ఆంధ్రప్రదేశ్ స్టేట్ స్కిల్ డెవలప్‌మెంట్‌ కార్పొరేషన్ నిరుద్యోగులకు అదిరిపోయే తీపికబురును అందించింది. nvh india కంపెనీలో 50 ఉద్యోగ ఖాళీల భర్తీ కోసం నోటిఫికేషన్ ను విడుదల చేసింది. గ్రాడ్యుయేట్ ఇంజనీర్ ట్రైనీ విభాగంలో ఈ ఉద్యోగ ఖాళీల భర్తీ జరగనుందని తెలుస్తోంది. అర్హత, ఆసక్తి ఉన్న అభ్యర్థులు ఈ ఉద్యోగ ఖాళీల కొరకు దరఖాస్తు చేసుకోవచ్చు. బీటెక్ (మెకానికల్‌/ఈఈఈ) పాసైన వాళ్లు ఈ ఉద్యోగ ఖాళీల కోసం దరఖాస్తు చేసుకోవాల్సి ఉంటుంది.
2018 – 2021 మధ్య పాసైన అభ్యర్థులు మాత్రమే ఈ ఉద్యోగ ఖాళీల కొరకు దరఖాస్తు చేసుకోవాలి. 19 సంవత్సరాల నుంచి 26 సంవత్సరాల మధ్య వయస్సు ఉన్నవాళ్లు ఈ ఉద్యోగ ఖాళీల కొరకు దరఖాస్తు చేసుకోవచ్చు. ఎవరైతే ఈ ఉద్యోగాలకు ఎంపికవుతారో వారికి 15,592 రూపాయలు వేతనం లభిస్తుంది. ఇంటర్వ్యూ నిర్వహించి ఈ ఉద్యోగాలకు అభ్యర్థులను ఎంపిక చేయడం జరుగుతుంది.
జూన్ నెల 20వ తేదీ ఈ ఉద్యోగాలకు దరఖాస్తు చేయడానికి చివరి తేదీగా ఉంది. ఎవరైతే ఈ ఉద్యోగాలకు దరఖాస్తు చేసుకుంటారో వారికి ఈ నెల 22వ తేదీ ఉదయం 10 గంటలకు ఇంటర్వ్యూ ఉంటుంది. దరఖాస్తు చేసుకున్న వాళ్లకు ఎస్ఎంఎస్ ద్వారా ఇంటర్వ్యూ వేదిక, తదితర వివరాలు తెలుస్తాయి. ఈ ఉద్యోగాలపై ఆసక్తి ఉన్న అభ్యర్థులు https://www.apssdc.in/ వెబ్ సైట్ ద్వారా రిజిష్టర్ చేసుకోవాల్సి ఉంటుంది.
స్కిల్ డెవలప్‌మెంట్‌ కార్పొరేషన్ ఆధ్వర్యంలో ఈ ఉద్యోగాలకు అభ్యర్థుల ఎంపిక ప్రక్రియ జరుగుతుంది. ఎవరైతే ఈ ఉద్యోగాలకు ఎంపికవుతారో వారికి శిక్షణ అందిస్తారు. శిక్షణ పూర్తైన వాళ్లకు ఉద్యోగంతో పాటు రవాణా, భోజన సదుపాయం కల్పించడం జరుగుతుంది.
