Jobs: హైదరాబాద్‌ మల్కాజ్‌గిరికి చెందిన భరోసా సెంటర్‌ అనుభవం ఉన్న ఉద్యోగులకు తీపికబురు అందించింది. 4 ఉద్యోగ ఖాళీల భర్తీ కోసం ఈ సంస్థ నుంచి తాజాగా జాబ్ నోటిఫికేషన్ రిలీజైంది. మల్టీ పర్పస్‌ హెల్త్‌ వర్కర్‌ ఏఎన్‌ఎం, డేటా ఎంట్రీ ఆపరేటర్, రిసెప్పనిస్ట్‌ ఉద్యోగ ఖాళీలతో పాటు లీగల్‌ సపోర్ట్‌ ఆఫీసర్‌ ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారు. నిరుద్యోగులకు ఈ జాబ్ నోటిఫికేషన్ ద్వారా ప్రయోజనం చేకూరనుంది.
ఏదైనా డిగ్రీ పూర్తి చేసి రెండేళ్ల అనుభవం ఉన్నవాళ్లు డేటా ఎంట్రీ ఆపరేటర్ ఉద్యోగ ఖాళీలకు అర్హత కలిగి ఉంటారు. ఇంటర్ విద్యార్హత ఉన్నవాళ్లు రిసెప్షనిస్ట్ పోస్టులకు అర్హులు. అనుభవం ఉన్నవాళ్లు మాత్రమే ఈ ఉద్యోగ ఖాళీలకు దరఖాస్తు చేసుకోవాలి. ఆఫ్ లైన్ లో అర్హత, ఆసక్తి ఉన్న అభ్యర్థులు ఈ ఉద్యోగ ఖాళీల కొరకు దరఖాస్తు చేసుకోవచ్చు. సైబరాబాద్ కమిషనరేట్, గచ్చిబౌలిలో దరఖాస్తులను అందించాల్సి ఉంటుంది.
మార్చి 24వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరితేదీ కాగా https://womensafetywing.telangana.gov.in/ వెబ్ సైట్ ద్వారా ఈ ఉద్యోగ ఖాళీలకు సంబంధించిన పూర్తి వివరాలను తెలుసుకోవచ్చు. ఈ ఉద్యోగ ఖాళీలకు ఎంపికైన వాళ్లకు నెలకు 15,000 రూపాయల నుంచి 30,000 రూపాయల వరకు వేతనం లభిస్తుంది.
