Anil ravipudi: పవర్స్టార్ పవన్ కల్యాణ్ వరుస సినిమాలతో బాణంలా దూసుకెళ్లిపోతున్నాడు. ప్రస్తుతం భీమ్లనాయక్తో బిజీగా ఉన్న పవన్.. ఆ తర్వాత క్రిష్ దర్శకత్వంలో తెరకెక్కనున్న హరిహర వీరమల్లు సినిమాలో నటించనున్నారు. ఇప్పటికే ఈ సినిమా షూటింగ్ ప్రారంభమైంది. మరోవైపు, హరీశ్ శంకర్ దర్శకత్వంలోనూ ఓ సినిమా ఒప్పుకున్నారు. ఇలా వరుస ప్రాజెక్టులతో అభిమానులకు ఊపందిస్తున్నారు పవన్. కాగా, తాజాగా మరో వార్త ఫిల్మ్ ఇండస్ట్రీలో వినిపిస్తోంది. ప్రముఖ దర్శకుడు అనిల్ రావిపూడితో కలిసి ఓ మూవీ చేసేందుకు గ్రీన్సిగ్నల్ ఇచ్చినట్లు సమాచారం. త్వరలోనే ఈ విషయంపై అధికారికంగా ప్రకటించనున్నట్లు తెలుస్తోంది.
కాగా, కథ విషయంలో పవన్ అనిల్కు ఓ షరతు విధించారట. ఇప్పటికే రెడీ అయిన స్క్రిప్ట్లో కొన్ని మార్పులు కావాలని కోరినట్లు సమాచారం హీరోయిజం నేపథ్యంలో కాకుండా.. కుటుంబమంతా కలిసి ప్రశాంతంగా నవ్వుకునేలా కథను ప్రిపేర్ చేయమని చెప్పినట్లు సమాచారం. పటాస్, ఎఫ్2, సరిలేరు నీకెవ్వరు, రాజా ది గ్రేట్ వంటి సినిమాలతో సూపర్ హిట్ కొట్టిన అనిల్ రావిపూడి.. ప్రస్తుతం ఎఫ్ 3 సినిమాను తెరకెక్కించే పనిలో ఉన్నారు.
మరోవైపు, భీమ్లనాయక్ సినిమాతో ఫుల్ బిజీగా గడుపుతున్నారు పవన్. ఇప్పటికే విడుదలైన ఈ సినిమా టీజర్, ప్రోమోలు, సాంగ్లు నెట్టింట వైరల్గా మారాయి. ఇటీవల విడుదలైన ఈ సినిమా లాలా భీమ్లా పాట.. సోషల్ మీడియాను ఓ ఊపు ఊపేస్తోంది. వచ్చే ఏడాది సంక్రాంతి బరిలోకి ఈ సినిమా దిగేందుకు సిద్ధమైంది. చెప్పడం మర్చిపోయానండోయ్.. సురేందర్ రెడ్డి దర్శకత్వంలోనూ పవన్ ఓ సినిమా చేయనున్నారు.
