో చర్చలు జరుపుతున్నారు. కానీ ఆ బేరసారాలు తెగేలా లేవు అట. ఆ టైటిల్ ఇవ్వడానికి సదరు నిర్మాత దాదాపు 2 కోట్లు డిమాండ్ చేస్తున్నాడట. అసలుకే బెల్లంకొండ బాబు సినిమాకి పెట్టిన డబ్బులే వెనక్కి వస్తాయో రావో తెలియని పరిస్థితి కనిపిస్తుంటే.. మళ్లీ టైటిల్ కి కూడా రెండు కోట్లు ఎక్కడ ఖర్చు పెట్టాలి ? అందుకే, నిర్మాతలు రెండు కోట్లు ఇవ్వడానికి ఇంట్రెస్ట్ గా లేరు.
Also Read: ‘ఆడవాళ్లు..’ దెబ్బకు నష్టాల్లో కూరుకుపోయిన నిర్మాత
