pride of our South India – RRR: సౌత్ ఇండియన్ సినిమా కు సొంత దేశంలోనే కాదు అమెరికాలోనూ ఎదురులేకుండా పోతుంది. 95వ ఆస్కార్ అవార్డుల ప్రధానోత్సవం లో ఇది నిరూపితమైంది. గత కొన్ని సంవత్సరాలుగా ఇండియన్ సినిమాను శాసిస్తున్న సౌత్ ఇండియన్ సినిమా.. ఆస్కార్ అవార్డుల ప్రధానోత్సవ కార్యక్రమంలోనూ సత్తా చాట్టింది. ఇప్పటికే సౌత్ ఇండియా నుంచి విడుదలైన కే జి ఎఫ్, కే జి ఎఫ్ చాప్టర్ 2, బాహుబలి 1, బాహుబలి 2, ఆర్ ఆర్ ఆర్, కాంతార, పుష్ప, విక్రమ్ సినిమాలు ఇండియన్ మార్కెట్ నే కాదు, వెస్ట్రన్ మార్కెట్ నూ శాసించాయి. ఆర్ ఆర్ ఆర్ అయితే జపాన్ మార్కెట్ ను కొల్లగొట్టింది.
ఇక తాజాగా అమెరికాలోని లాస్ ఇంజిన్స్ లో జరిగిన 95వ ఆస్కార్ అవార్డుల ప్రధానోత్సవ కార్యక్రమంలోనూ సౌత్ ఇండియన్ సినిమా నటీనటులు సందడి చేశారు. ముఖ్యంగా ఆర్ఆర్ఆర్ సినిమాలోని నాటునాటు పాటకు ఉత్తమ పాట కేటగిరిలో అవార్డు లభించింది. ఎలిఫెంట్ విస్పర్స్ అనే తమిళ డాక్యుమెంటరీ చిత్రానికి ఉత్తమ డాక్యుమెంటరీ చిత్రంగా అవార్డు లభించింది. కన్నడ మూలాలు ఉన్న దీపికా పదుకొనే ఆస్కార్ అవార్డు ప్రజెంటర్ గా వ్యవహరించింది. కాలభైరవ, రాహుల్ సిప్లిగంజ్ నాటు నాటు పాటను పాడి డాల్బీ థియేటర్ ను ఒక ఊపు ఊపారు.
ఇక అవార్డుల ప్రధానోత్సవ కార్యక్రమంలో దక్షిణ భారత సినీ రంగానికి చెందిన వారందరికీ అగ్ర తాంబూలం దక్కడంతో సౌత్ అభిమానులు హర్షం వ్యక్తం చేస్తున్నారు. వివిధ సామాజిక వేదికల ద్వారా శుభాకాంక్షలు తెలియజేస్తున్నారు. కేవలం ఇండియన్ సినిమానే కాదు, వరల్డ్ సినిమాను కూడా రూల్ చేస్తున్నారని కితాబిస్తున్నారు.
#RRRMovie composer M. M. Keeravani accepts the original song #Oscar for “Naatu Naatu” and graces the audience with a tune of his own. https://t.co/hxuR41IpLt pic.twitter.com/t4pbTwAE1M
— Los Angeles Times (@latimes) March 13, 2023
