Bangarraju Movie: కింగ్ అక్కినేని నాగార్జున, కళ్యాణ్ కృష్ణ దర్శకత్వంలో తెరకెక్కుతోన్న చిత్రం ‘బంగార్రాజు’. సోగ్గాడే చిన్ని నాయానా సినిమాతో మంచి విజయాన్ని అందుకున్న వీరిద్దరూ… ప్రీక్వెల్ గా ఈ చిత్రాన్ని నిర్మిస్తున్నారు. కరోనా కారణంగా షూటింగ్ వాయిదా పడుతూ వచ్చిన ఈ చిత్రం… ఎట్టకేలకు షూటింగ్ చివరి దశకు చేరింది. ఈ సినిమాలో నాగార్జునతో పాటు నాగచైతన్య కూడా నటిస్తున్నారు. చైతూకు జోడీగా కృతి శెట్టి నటిస్తుండగా, నాగార్జునకు జంటగా రమ్యకృష్ణ కనిపించనుంది. కాగా తాజాగా ఈ సినిమా నుంచి అదిరిపోయే అప్డేట్ ను చిత్ర బృందం ప్రకటించింది.
నవంబర్ 23 వ తేదీన అక్కినేని నాగ చైతన్య పుట్టిన రోజు సంధర్భంగా ఈ సినిమా నుంచి చైతూ కి ఓ గిఫ్ట్ ఇచ్చింది మూవీ యూనిట్. ఈ మేరకు బంగార్రాజు సినిమా నుంచి అక్కినేని నాగ చైతన్య ఫస్ట్ లుక్ ను విడుదల చేశారు. ఈ ఫస్ట్ లుక్ లో నాగ చైతన్య ఊర మాస్ గా కనిపిస్తున్నాడు. అలానే రేపు ఉదయం 10.23 గంటలకు ఈ సినిమా టీజర్ ను విడుదల చేయనున్నట్లు ప్రకటించారు. ఈ మేరకు సోషల్ మీడియా వేదికగా ఓ పోస్టర్ ను కూడా విడుదల చేశారు. ప్రస్తుతం ఈ పోస్టర్ నెట్టింట చక్కర్లు కొడుతుంది.
https://twitter.com/AnnapurnaStdios/status/1462751389327577090?s=20
దర్శకుడు కళ్యాణ్ కృష్ణ దాదాపు నాలుగేళ్ల పాటు ఈ సినిమా స్క్రిప్ట్ పై పని చేసిన విషయం తెలిసిందే. కాగా పక్కా ప్లాన్ ప్రకారం షూటింగ్ ను పూర్తి చేస్తున్నారు. ఈ సినిమాను సంక్రాంతికి కానుకగా విడుదల చేయాలని చిత్ర బృందం ప్లాన్ చేస్తుంది.
