Akhanda: ప్రస్తుతం టాలీవుడ్లో మాస్ డైరెక్టర్ అంటే గుర్తొచ్చేంది బోయపాటి శ్రీను, పూర జగన్నాథ్. వీరిద్దరి దర్శకత్వంలో వచ్చే సినమాలు ప్రజెంటేషన్ వేరే లెవల్లో ఉంటాయి. ముఖ్యంగా బోయపాటి తెరకెక్కించిన సినిమాలన్నీ మాస్ మసాలా డ్రామాతో పాటు ప్యామిలీ ఎమోషన్స్ను కళ్లకు కట్టినట్లు చూపించి ప్రేక్షకులను ఆకట్టుకుంటారు. ఈ క్రమంలోనే బోయపాటి దర్శకత్వంలో వచ్చిన తాజా సినిమా అఖండ.
అయితే, ఈ సినిమా ఆయన కెరీర్లోనే పూర్తి డిఫరెంట్ అని చెప్పుకోవచ్చు. ఈ సినిమాలో మునుపెన్నడూ లేని విధంగా కథను ప్రిపేర్ చేసి ప్రేక్షకులను థియేటర్లకు పరిగెత్తుకొచ్చేలా చేశారు బోయపాటి. నందమూరి బాలకృష్ణ హీరోగా వచ్చిన ఈ సినిమాలో మాస్తో పాటు అద్భుతమైన విజువల్స్ను చూపించి అందరనీ మెస్మరైజ్ చేశారు బోయపాటి. ఇందులో తక్కువగానే గ్రాఫికర్ ట్రీట్ ఇచ్చినప్పటికీ.. అందర్నీ ఆకట్టుకుంది.
గతంలో ఎన్టీఆర్తో దమ్ములో ఓ స్పెషల్ సాంగ్ను ప్లాన్ చేయగా.. దీన్ని చూసి రాజమౌళి ఆశ్చర్యపోయారు. ఇప్పుడు అఖండలోనూ అదే విధంగా చిన్న విజువల్ టచ్ ఇచ్చి ఆశ్చర్యపరిచాడు. అఖండలో సెకండ్ఆఫ్ క్లైమాక్స్లో బాలయ్య రథ చక్రం పట్టుకుని అలా పైకి ఎత్తిన సీన్ అందరికీ గుర్తుంది కదా.. ఆ సమయంలో రుద్ర తాండవం చేసే పరమశివుడిలా బాలయ్యను చూపించడం అందర్నీ మెస్మరైజ్కు గురి చేసింది. ఈ సీన్తో సినిమా చూస్తున్న వాళ్లంతా కాసేపు ట్రాన్స్లోకి వెళ్లిపోయారు. దీంతో బాయపాటి విజువల్కు హ్యాట్సాఫ్ అంటూ నెటిజన్లు కామెంట్లు చేస్తున్నారు. ప్రస్తుతం ఆ లుక్కు సంబంధించిన పిక్స్ సోషల్ మీడియాలో వైరల్గా మారాయి.
