Maruti Maruti (1): మారుతి సుజుకి భారతదేశ ఆటోమొబైల్ మార్కెట్లో అగ్రగామిగా కొనసాగుతోంది. తక్కువ బడ్జెట్ నుండి మధ్య తరగతి వరకు అన్ని రకాల కార్లను కలిగి ఉండటమే దీనికి ప్రధాన కారణం. ప్రతి సెగ్మెంట్ అవసరాలను తీర్చే విస్తృత శ్రేణి వాహనాలను మారుతి విక్రయిస్తోంది. అందుకే భారతదేశంలో అత్యధికంగా అమ్ముడవుతున్న టాప్ 10 కార్ల జాబితాలో మారుతికి చెందిన అనేక మోడళ్లు స్థానం సంపాదించాయి. ఇక్కడ అత్యధికంగా అమ్ముడవుతున్న మారుతి 5 ముఖ్యమైన కార్ల గురించి తెలుసుకుందాం.
మారుతి సుజుకి వ్యాగన్ఆర్
ఫైనాన్షియల్ ఇయర్ 2024-25లో భారతదేశంలో అత్యధికంగా అమ్ముడైన కారుగా మారుతి వ్యాగన్ఆర్ నిలిచింది. విశాలమైన ఇంటీరియర్, అద్భుతమైన మైలేజ్కు పేరుగాంచిన వ్యాగన్ఆర్ కుటుంబాలకు, నగర ప్రయాణికులకు ఒక బెస్ట్ ఆఫ్షన్. నోయిడాలో మారుతి సుజుకి వ్యాగన్ఆర్ ఎక్స్-షోరూమ్ ధర రూ.5.64 లక్షల నుండి రూ.7.47 లక్షల వరకు ఉంది.
మారుతి సుజుకి ఫ్రాంక్స్
విడుదలైన కొద్ది సంవత్సరాల్లోనే మారుతి ఫ్రాంక్స్ భారతదేశంలో ఒక అభిమాన కారుగా మారిపోయింది. ఇది ఫిబ్రవరి 2025లో అత్యధికంగా అమ్ముడైన కార్లలో ఒకటి. ఫ్రాంక్స్, బాలెనో పెద్ద రూపం. ఇది క్రాస్ఓవర్ స్టైలింగ్, అదనపు ఫీచర్లతో వస్తుంది. మారుతి ఫ్రాంక్స్ ధర బేస్ మోడల్ కోసం రూ.7.52 లక్షల నుండి ప్రారంభమై టాప్ మోడల్ కోసం రూ.13.04 లక్షల ఎక్స్-షోరూమ్ వరకు ఉంటుంది.
మారుతి సుజుకి బ్రెజ్జా
బ్రెజ్జా మారుతి అత్యధికంగా అమ్ముడవుతున్న SUV, ఇది ఎల్లప్పుడూ టాప్ 10 అత్యధికంగా అమ్ముడవుతున్న కార్ల జాబితాలో ఉంటుంది. ఒక కాంపాక్ట్ SUVగా బ్రెజ్జా బలమైన డిజైన్, అద్భుతమైన పర్ఫామెన్స్ కలయిక. నోయిడాలో మారుతి సుజుకి బ్రెజ్జా ఎక్స్-షోరూమ్ ధర బేస్ Lxi మోడల్ కోసం రూ.8.69 లక్షల నుండి ప్రారంభమై టాప్-ఎండ్ Zxi Plus AT DT వేరియంట్ కోసం రూ.14.14 లక్షల వరకు ఉంటుంది.
మారుతి సుజుకి డిజైర్
డిజైర్ ఒక కాంపాక్ట్ సెడాన్, ఇది స్టైల్, సౌకర్యం, మెరుగైన మైలేజ్ కలిగి ఉంటుంది. డిజైర్ కూడా అత్యధికంగా అమ్ముడవుతున్న కార్లలో ఒకటి. నోయిడాలో మారుతి సుజుకి డిజైర్ ఎక్స్-షోరూమ్ ధర వేరియంట్ను బట్టి రూ.6.84 లక్షల నుండి రూ.10.19 లక్షల వరకు ఉంటుంది.
మారుతి సుజుకి బాలెనో
బాలెనో ఒక ప్రీమియం హ్యాచ్బ్యాక్ కారు, ఇది అనేక లేటెస్ట్ ఫీచర్లతో నిండి ఉంది. దీని లోపల క్లాసిక్ లుక్ ఉంటుంది. ఇది బయటికి చూడటానికి అద్భుతంగా ఉంటుంది. ఇది కూడా మారుతి టాప్ సెల్లింగ్ కార్లలో ఒకటి. నోయిడాలో మారుతి సుజుకి బాలెనో ఎక్స్-షోరూమ్ ధర బేస్ సిగ్మా మోడల్ కోసం రూ.6.70 లక్షల నుండి టాప్-ఎండ్ ఆల్ఫా ఏజీఎస్ వేరియంట్ కోసం రూ.9.92 లక్షల వరకు ఉంటుంది.
