Divorce Alimony Case: ఆ మధ్య బెంగళూరు నగరంలో ఓ ఐటీ ఉద్యోగి ఆత్మహత్య చేసుకున్నాడు. దీనికి ప్రధాన కారణం విడాకుల పేరుతో అతని భార్య వేధించడమే. ఏం చేయాలో తెలియలేదు, ఎన్నిసార్లు కోర్టు మెట్లు ఎక్కినప్పటికీ ఉపయోగం లేకుండా పోయింది. దీనికి తోడు భార్య నుంచి వేధింపులు మరింత పెరిగిపోయాయి. చట్టాలలో ఉన్న వెసలు బాట్లు ఆమెకు అనుకూలంగా మారిపోయా యి. అతడు ఆమె వల్ల తట్టుకోలేకపోయాడు. విసిగి వేసారి పోయాడు ఏం చేయాలో అర్థం కాలేదు తప్పనిసరి పరిస్థితుల్లో తనకు తానే శిక్ష విధించుకున్నాడు బలవంతంగా చనిపోయాడు. దేశవ్యాప్తంగా ఈ సంఘటన సంచలనం కలిగించింది. విడాకుల పేరుతో భార్యల వేధిస్తున్న తీరు కళ్ళకు కట్టింది.
ఆ మధ్య ఒక ప్రముఖ క్రికెటర్ కూడా తన భార్యకు భారీగా భరణం ఇచ్చినట్టు వార్తలు వచ్చాయి.. అతడు ఇచ్చిన నగదు మొత్తం కోట్లల్లో ఉన్నట్టు ప్రచారం జరిగింది.. అయితే అతడు ఎంత ఇచ్చాడు.. ఆమె ఎంత స్వీకరించింది అనే విషయాలు బయటకు రాలేదు. కాకపోతే విడాకులకు సంబంధించిన భరణాల కేసులు మన దేశంలో సంచలనం సృష్టిస్తూనే ఉన్నాయి. ఈవిడాకులు తీసుకునే వారిలో ఎక్కువగా ఉన్నత చదువులు చదివిన వారే ఉంటున్నారు. అంతర్గతంగా విభేదాలు.. విపరీతమైన ఈగోల వల్ల వెంటనే విడాకులు తీసుకుంటున్నారు. అంతేకాదు, విడాకుల కోసం కోర్టు మెట్లు ఎక్కుతున్నారు. భారీగా పరిహారాన్ని కోరుతున్నారు. ఇలాంటి సమయంలో భర్తలు సమిధలుగా మారిపోతున్నారు.
పూణే నగరంలో పెళ్లయిన ఆరు నెలలకే భార్యాభర్తల మధ్య విభేదాలు వచ్చాయి. ఎన్నిసార్లు ముఖాముఖి నిర్వహించినప్పటికీ వారిద్దరు కలిసి ఉండే అవకాశాలు కనిపించలేదు. దీంతో వారిద్దరు విడాకుల కోసం దరఖాస్తు చేసుకున్నారు.. ఈ క్రమంలో ప్రతినెల 2.79 లక్షలు సంపాదించే తన భర్త నుంచి తనకు 1.3 లక్షలు భరణం ఇప్పించాలని ఆమె న్యాయస్థానాన్ని కోరింది.. అతనితో కలిసి ఉన్న ఆరు నెలల సమయంలో అనుభవించిన జీవితాన్ని తాను జీవితాంతం ఆస్వాదించాలని పిటిషన్ లో కోరింది. దానికి న్యాయస్థానం ఒప్పుకుంది. దీంతో ప్రతి నెల ఆమెకు 1.35 లక్షలు చెల్లించాలని న్యాయస్థానం తీర్పు ఇచ్చింది.
ఆమె ప్రతినెల 1.4 లక్షలు సంపాదిస్తూ ఉంటుంది. ఆమె సంపాదించే జీతం.. వచ్చే భరణం మొత్తం కలిపి 2.75 లక్షల వరకు ఉంటుంది. ఈ లెక్కన తన భర్త కంటే ఆమె నెలకు 40 వేలు మాత్రమే తక్కువ సంపాదిస్తుంది. అయితే ఆమెకు కోర్టు ఇచ్చిన తీర్పు పట్ల చాలామంది ఆగ్రహం వ్యక్తం చేస్తున్నారు. న్యాయస్థానం ఇలా చేయడం అన్యాయమని వాదిస్తున్నారు. ఇలాగైతే మగాళ్లు భూమి మీద బతకడం కష్టమని వాపోతున్నారు.
