Women In IT Sector India Growth Statistics: ఒకప్పుడు వంటింటికే పరిమితమైన మహిళలు ఇప్పుడు అన్ని రంగాల్లో దూసుకుపోతున్నారు. ముఖ్యంగా ఐటీ సెక్టార్ లో పురుషుల కంటే మహిళల ప్రాతినిథ్యం పెరుగుతున్నట్లు కొన్ని నివేదికలు చెబుతున్నాయి. ఇటీవల కెరియర్నెట్ సంస్థ తెలిపిన తాజా నివేదికల ప్రకారం.. 2022 ఆర్థిక సంవత్సరంలో ఐటీ, IT-ఎనేబుల్డ్ సర్వీసెస్ (ITES) సెక్టార్లో 30 శాతం మాత్రమే ఉన్న నారీమణుల నియామకాలు FY26 నాటికి 40 శాతానికి చేరాయి. ఈ పెరుగుదల భారత ఐటీ ఇండస్ట్రీలో మహిళల సామర్థ్యాన్ని, విస్తరణ అవకాశాలను సూచిస్తోంది.దీని గురించి పూర్తి వివరాల్లోకి వెళితే..
ఐటీ సెక్టార్ లో మహిళలు దూసుకుపోతున్నారు. వివిధ ఉపవిభాగాల్లో మహిళల ప్రాతినిధ్యం వేర్వేరుగా ఉంది. ఫైనాన్స్ & అకౌంటింగ్ రంగంలో అత్యధికంగా 43 శాతం మహిళలు పనిచేస్తున్నారు. డేటా సైన్స్, అనలిటిక్స్లో 34 శాతం, UX, డిజైన్, ఆర్కిటెక్చర్లో 31 శాతం, ఇన్ఫర్మేషన్ సెక్యూరిటీలో 29 శాతం మహిళలు ఉన్నారు. సాఫ్ట్వేర్ డెవలప్మెంట్లో 27 శాతం వరకు ప్రాతినిధ్యం ఉంది. అయితే, కన్సల్టింగ్ రంగంలో అత్యల్పంగా 20 శాతం మాత్రమే మహిళలు ఉన్నారు. ఈ డేటా FY22 నుంచి FY26 వరకు నియామకాల ఆధారంగా సేకరించబడింది.
ఈ పెరుగుదలకు కారణాలు అనేకం. రిమోట్ వర్క్ అవకాశాలు, స్కిల్ డెవలప్మెంట్ ప్రోగ్రామ్లు, మహిళలకు స్పెషల్ ట్రైనింగ్లు ముఖ్యమైనవి. NASSCOM డేటా ప్రకారం, భారత ఐటీ సెక్టార్లో మొత్తం 35 లక్షల మంది ఉద్యోగుల్లో 34 శాతం మహిళలు ఉన్నారు. కానీ, సీనియర్ రోల్స్లో ప్రాతినిధ్యం ఇంకా తక్కువగా ఉంది. కెరియర్నెట్ నివేదిక ప్రకారం, FY26లో మహిళల నియామకాలు మరింత పెరిగి 45 శాతానికి చేరే అవకాశం ఉంది.
ఈ ట్రెండ్ ఐటీ ఇండస్ట్రీకి ప్రయోజనకరం. మహిళల పాల్గొనడం డైవర్సిటీని పెంచి, ఇన్నోవేషన్ను ప్రోత్సహిస్తుంది. అయితే, కన్సల్టింగ్, సీనియర్ లెడర్షిప్ రంగాల్లో మహిళలకు మరిన్ని అవకాశాలు కల్పించాలి. ప్రభుత్వం, కంపెనీలు ‘వీమెన్ ఇన్ టెక్’ ఇనిషియేటివ్ల ద్వారా ఈ ప్రక్రియను వేగవంతం చేస్తున్నాయి. మొత్తంగా, ఈ పురోగతి భారత ఐటీ సెక్టార్ భవిష్యత్తును ఆకర్షణీయంగా మార్చుతోంది. ఈ సందర్భంగా కెరియర్నెట్ CEO కృష్ణన్ రామకృష్ణన్ మాట్లాడుతూ, ‘మహిళలు టెక్నాలజీ రంగంలో కీలక పాత్ర పోషిస్తున్నారు. ఈ ట్రెండ్ భవిష్యత్తులో మరింత బలపడుతుంది’ అని పేర్కొన్నారు.
