POCO C 81, POCO C 81 X: Xiaomi మొబైల్ కు భారత మార్కెట్లో అత్యంత ఆదరణ ఉంటోంది. అయితే ఈ కంపెనీ సబ్ బ్రాండ్ అయినా POCO కూడా వినియోగదారులకు అనుగుణంగా ఉండే మొబైల్స్ ను మార్కెట్ లోకి తీసుకువస్తుంది. ఇప్పటికే ఈ కంపెనీ నుంచి సి 85, C 85 X అనే రెండు మొబైల్స్ను మార్కెట్లోకి తీసుకువచ్చి ప్రత్యేకంగా నిలిచింది. అయితే ఇప్పుడు మరో రెండు బ్రాండ్లను ఏప్రిల్ 23న రిలీజ్ చేయనుంది. దీనికి సంబంధించిన ఫీచర్స్, బ్యాటరీ గురించి ముందే ప్రకటించింది. ఈ క్రమంలో కొందరు వినియోగదారులు ఏప్రిల్ 23 కోసం ఎదురుచూస్తున్నారు. అంతేకాకుండా ఈ మొబైల్స్ మధ్యతరగతి వారికి అనుగుణంగా ఉండడంతో చాలామంది ఈ ఫోన్స్ కొనాలని ఎదురు చూస్తూ ఉంటారు. మరి త్వరలో రాబోయే ఈ మొబైల్స్ ఎలా ఉంటాయో ఇప్పుడు తెలుసుకుందాం..
2026 ఏప్రిల్ 23న మధ్యాహ్నం POCO C 81, POCO C 81 X అనే రెండు ఫోన్లు రిలీజ్ కాబోతున్నాయి. ఈ విషయాన్ని ఇటీవల కంపెనీ అధికారికంగా ప్రకటించింది. రిలీజ్ అయిన తర్వాత వీటిని ఫ్లిప్కార్ట్ ఈ కామర్స్ సంస్థ నుంచి కొనుగోలు చేయవచ్చు. ప్రస్తుతానికి ఈ రెండు ఫోన్లు ఒకే రంగు(బ్లాక్) లో మాత్రమే అందుబాటులో ఉండనుంది. ఈ రెండు మొబైల్స్ లోనూ దాదాపు ఓకే ఫీచర్స్ ఉండగా బ్యాటరీ, డిజైన్ విషయంలో మాత్రం దేనికవే ప్రత్యేకతను కలిగి ఉన్నాయి.
POCO C 81 మొబైల్ లో 6.9 అంగుళాల హెచ్డి ప్లస్ LCD స్క్రీన్ ఉండనుంది. ఇది 120 Hz రిఫ్రెష్ రేట్ తో పనిచేస్తుంది. దీంతో మూవీస్ చూసేవారికి ఈ డిస్ప్లే బాగా సరిపోతుంది. అలాగే ఇందులో UNISOC T 7250 అనే ప్రాసెసర్ ఉండనుంది. ఆండ్రాయిడ్ 16 తో పాటు సియోమి హైపర్ ఆపరేటింగ్ సిస్టం 3 తో పనిచేసే ఇందులో 13 మెగాపిక్సల్ మెయిన్ కెమెరా ఉండే అవకాశం ఉంది. అలాగే 8 MP సెల్ఫీతో పాటు వీడియో కాలింగ్ కోసం ఉపయోగించుకోవచ్చు. ఈ మొబైల్ లో 6300 mAh బ్యాటరీ ఉండనుంది. ఈ బ్యాటరీ 15 వాట్ ఫాస్ట్ ఛార్జింగ్ తో పనిచేస్తుంది. 7.5 W రివర్స్ చార్జింగ్ కు మద్దతు ఇస్తుంది.
POCO C 81 X మొబైల్ లో దాదాపు అన్ని ఫీచర్స్ POCO C 81 లాగే ఉంటాయి. కానీ ఈ మొబైల్ లో బ్యాటరీ 5200 mAh కెపాసిటీని కలిగి ఉంది. ఈ బ్యాటరీ 15 W ఫాస్ట్ ఛార్జింగ్ కు సపోర్ట్ ఇవ్వగా..7.5 రివర్స్ చార్జింగ్ కు మద్దతు ఇస్తుంది. అయితే ఈ మోడల్ సాధారణ డిజైన్ ను కలిగి ఉంటుంది. ఈ రెండు మొబైల్స్ ధర రూ. రూ,10,000 తో ప్రారంభమయ్యే అవకాశం ఉంటుంది.
