Naresh Srikanth:మెగా హీరో సాయిధరమ్ తేజ్ యాక్సిడెంట్ చుట్టూ అల్లుకున్న వివాదాలు ఎన్నో.. ఇందులో సినీ ప్రముఖులు, మీడియా చేస్తున్న అతి ఇప్పుడు ఆయన కుటుంబాన్ని మరింత కుమిలిపోయేలా చేస్తోంది. ఇటీవల సాయిధరమ్ తేజ్ రోడ్డు ప్రమాదంలో తీవ్రంగా గాయపడిన మరుక్షణం నుంచి ఈ వార్తలు మీడియాలో హైలెట్ అవుతున్నాయి.
ప్రస్తుతం అపోలో ఆస్పత్రిలో చికిత్స పొందుతున్న సాయిధరమ్ తేజ్ ప్రస్తుతం కాలర్ బోన్ శస్త్రచికిత్స విజయవంతంగా పూర్తికావడంతో కోలుకుంటున్నాడు.
సాయితేజ్ ప్రమాదం విషయం తెలుసుకొని పలువురు ప్రముఖులు ఆస్పత్రికి చేరుకొని అతడి ఆరోగ్య పరిస్థితి గురించి తెలుసుకుంటున్నారు. అయితే తేజ్ ప్రమాదం గురించి తెలియగానే నటుడు నరేశ్ చేసిన వ్యాఖ్యలు తీవ్ర వివాదాస్పదమయ్యాయి.
నరేశ్ చేసిన వ్యాఖ్యలను సినీ ప్రముఖులు తప్పుబట్టారు. ‘ఇలాంటి సందర్భాల్లో ఎలా మాట్లాడాలో ముందుగా తెలుసుకోండి’ అంటూ నరేశ్ పై ఆగ్రహం వ్యక్తం చేశారు. బండ్ల గణేష్, హీరో శ్రీకాంత్ వంటి వారు నరేశ్ మాటలను తప్పుపట్టారు.
ఈ క్రమంలోనే తాజాగా నరేశ్ మళ్లీ ఒక వీడియోలో బయటకు వచ్చాడు. శ్రీకాంత్ మాటలకు రీకౌంటర్ ఇచ్చాడు. ఒక వీడియోను రిలీజ్ చేశాడు. ‘సాయిధరమ్ తేజ్ పై నేను మాట్లాడిన మాటలకు పెద్దలు నాకు ఫోన్ చేశారు. వెంటనే వాటిపై క్లారిటీ ఇచ్చాను. శ్రీకాంత్ మాట్లాడే ముందు జాగ్రత్తగా ఉండాలి. ఇక్కడ ఎమోషన్స్ చాలా ముఖ్యం. చనిపోయిన వారి గురించి నేను చెప్పలేదు. జనరల్ గా ఇండస్ట్రీలో జరిగినవి చెప్పారు. బైకులను మనం చాక్లెట్స్ మాదిరిగా పిల్లలకు ఇవ్వం. యాక్సిడెంట్స్ నాకు జరిగాయి. కానీ శ్రీకాంత్ మాట్లాడిన విధానం బాధ కలిగించింది. నా కళ్ల ముందు నువ్వు హీరోగా రావడం చూశాను. మంచి సినిమాలు చేశావు.. హీరోగా ఎదిగావు. మా ఎన్నికల్లో పోటీ చేసి ఓడిపోయారు. దయచేసి ఇలా ఇంకోసారి మాట్లాడొద్దు.. ’ అని నరేశ్ గట్టి హెచ్చరికలనే హీరో శ్రీకాంత్ కు ఇచ్చాడు.
50ఏళ్లుగా ఇండస్ట్రీలో ఉన్నానని.. ఎలా మాట్లాడాలో ఏం మాట్లాడాలో నాకు తెలుసు అని.. నువ్వు మాట్లాడే ముందు ఆలోచించి మాట్లాడు అంటూ శ్రీకాంత్ కు నరేశ్ గట్టి కౌంటర్ ఇచ్చాడు.
