Acharya: మెగాస్టార్ చిరంజీవి, కొరటాల శివ కాంబినేషన్‌ లో తెరకెక్కుతున్న చిత్రం “ఆచార్య”. ఈ సినిమాలో మెగా పవర్ స్టార్ రామ్చరణ్ కూడా న‌టిస్తుండ‌టంతో మూవీపై అంచ‌నాలు భారీగా పెరిగాయి. అలానే ఈ చిత్రంలో చిరంజీవికి జోడీగా కాజల్… చరణ్ సరసన పూజా హెగ్డే హీరోయిన్లుగా నటిస్తున్నారు. ఈ సినిమాను కొణిదెల ప్రొడక్షన్స్, మ్యాట్నీ ఎంటర్టైన్మెంట్ బ్యానర్లపై సంయుక్తంగా నిర్మిస్తున్నారు. ఈ సినిమాతో మణిశర్మ మరోసారి తన మ్యూజిక్ తో అందరినీ మ్యాజిక్ చేయనున్నారు. ఇప్పటికే ఈ సినిమా నుంచి వచ్చిన పాటలు, టీజర్లు నెట్టింట ట్రెండింగ్లో దూసుకెళ్లిపోతున్నాయి.
తాజా సమాచారం ప్రకారం కొత్త సంవత్సరం కానుకగా ఈ సినిమా నుంచి మాస్సీవ్ అప్డేట్ రానుందట.. మెగాస్టార్, రామ్చరణ్లకు సంబంధించిన వండర్ విజువల్స్తో మెస్మరైజ్ చేసేందుకు సిద్ధమవుతున్నట్లు తెలుస్తోంది. బహుశా, వీరిద్దరు కలిసి డాన్స్ చేసిన వీడియో కూడా అయ్యుండచ్చని టాక్. ఫిబ్రవరిలో4న ఈ సినిమా విడుదల కానున్న సంగతి తెలిసిందే. ఈ క్రమంలోనే కచ్చితంగా కొత్త ఏడాదికి ఈ అప్డేట్ వచ్చే అవకాశం ఉందని తెలుస్తోంది.
ఇక మెగాస్టార్ సినిమాల విషయానికి వస్తే మలయాళం మూవీ ” లూసిఫర్ ” రీమేక్ గా తెరకెక్కుతున్న ‘గాడ్‌ ఫాదర్‌’ షూటింగ్ జరుపుకుంటుంది. వీటితో పాటు మెహర్‌ రమేశ్ డైరెక్షన్ లో ” భోళా శంకర్ ”, బాబీతో మరో సినిమా చేయనున్నారు. మరోవైపు ఆర్ఆర్ఆర్ సినిమాతో ఫుల్ బిజీగా ఉన్నారు రామ్చరణ్.. ఈ సినిమా తర్వాత శంకర్ దర్శకత్వంలో మరో సినిమా చేయనున్నారు.