Khushboo weight loss secret: ఆమె వయసు ఇప్పుడు 55 సంవత్సరాలు. సరిగ్గా కొన్ని సంవత్సరాల క్రితం ఆమె విపరీతంగా బరువు ఉండేవారు. ఆ బరువు ఆమెకు సమస్యగా ఉండేది. గ్లామర్ ఫీల్డ్ లో ఉంది కాబట్టి.. అంతటి బరువు ఆమెకు ఇబ్బందిగా అనిపించేది. తన తోటి నటులు స్లిమ్ గా ఉంటే.. తను మాత్రం ఇలా ఉండడాన్ని తట్టుకోలేకపోయింది. అలాగని ఆమె జిమ్ లలో కసరత్తులు చేయలేదు. కడుపు మాడ్చుకోలేదు. 32 కిలోల బరువు తగ్గి ఇప్పుడు సన్న జాజితీగ లాగా మారిపోయారు. అలా మారిపోయిన ఆ నటి పేరు కుష్బూ..
కుష్బూ దక్షిణాదిలో అన్ని చిత్ర పరిశ్రమల్లో పనిచేసిన అనుభవం ఉంది. ఆమె అనేక చిత్రాల్లో నటించింది. తెలుగులో వెంకటేష్ వంటి వారితో కూడా స్క్రీన్ పంచుకుంది. మొదటినుంచి కాస్త బుద్ధుగా ఉండే కుష్బూ.. ఆ తర్వాత మరింత లావుగా మారిపోయింది. ఇండస్ట్రీ కేవలం గ్లామర్ ను మాత్రమే ఎంకరేజ్ చేస్తుంది. మేము నటించాం.. మాకు నటన వచ్చు అంటే పక్కన పెడుతుంది. కుష్బూ కూడా లావుగా కావడంతో అవకాశాలు ఒకప్పటి మాదిరిగా రాలేదు. దీంతో ఆమె బరువు తగ్గడం మీద దృష్టి పెట్టారు. ఆరోగ్యంపై కూడా అత్యంత సీరియస్ గా ఫోకస్ పెట్టారు.
ఎటువంటి కృత్రిమ విధానాలకు వెళ్లకుండా కుష్బూ రోజుకు రెండుసార్లు నడిచేవారు. ఉదయం 45 నిమిషాలు.. సాయంత్రం 45 నిమిషాల పాటు వాకింగ్ చేసేవారు. జంక్ ఫుడ్ పూర్తిగా దూరంపెట్టారు. గ్లూటన్ (మైదా) ను పూర్తిగా అవాయిడ్ చేశారు. పంచదార వాటం మానేశారు. పౌష్టికాహారానికి ఓటు వేశారు. శరీరాన్ని అర్థం చేసుకున్నారు. కూరగాయలను, పండ్లను ప్రతిరోజు ఆహారంలో భాగం చేసుకున్నారు.
బ్రౌన్ రైస్, మిల్లెట్స్ ను తీసుకునేవారు. డైటీషియన్ సూచన మేరకు ప్రోటీన్ ఫుడ్ తీసుకునేవారు.. దీనికి తోడు ఒత్తిడి లేకుండా చూసుకున్నారు. మెంటల్ గా.. ఫిజికల్ గా హ్యాపీగా ఉండేవారు . పిల్లలతో ఎక్కువ సమయం గడిపేవారు. కెరియర్.. ఇతర విషయాలలో పిల్లల ఇష్టానికే ఆమె ఓటు వేశారు. ఫలితంగా ఖుష్బూ మునుపటి కంటే అందంగా కనిపిస్తున్నారు. ఇప్పుడు ఆమె వయసు 55 సంవత్సరాలు. బరువు తగ్గడం.. మంచి ఆహారపు అలవాట్లు పాటించడం.. కుటుంబ సభ్యుల విషయంలో వారి ఇష్టాన్ని గౌరవించడంతో ఆమె పాతిక సంవత్సరాల పడుచులాగా కనిపిస్తున్నారు. అంతే కదా.. బరువు శారీరక సమస్య.. తేలికైన జీవితం మానసిక సమస్య.. ఈ రెండింటిని అధిగమిస్తే జీవితం ఉల్లాసంగా ఉత్సాహంగా సాగిపోతుంది. ఇప్పుడు ఇలాంటి జీవితాన్ని కుష్బూ ఆస్వాదిస్తున్నారు.
