Akhil emotional post on Ram Charan: నిన్న మొన్నటి వరకు రామ్ చరణ్ అభిమానులు ‘పెద్ది’ చిత్రం లో తమ అభిమాన హీరో అంత అద్భుతంగా నటిస్తే , ఒక్క స్టార్ హీరో కానీ , డైరెక్టర్ కానీ ఆయన్ని మెచ్చుకుంటూ పోస్టులు వెయ్యలేదని, రామ్ చరణ్ అంటే కుళ్ళుకుంటున్నారు అంటూ సోషల్ మీడియా లో విచారం వ్యక్తం చేశారు. కానీ నిన్న ఐకాన్ స్టార్ అల్లు అర్జున్ ‘పెద్ది’ చిత్రం గురించి అద్భుతంగా స్పందిస్తూ , రామ్ చరణ్ పై పొగడ్తల వర్షం కురిపించడంతో అభిమానులు చాలా సంతోషించారు. ఇప్పుడు లేటెస్ట్ గా అక్కినేని నాగ చైతన్య కూడా ఈ జాబితాలో చేరిపోయాడు. కాసేపటి క్రితమే ఆయన ‘పెద్ది’ చిత్రం లోని రామ్ చరణ్ నటన పై ప్రశంసలు కురిపిస్తూ వేసిన ట్వీట్ బాగా వైరల్ అయ్యింది.
ఆయన మాట్లాడుతూ ‘మై డియర్ బ్రదర్ రామ్ చరణ్.. నీ కష్టం , డెడికేషన్ తో పెద్ది చిత్రాన్ని మొత్తం నడిపించావు. నీ అద్భుతమైన నటన గురించి చెప్పడానికి నా దగ్గర మాటలు సరిపోవడం లేదు. ప్రతీ క్రాఫ్ట్ లోనూ నువ్వు చూపించిన డెడికేషన్ కి సెల్యూట్ చేస్తున్నాను. పెద్ది చిత్రం బాక్స్ ఆఫీస్ వద్ద సెన్సేషనల్ బ్లాక్ బస్టర్ గా నిలిచినందుకు మూవీ టీం మొత్తానికి శుభాకాంక్షలు తెలియజేస్తున్నాను. అంతే కాకుండా ఈ చిత్రం లో నటించిన నటీనటులకు , టెక్నీషియన్స్ కి కూడా శుభాకాంక్షలు. మీరు పడిన కష్టం ప్రతీ ఫ్రేమ్ లోనూ కనిపించింది. మీ కష్టం తో ఇలాంటి క్వాలిటీ కంటెంట్ సినిమాని అందించి , మమ్మల్ని ఎంటర్టైన్ చేసినందుకు ధన్యవాదాలు’ అంటూ ఆయన మాట్లాడిన మాటలు ఇప్పుడు సోషల్ మీడియా లో బాగా వైరల్ అయ్యాయి. రామ్ చరణ్ , అఖిల్ సొంత అన్నదమ్ములు లాగా ఉంటారు అనే విషయం మన అందరికీ తెలిసిందే. వీళ్లిద్దరి మధ్య బాండింగ్ అనేక సందర్భాల్లో బయటపడింది.
రామ్ చరణ్ పెద్ది సినిమా కోసం తన ‘లెనిన్’ చిత్రాన్ని కూడా నిర్మాతలతో మాట్లాడి వాయిదా వేయించాడు అఖిల్. ఆ స్థాయి అనుబంధం వీళ్లిద్దరి మధ్య ఉంది. టాలీవుడ్ లో దిగ్గజ స్టార్ హీరోలకు వారసులుగా ఎంట్రీ ఇచ్చి , ఏ మాత్రం ఈగో లేకుండా సాగుతున్న వీళ్లిద్దరి రిలేషన్ ని చూసి సోషల్ మీడియా లో అభిమానులు మురిసిపోతున్నారు. ఇకపోతే ‘లెనిన్’ మూవీ ప్రీ రిలీజ్ ఈవెంట్ కి రామ్ చరణ్ ముఖ్య అతిథి గా విచ్చేసే అవకాశాలు కూడా ఉన్నాయి. లెనిన్ ఈ చిత్రం ఈ నెల 25 న ప్రేక్షకుల ముందుకు రాబోతుంది. అఖిల్ కెరీర్ లోనే ఈ చిత్రం ది బెస్ట్ గా నిలిచిపోతుందని అంటున్నారు, చూడాలి మరి అది ఎంత వరకు నిజం అనేది.
My dear brother RC.
Your hard work and dedication has carried the film through out. What an unbelievable performance with so many layers and transformations. I salute you for your dedication to your craft and effortless approach to it.
Congrats to the entire team of Peddi on…
— Akhil Akkineni (@AkhilAkkineni8) June 10, 2026
