Pushpa Movie: అల్లు అర్జున్, సుకుమార్ కాంబినేషన్ లో వచ్చిన పుష్ప పార్ట్ 1 విడుదలై అల్లు అర్జున్ అభిమానులను అలరిస్తుంది. వీరిద్దరి కాంబోలో వచ్చిన మూడో సినిమా ఇది. అంతకు ముందు ఆర్య, ఆర్య2 తెరకెక్కగా… ఆర్య సినిమా ఎంత పెద్ద హిట్టో అందరికీ తెలిసిందే. పుష్పలో బన్నీది నేలమాస్ క్యారెక్టర్ కావడంతో అభిమానుల పిచ్చి పీక్స్ కు వెళ్లింది. పుష్ప సినిమా విడుదలైన ఫస్ట్ షో నుంచే హిట్ టాక్ తో దూసుకుపోతూ… కలెక్షన్ల పరంగా కూడా దూసుకుపోతుంది. పాన్ ఇండియా మూవీగా తెరకెక్కిన ఈ సినిమా తెలుగు, తమిళ, కన్నడ భాషల్లో విడుదలైంది. మలయాళంలో విడుదల కావాల్సి ఉంది. ఈ సినిమాను మైత్రీ మూవీ మేకర్స్, ముత్తంశెట్టి మీడియా కలిసి నిర్మించారు. దేవిశ్రీ ప్రసాద్ మ్యూజిక్ కూడా ఈ సినిమాకి మరో ప్లస్ అని చెప్పాలి. రష్మిక మందన్న కూడా తొలిసారి బన్నీతో జత కట్టి… డీ గ్లామర్ పాత్రలో అదరగొట్టింది.
కాగా తాజా సమాచారం ప్రకారం ఈ సినిమా ఓటీటీ హక్కులను అమెజాన్ ప్రైమ్ కొనుక్కుంది అని తెలుస్తుంది. అయితే తెలుగులో మాత్రం ఆహా ఓటీటీలో ప్రసారం అవుతుంది. మిగతా భాషల్లో మాత్రం ప్రైమ్ లో ప్రసారం అవుతాయని టాక్. ఎప్పుడు ఓటీటీలో విడుదలవుతుందన్నది మాత్రం ఇంకా తెలియరాలేదు. మలయాళ నటుడు ఫహాద్ ఫాజిల్ ఈ సినిమాలో పోలీసాఫీసర్ గా ప్రధాన పాత్రలో నటించాడు. సునీల్, అనసూయ మరో రెండు ముఖ్య పాత్రల్లో కనిపించారు. ఈ సినిమా పాటలు సూపర్ హిట్ అయ్యాయి. దేవి శ్రీప్రసాద్ సంగీతం అందించారు. ఈ సినిమా మొదటి రోజు రూ.36.72 కోట్ల భారీ వసూళ్లను రాబట్టింది.
