Pushpa: ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న తాజా చిత్రం పుష్ప. ఈ చిత్రం రెండు భాగాలుగా విడుదల కానున్న సంగతి అందరికీ తెలిసిందే. ఈ చిత్రం మొదటి పార్ట్ పుష్ప ది రైజ్ డిసెంబర్ 17 వ తేదీన ప్రపంచ వ్యాప్తంగా విడుదల కాబోతుంది. ఈ చిత్రం కి సంబంధించిన ప్రచార చిత్రాలు, వీడియో లు, పాటలు విడుదలై ప్రేక్షకులను అభిమానులను విశేషంగా ఆకట్టుకుంటున్నాయి. ఇటీవలే ఈ చిత్రం నుండి విడుదలైనట్రైలర్ కు భారీ రెస్పాన్స్ వస్తోంది. కాగా ఇప్పటికే వచ్చిన పాటలు, టీజర్స్ మంచి క్రేజ్కు దక్కించుకున్నాయి. వాటిల్లో ఏయ్ బిడ్డా ఇది నా అడ్డా పాట కూడా ఒకటి.
https://www.instagram.com/tv/CXVv7sbJU1X/?utm_source=ig_web_copy_link
ఇకపోతే, ఆస్ట్రేలియా క్రికెటర్ డేవిడ్ వార్నర్ అల్లు అర్జున్ పాటలకు గతంలో స్టెప్పులేసి భారత్లో మంచి క్రేజ్ సంపాదించుకున్న సంగతి తెలిసిందే. వీలున్నప్పుడల్లా తన భార్యాపిల్లలలో బన్నీ పాటలకు డాన్స్ వేస్తూ కనిపిస్తుంటారు. వీటిని సోషల్మీడియాలో పోస్ట్ చేసి.. బన్నీ ఫ్యాన్స్ నుండి పొగడ్తలను అందుకుంటారు. ఇటీవలే కాస్త గ్యాప్ ఇచ్చిన వార్నర్.. తాజాగా పుష్ప లోనుంచి ఏయ్ బిడ్డా సాంగ్తో ప్రత్యక్షమయ్యాడు.
బన్న్ీ ఫేస్ని తన ఫేస్తో మార్ఫ్ చేసి వార్నర్ చేసిన డాన్స్ వీడియో ప్రస్తుతం నెట్టింట వారల్గా మారింది. ఈ వీడియోపై నెటిజన్లు కామెంట్ల వర్షం కురిపించారు. విరాట్ కోహ్లీ కూడా మేట్ ఆర్యూ ఓకే అంటూ కామెంట్ చేయగా.. పుష్ప హీరో అల్లు అర్జున్ స్పందిస్తూ.. వార్నర్ బ్రదర్ తగ్గేదెలే అంటూ పుష్ప తరహాలో కామెంట్ పెట్టారు.