Anaganaga Oka Raju OTT: ఈ సంక్రాంతి కానుకగా భారీ సినిమాలతో తలపడుతూ భారీ విజయాన్ని సాధించిన చిత్రాల్లో ఒకటి ‘అనగనగా ఒక రాజు'(Anaganaga Oka Raju). నవీన్ పోలిశెట్టి(Naveen Polishetty) హీరో గా నటించిన ఈ చిత్రం కేవలం నాలుగు రోజుల్లోనే బ్రేక్ ఈవెన్ మార్కుని అందుకొని సెన్సేషన్ సృష్టించింది. ప్రపంచవ్యాప్తంగా 90 కోట్ల రూపాయిల గ్రాస్ వసూళ్లను రాబట్టిన ఈ సినిమా, 49 కోట్ల రూపాయలకు పైగా షేర్ వసూళ్లను రాబట్టింది. వంద కోట్ల గ్రాస్ మార్కుని కూడా ఈ చిత్రం అందుకొని ఉంటే బాగుండేది, కానీ సంక్రాంతి సెలవులు ముగిసిన తర్వాత కలెక్షన్స్ బాగా డౌన్ అయిపోయాయి. అందుకే ఈ చిత్రం వంద కోట్ల టార్గెట్ ని మిస్ అయ్యింది. అయితే దాదాపుగా థియేట్రికల్ రన్ ని పూర్తి చేసుకున్న ఈ చిత్రం, ఇప్పుడు ఓటీటీ ఆడియన్స్ ని అలరించడానికి సిద్ధమైంది.
పూర్తి వివరాల్లోకి వెళ్తే ఈ సినిమా ఓటీటీ రైట్స్ ని విడుదలకు ముందే నెట్ ఫ్లిక్స్ సంస్థ భారీ రేట్ కి కొనుగోలు చేసింది. నెట్ ఫ్లిక్స్ తో కుదిరించుకున్న ఒప్పందం ప్రకారం ఈ చిత్రాన్ని థియేటర్స్ లో విడుదలైన నాలుగు వారాలకు ఓటీటీ లో స్ట్రీమింగ్ చేసుకునేందుకు అనుమతి ని ఇవ్వాలి. అయితే థియేట్రికల్ రన్ ముగియడం తో రెండు రోజులు ముందుగానే ఈ చిత్రం ఓటీటీ ఆడియన్స్ కే అందుబాటులోకి రానుంది. ఈ నెల 11న ఈ చిత్రం తెలుగు వెర్షన్ తో పాటు హిందీ, కన్నడ, తమిళం మరియు మలయాళం భాషల్లో నెట్ ఫ్లిక్స్ లో స్ట్రీమింగ్ కానుంది. థియేటర్స్ లో ఆడియన్స్ ని విశేషంగా ఆకట్టుకున్న ఈ చిత్రం, ఓటీటీ ఆడియన్స్ ని ఏ మేరకు ఆకట్టుకోబోతుందో చూడాలి. చాలా సినిమాలు థియేటర్స్ లో సక్సెస్ సాధించి, ఓటీటీ లో ఆడియన్స్ ని అలరించడంలో విఫలం అవుతుంటాయి.
ఈ సినిమా కూడా ఆ కోవకు చెందిన చిత్రం అయ్యే అవకాశాలు ఉన్నాయని అంటున్నారు విశ్లేషకులు. ఎందుకంటే ఈ చిత్రం లో కంటెంట్ పెద్దగా లేదు. నవీన్ పోలిశెట్టి అద్భుతమైన కామెడీ టైమింగ్ తో పాటు, ఆయనకున్న బ్రాండ్ ఇమేజ్ కారణంగా ఈ సినిమా అవలీలగా ఓపెనింగ్ వీక్ లోనే బ్రేక్ ఈవెన్ అయ్యింది. లేదంటే కమర్షియల్ గా యావరేజ్ రేంజ్ లోనే ఉండేదని అంటున్నారు విశ్లేషకులు. మరి విశ్లేషకుల అంచనా నిజం అవుతుందా లేదా అనేది చూడాలి. ఇక పోతే ఈ ఓటీటీ వెర్షన్ లో ఎలాంటి అదనపు సన్నివేశాలను జత చేయడం లేదట. ఈ క్లారిటీ ని స్పష్టంగా ఇచ్చారు మేకర్స్.
