Electric Scooters: వరుసగా కాలిపోతున ఎలక్ట్రిక్ బైక్‌ల ఉత్పత్తికి కేంద్రం బ్రేక్‌ వేసింది. దేశంలో నిత్యం నాలుగైదు బైక్‌లు దగ్ధమవుతున్నాయి. దేశవ్యాప్తంగా ఎలక్ట్రిక్ ద్విచక్ర వాహనాలకు సంబంధించి అగ్ని ప్రమాదాలు జరుగుతుండటంపై సీరియస్‌గా దృష్టి పెట్టిన కేంద్రం.. ఈ మేరకు కీలక నిర్ణయం తీసుకుంది. మార్కెట్‌లో కొత్త ఉత్పత్తులను లాంచ్‌ చేయవద్దని అన్ని ఎలక్ట్రిక్ టూ–వీలర్‌ బ్రాండ్‌లను కేంద్ర ప్రభుత్వం కోరింది. రోడ్డు రవాణా, రహదారుల మంత్రిత్వ శాఖ ఇటీవల రాజధానిలో ఒక సమావేశాన్ని నిర్వహించింది. బ్యాటరీ స్కూటర్లు అగ్ని ప్రమాదాలకు గురవుతున్న నేపథ్యంలో దీనివల్ల ప్రజలపై తీవ్ర ప్రభావం చూసే సమస్యగా కేంద్రం పరిగణిస్తోంది. ఎలక్ట్రిక్ టూ–వీలర్‌ తయారీదారులు ప్రస్తుత మార్కెట్‌లోకి తీసుకొచ్చిన మోడళ్లను విక్రయించే విషయంలో ఎలాంటి అభ్యంతరాలు లేవు. కానీ ఇప్పుడు కొత్త ఎలక్ట్రిక్ బైక్స్ ను నిలిపివేసి షాకిచ్చింది.
Electric Scooters
-రీకాల్‌…
అగ్ని ప్రమాదాలకు కారణాన్ని మరింత పరిశోధించడానికి పలు కంపెనీలు తమ వాహనాలను రీకాల్‌ చేశాయి. ఇప్పటికే విక్రయించిన ఎలక్ట్రిక్ బైక్‌లలో లోపాలు ఉన్నట్లు గుర్తిస్తే వెంటనే వాటిని రీకాల్‌ చేయాలని కేంద్రం ఆదేవించింది. ఈ క్రమంలో ఒకినావా 3,215 స్కూటర్లను బేస్‌కు తిరిగి ఇవ్వడంతో అతిపెద్ద రీకాల్‌ను జారీ చేసింది, గత సంవత్సరం నుంచి అగ్ని ప్రమాదాల్లో చిక్కుకున్న ప్యూర్‌ ఈవీ 1,441 స్కూటర్లను రీకాల్‌ చేసిన ఓలా ఎలక్ట్రిక్ కూడా ఈ జాబితాలో ఉన్నాయి. పూణెలో బ్యాటరీ అగ్ని ప్రమాదం సంభవించిన తర్వాత ఓలా రీకాల్‌పై నిర్ణయం తీసుకుంది. ఒక్క స్కూటర్‌ చెడిపోయినా, మొత్తం బ్యాచ్‌ స్కూటర్లను రీకాల్‌ చేయాలనే ప్రభుత్వ సూచనలకు అనుగుణంగా చర్యలు ఉన్నాయి.
Also Read: Amazon Prime: అమెజాన్ ప్రైమ్ లో అత్యధికంగా చూసిన తెలుగు సినిమాలేంటో తెలుసా?
-వరుస అగ్నిప్రమాదాలతో ఆందోళన..
భారతదేశంలో ఎలక్ట్రిక్ వాహనాలకు డిమాండ్‌ పెరుగుతోంది. అంతకంతకూ పెరుగుతున్న ఇంధన ధరలతో, పర్యావరణ పరిరక్షణ కారణాలతో ఎక్కువ మంది ఈవీల కొనుగోలుకు ఆసక్తి చూపుతున్నారు. ఇప్పటికే పెద్దపెద్ద సంస్థలు ఎలక్ట్రిక్ వాహనాల తయారీలో పెట్టుబడులు పెట్టాయి. అయితే ఇతర అన్ని రంగాల తరహాలోనే ఈవీ తయారీ రంగానికీ కొన్ని సవాళ్లు, సమస్యలు ఉన్నాయి. వాటిల్లో ప్రధానంగా ప్రాణాంతకమైన అగ్ని ప్రమాదాలు తలెత్తే సమస్య ముందుంటుంది. ఎలక్ట్రిక్ వాహనాల్లో మంటలు చెలరేగడం కొత్త కాకపోయినా.. ఇటీవల చోటు చేసుకొన్న రెండు వరుస ఘటనలతో వినియోగదారుల్లో ఆందోళన నెలకొంది. ఎలక్ట్రిక్ వాహనాల భద్రతపై సందేహాలు తలెత్తుతున్నాయి.
Electric Scooters
-వరుస ఘటనలు..
– ఒక సంఘటనలో ప్రముఖ సంస్థకి చెందిన ఒక ఎలక్ట్రిక్ స్కూటర్‌ను రోడ్డు పక్కన నిలిపి ఉన్న సందర్భంలో హఠాత్తుగా మంటలు చెలరేగాయి. ఈ అగ్నిప్రమాదానికి సంబంధించిన వీడియో సోషల్‌ మీడియాలో వైరల్‌గా మారింది.
– మరొక సంఘటనలో ఒకినావా ఆటోటెక్‌ ఎలక్ట్రిక్ వెహికల్‌ చార్జింగ్‌ పెడుతుండగా మంటల్లో చిక్కుకొన్న తండ్రి, కుమార్తె ప్రాణాలు కోల్పోయారు. ఈ కేసు ఇంకా విచారణలో ఉంది.
– ఇతర మార్కెట్‌లతో పోల్చినప్పుడు భారతదేశంలో ఎలక్ట్రిక్ వాహనాలకు ప్రత్యేకమైన వాతావరణం ఎదురవుతుంది. ఉపఖండంలో పెరుగుతున్న వేడి భారతదేశంలోని కొన్ని ఎలక్ట్రిక్ వాహనాల తయారీదారులకు పరీక్ష లాంటిది.
-కంపెనీలు ఏమంటున్నాయి?
తాజా అగ్ని ప్రమాదాలపై భారతదేశంలోని కొన్ని ఎలక్ట్రిక్ వాహనాల తయారీ సంస్థలు స్పందించాయి. మాగ్నెంట్‌ ఎండీ, సీఈవో మాక్సన్ లూయిస్‌ మాట్లాడుతూ.. ‘ఎలక్ట్రిక్ వాహనాలలో పూర్తిగా సురక్షితమైన సాంకేతికతను వినియోగిస్తున్నాం. ల్యాప్‌టాప్‌లు, మొబైల్‌ ఫోన్ ల తరహాలోనే ఎలక్ట్రిక్ వాహనాలు కూడా. చాలా మంది వినియోగదారులు వీటిని ఉపయోగిస్తున్నారు. ఇండియాలో వేడి, తేమ, హార్మోనిక్స్, వాడకంలో లోపాలు ఇవీ నాలుగు ప్రధాన కారణాల వల్ల అంతర్జాతీయంగా ఉన్న ప్రమాణాలను భారతదేశంలో అమలు చేయలేరు. ఇటీవలి ప్రమాదాలకు రెండు కారణాలను పేర్కొనవచ్చు. ఒకటి సాంకేతికపరమైంది. రెండోది సామాజిక ఆర్థిక పరిస్థితులు. బ్యాటరీని పూర్తిగా పరిశీలించకపోవడం, తప్పుడు చార్జింగ్‌ పరికరం వినియోగం, త్వరగా మార్కెట్‌లోకి వాహనం లాంచ్‌ చేయాలనే తొందర.. ఈ కారణాలతోనే ఆయా కంపెనీలు భద్రతను గాలికి వదిలేస్తున్నాయి. ఈ వైఖరి వల్ల కంపెనీలు భద్రత, ఫీల్డ్‌ టెస్టింగ్‌పై షార్ట్‌కట్‌లను తీసుకోవడానికి కారణమవుతున్నాయి.’ అని చెప్పారు.
ఇలాంటి భయానక పరిస్థితులను నివారించడానికి కంపెనీలు కొన్ని చర్యలు తీసుకోవాలి. మెజెంటా ఈవీ, హెచ్‌పీసీఎల్‌ మద్దతు ఉన్నందున భద్రతకు దాని ప్రధాన ప్రాధాన్యత ఇవ్వాలి. ఈ సమస్యను పరిష్కరించడానికి తాము కొన్ని భారతీయ బ్యాటరీ తయారీదారులతో కలిసి పనిచేస్తున్నామని క్రేయాన్‌ మోటార్స్‌ పేర్కొంది. వారు మెరుగైన బ్యాటరీ సంరక్షణ, మెరుగైన బ్యాటరీ లైఫ్‌ కోసం కస్టమర్‌ ఎడ్యుకేషన్‌ ప్రచారాన్ని కూడా ప్రారంభించారు.
Electric Scooters
-రీకాల్‌ చేయడంలో విఫలమైతే జరిమానా..
సకాలంలో స్కూటర్లను రీకాల్‌ చేయడంలో విఫలమైతే జరిమానాలు విధిస్తామని కేంద్ర మంత్రి నితిన్‌గడ్కరీ కంపెనీలను హెచ్చరించారు. ఈ ఆదేశాలకు అనుగుణంగా పలు కంపెనీలు ఈ ఏడాది ఎలాంటి కొత్త మోడల్స్‌ను లాంఛ్‌ చేసే అవకాశం లేదు. అయితే ఇప్పటివరకు కేవలం మౌఖిక సూచనగా ఉన్న దానికి బ్రాండ్‌లు ఎలా స్పందిస్తాయన్నది తెలియాల్సి ఉంది.
ఎలక్ట్రిక్ స్కూటర్ల వేగవంతమైన, పెద్ద, మరింత ప్రమాదకరమైన వెర్షన్ లను లాంఛ్‌ చేయకుండా బ్రాండ్‌లను నిరోధించేటప్పుడు, సరైన అధికార యంత్రాంగాన్ని ఏర్పాటు చేయాల్సిన అవసరం ప్రభుత్వానికి ఎంతైనా ఉంది. ఈ సంఘటనల వెనుక ఉన్న కారణాన్ని నిశితంగా పరిశీలించడానికి ప్రభుత్వానికి మరింత సమయం అవసరం. ఇది పేలవమైన ఉత్పత్తులతో మార్కెట్లను స్కూటర్లు ముంచెత్తకుండా నివారిస్తుంది. మెరుగైన సంస్కరణలను ప్రారంభించకుండా విడుదల చేసే కంపెనీల బ్రాండ్‌లను నిరోధిస్తుంది. భారతీయ మార్కెట్‌లో అరంగేట్రం చేయడానికి ఎదురుచూస్తున్న ఈవీ బ్రాండ్‌లకు కేంద్రం హెచ్చరికలతో ఏం చేస్తాయన్నది వేచిచూడాలి.
Also Read:Zee Telugu Saregamapa 2022: సరిగమప షో: అదిరిపోయిన సింగర్స్, సూపర్ సింగర్స్ జోడీ.. ఎన్నో ఎమోషన్స్