Allu Arjun And Pawan Kalyan: గత కొంతకాలం గా మెగా ఫ్యామిలీ , అల్లు ఫ్యామిలీ మధ్య కోల్డ్ వార్ జరుగుతుందని , ముఖ్యంగా పవన్ కళ్యాణ్ , అల్లు అర్జున్ మధ్య పచ్చ గడ్డి వేస్తే భగ్గుమనే స్థాయిలో గొడవలు జరిగాయని , ఇలా రకరకాలుగా సోషల్ మీడియాలో , మెయిన్ ఎలక్ట్రానిక్ మీడియా లో ప్రచారం జరిగింది. కానీ అలాంటిదేమి లేదని సందర్భం వచ్చినప్పుడల్లా చెప్పకనే చెప్తున్నారు మామా – అల్లుడు. వీళ్ళ మధ్య ఉన్న బాండింగ్ , ప్రేమ వెలకట్టలేనిదని , బయట ఎంత మంది ఎన్ని విధాలుగా మాట్లాడుకున్నా పర్వాలేదని సోషల్ మీడియా లో కొంతమంది అభిమానులు కామెంట్స్ చేస్తున్నారు. ఇదంతా పక్కన పెడితే రీసెంట్ గా అల్లు అర్జున్ పవన్ కళ్యాణ్ ఇంటికి వెళ్లి కలిసి , ఆయనతో మూడు గంటల పాటు సమయాన్ని గడిపి వచ్చాడట.
పూర్తి వివరాల్లోకి వెళ్తే , రీసెంట్ గానే పవన్ కళ్యాణ్ అనారోగ్యానికి గురవ్వడం , దీంతో ఆయన ముక్కు కి కీలక సర్జరీ అవ్వడం వంటివి జరిగాయి. చాలా రోజుల పాటు ఆయన ఉప ముఖ్యమంత్రి బాధ్యతలను కూడా పక్కన పెట్టి , ఇంటికే పరిమితమై విశ్రాంతి తీసుకోవాల్సి వచ్చింది. ప్రస్తుతం ఆయన ఆరోగ్య పరిస్థితి బాగుంది, ప్రభుత్వ కార్యక్రమాల్లో ఫుల్ బిజీ గా గడుపుతున్నాడు. అయితే పవన్ కళ్యాణ్ విశ్రాంతి తీసుకుంటున్న సమయం లోనే అల్లు అర్జున్ కుటుంబ సమేతంగా ఆయన ఇంటికి వెళ్లి , ఆయన్ని కలిసి యోగక్షేమాలు అడిగి తెలుసుకున్నారట అల్లు అర్జున్. ఆ సమయం లో ఫోటోలు తీయడానికి ఆయన అనుమతించలేదట. మా ఇద్దరి మధ్య ఉన్నటువంటి బంధాన్ని బయటకు తెలియజేయాల్సిన అవసరమే లేదని , అది మా మధ్యనే ఉంటే చాలని అల్లు అర్జున్ అనుకున్నాడట. అందుకే ఫోటోలు తీసేందుకు అనుమతి ఇవ్వలేదని తెలుస్తోంది.
గతం లో కూడా పవన్ కళ్యాణ్ చిన్న కుమారుడు మార్క్ శంకర్ పవనోవిచ్ సింగపూర్ లో అగ్నిప్రమాదానికి గురయ్యినప్పుడు , అల్లు అర్జున్ తన సతీమణి స్నేహారెడ్డి తో కలిసి పవన్ కళ్యాణ్ ఇంటికి వెళ్లారు. ఆయన కుటుంబాన్ని పరామర్శించారు. ఇప్పుడు మరోసారి ఆయన అదే పని చేశాడు , దీనిని బట్టీ వాళ్ళ మధ్య ఎలాంటి బంధం ఉంది అనేది అర్థం చేసుకోవచ్చు. ఇకనైనా సోషల్ మీడియా లో వీళ్లిద్దరి హీరోల అభిమానులు ఫ్యాన్ వార్స్ చేసుకోవడం వంటివి ఆపేస్తారో లేదో చూడాలి. వీళ్ళు లేటెస్ట్ గా కలిసిన ఆ ఫోటోలు సోషల్ మీడియా లో వచ్చి ఉండుంటే బాగుండేదని అంటూ తమ అభిప్రాయాన్ని వ్యక్తం చేస్తున్నారు.
