Vishwak Sen : యంగ్ హీరో విశ్వక్ సేన్ కథానాయకుడిగా ‘అశోకవనంలో అర్జున కళ్యాణం’ సినిమా రాబోతుంది. విలేజ్ బ్యాక్ డ్రాప్ పెళ్లి నేపథ్య కథతో బాపినీడు – సుధీర్ నిర్మించిన ఈ చిత్రాన్ని ఫుల్ ఎంటర్ టైనర్ గా తెరకెక్కించారు. ఇప్పుడు ఈ సినిమా రిలీజ్ డేట్ను ప్రకటించారు. ఈ సినిమాను మార్చి 4న థియేటర్లలోకి తీసుకురానున్నట్లు పేర్కొన్నారు. ఇక లేటు వయసులో పెళ్లి చేసుకోబోతున్న హీరో.. ఆ పెళ్లి అవుతుందా లేదా అనే టెన్షన్ లో పడే పాట్లు.. ఇలా సాగుతున్న టీజర్ ను ఇటీవల విడుదల చేశారు.
కాగా ఈ సినిమాతో, విద్యాసాగర్ చింత దర్శకుడిగా పరిచయమవుతున్నాడు. ఈ సినిమాలో విశ్వక్ సేన్ సరసన నాయికగా రుక్సార్ థిల్లాన్ నటించింది. అయితే ఈ సినిమా టీమ్ ప్రస్తుతం ప్రమోషన్స్ పై దృష్టి పెట్టింది. అందులో భాగంగానే ఈ రోజు రిలీజ్ డేట్ పోస్టర్ ను రిలీజ్ చేసింది. ఇప్పటికే ఈ సినిమా నుంచి రిలీజ్ అయిన ఫస్ట్ లిరికల్ సాంగ్ మరియు టీజర్ కూడా చాలా బాగా ఆకట్టుకున్నాయి.
కాగా ఈ ‘అశోకవనంలో అర్జున కల్యాణం ‘సినిమా నెటిజన్లను కూడా బాగా ఆకట్టుకుంటుంది. ఇక హీరో విశ్వక్ సేన్ రీసెంట్ గా కరోనా వ్యాధికి గురై.. కోలుకున్నాడు. ఈ సినిమా పైనే తన హోప్స్ అన్నీ పెట్టుకున్నాడు. లాస్ట్ సినిమా పాగల్ కూడా భారీ ప్లాప్ అయింది. దాంతో విశ్వక్ సేన్ కి ఈ సినిమానే కీలకం అయింది.
మరి విశ్వక్ సేన్ ఈ సినిమాతో హిట్ కొడతాడా ? సినిమాలో మ్యాటర్ మాత్రం చాలామందికి కనెక్ట్ అయ్యేలా ఉంది. కాబట్టి.. ఈ సినిమా హిట్ అవుతుందని ఆశిద్దాం.
