Pushpa: ఐకాన్ స్టార్ అల్లు అర్జున్ హీరోగా డైరెక్టర్ సుకుమార్ దర్శకత్వంలో తెరకెక్కుతోన్న సినిమా పుష్ప. ఈ సినిమాలో రష్మిక మండన్నా అల్లు అర్జున్ సరసన కనిపించనుంది. భారీ బడ్జెట్తో పాన్ఇండియా స్థాయిలో తెరకెక్కుతోన్న ఈ సినిమాకు మైత్రి మూవీ మేకర్స్ నిర్మిస్తోంది. ఇందులో మలయాళ స్తార్ హీరో ఫహద్ ఫాసిల్ కూడా కనిపించనుండటం విశేషం. ఆర్య, ఆర్య 2 తర్వాత వీరిద్దరు కలిసి ఈ మూవీ తెరకెక్కిస్తుండడంతో సినిమాపై అంచనాలు భారీగా ఉన్నాయి. కాగా తాజాగా ఈ సినిమా నుంచి అభిమానులకు ఓ అప్డేట్ ను మూవీ యూనిట్ ప్రకటించారు.
పుష్ప చిత్రంలో అనసూయ కీలక పాత్ర పోషించనుంది. తన పాత్రకు ద్రాక్షాయిని అని పేరు పెట్టారు. తాజాగా, ఇందుకు సంబంధించిన లుక్ను విడుదల చేసింది చిత్రబృందం. ఇందులో అనసూయ ఎప్పుడూ కనిపించనంత మాస్లుక్లో అలరించింది అనసూయ. మరోవైపు, ఇటీీవల సునీల్ పాత్రకు సంబంధించిన లుక్నూ విడుదల చేసింది చిత్రబృందం. ఇలా ప్రతి పాత్రను డిఫెరెంట్గా చూపిస్తూ.. సినిమాపై అంచనాలను తారస్థాయికి పెంచుతున్నారు సుకుమార్.
రంగస్థలం లో తన నటనతో అందరినీ మెప్పించిన అనసూయ ఈ సినిమాతో ఎలా మ్యాజిక్ చేస్తారో అని ఎదురు చూస్తున్నారు. ఈ చిత్రానికి దేవీ శ్రీ ప్రసాద్ సంగీతం అందిస్తున్నారు. ఇప్పటికే ఈ చిత్రం నుంచి విడుదలైన ‘దాక్కో దాక్కో మేక’, ‘శ్రీవల్లి’, ‘సామి సామి’, పాటలు అభిమానులకు విపరీతంగా నచ్చేశాయి. కన్నడ నటుడు ధనుంజయ, అజయ్, సునీల్ తదితరులు కీలకపాత్రలు పోషిస్తున్నారు. ఎర్రచందనం స్మగ్లింగ్ నేపథ్యంలో తెరకెక్కుతున్న ఈ చిత్రం రెండు భాగాలుగా విడుదల కానుంది. ఈ సినిమా తొలి భాగం క్రిస్మస్ కానుకగా డిసెంబర్ 17 వ తేదీన విడుదల కాబోతుంది. ప్రస్తుతం ఈ వార్త సోషల్ మీడియా లో వైరల్ గా మారింది.
