Kawasaki : కవాసకి మోటార్సైకిల్ లవర్స్ కు నిజంగా మే నెల పండుగే అని చెప్పొచ్చు. కంపెనీ తన మోటార్సైకిళ్ల సిరిస్ మీద అదిరిపోయే డిస్కౌంట్ ఆఫర్లను ప్రకటించింది. ఈ నెలలో కవాసకి బైక్ కొనాలని ప్లాన్ చేస్తున్న వాళ్లు ఏకంగా రూ.45000వరకు తగ్గింపు పొందవచ్చు. ‘సమ్మర్ కార్నివాల్: బిగ్ రైడ్స్, బిగ్గర్ సేవింగ్స్!’ పేరుతో కంపెనీ ఈ ప్రత్యేక క్యాంపెయిన్ను మొదలు పెట్టింది. దీనిలో భాగంగా నింజా సిరీస్, వెర్సెస్ 650, Z900తో సహా అనేక మోడళ్లపై ప్రత్యేక బెనిఫిట్స్, క్యాష్ బ్యాక్ ఆఫర్లు అందుబాటులో ఉన్నాయి. ఈ ఆఫర్ మే 31, 2025 వరకు లేదా స్టాక్ ఉన్నంత వరకు మాత్రమే వర్తిస్తుంది. మరి కంపెనీ అందిస్తున్న మోడళ్లపై ఓ లుక్కేద్దాం.
1. కవాసకి నింజా 500
కవాసకి నింజా 500పై అత్యధికంగా రూ.45,000 వరకు బెనిఫిట్స్ లభిస్తున్నాయి. ఈ స్పోర్ట్స్ మోటార్సైకిల్ ఇండియాలో కంప్లీట్లీ బిల్ట్ యూనిట్ (CBU)గా అందుబాటులో ఉంది. దీని ఎక్స్-షోరూమ్ ధర రూ.5.24 లక్షలు. నింజా 500లో 451సీసీ లిక్విడ్-కూల్డ్, ప్యారలల్-ట్విన్ ఇంజన్ ఉంది. ఇది 9,000 rpm వద్ద 45 bhp పవర్ను, 6,000 rpm వద్ద 42.6 Nm టార్క్ను ఉత్పత్తి చేస్తుంది. ఇది స్లిప్-అండ్-అసిస్ట్ క్లచ్తో కూడిన ఆరు-స్పీడ్ ట్రాన్స్మిషన్ను కలిగి ఉంది.
2. కవాసకి Z900
2024 కవాసకి Z900 మీద రూ.40,000 వరకు బెనిఫిట్స్ అందుబాటులో ఉన్నాయి. 2024 కవాసకి Z900 ఎక్స్-షోరూమ్ ధర రూ.9.29 లక్షలు. ఈ మోటార్సైకిల్లో 948సీసీ, లిక్విడ్-కూల్డ్, ఇన్-లైన్ ఫోర్ ఇంజన్ ఉంది. ఇది ఆరు-స్పీడ్ గేర్బాక్స్తో వస్తుంది. ఇది 9,500 rpm వద్ద 123.6 bhp పవర్, 7,700 rpm వద్ద 98.6 Nm టార్క్ను అందిస్తుంది. ఈ బైక్ను మెటాలిక్ స్పార్క్ బ్లూ, మెటాలిక్ మ్యాట్ గ్రాఫైన్ స్టీల్ గ్రే అనే రెండు కలర్లలో కొనుగోలు చేయవచ్చు.
Also Read : ఏప్రిల్ ఫూల్ కాదు.. నిజంగానే ఇన్ని కొత్త బండ్లు వస్తున్నాయ్!
3. కవాసకి నింజా ZX-10R
కవాసకి నింజా ZX-10Rపై రూ.30,000 ఈఎంఐ క్యాష్బ్యాక్ వోచర్ లభిస్తోంది. నింజా ZX-10R ఎక్స్-షోరూమ్ ధర రూ.18.50 లక్షలు. ఇది 998సీసీ ఇన్-లైన్ ఫోర్-సిలిండర్ లిక్విడ్-కూల్డ్ ఇంజన్తో వస్తుంది. ఇది 13,200 rpm వద్ద 200 bhp పవర్, 11,400 rpm వద్ద 114.9 Nm టార్క్ను ఉత్పత్తి చేస్తుంది. ఇది స్టాండర్డ్ బై-డైరెక్షనల్ క్విక్ షిఫ్టర్తో కూడిన ఆరు-స్పీడ్ ట్రాన్స్మిషన్తో వస్తుంది. దీని ఫీచర్ల జాబితాలో TFT డిస్ప్లే, మల్టీ రైడింగ్ మోడ్లు, డ్యూయల్-ఛానల్ ABS, క్రూయిజ్ కంట్రోల్, లాంచ్ కంట్రోల్, ఇంజన్ బ్రేక్ కంట్రోల్, ట్రాక్షన్ కంట్రోల్ ఉన్నాయి.
4. కవాసకి నింజా 650
నింజా సిరీస్లోని ఇతర మోడళ్లతో పాటు కవాసకి నింజా 650 కూడా మంచి రేటుకే లభిస్తుంది. ఈ మిడిల్వెయిట్ స్పోర్ట్స్ టూరర్ మోటార్సైకిల్పై రూ.25,000 వరకు తగ్గింపు ఉంది. ఈ తగ్గింపుతో ఈ మోటార్సైకిల్ రూ.7.27 లక్షలకు (ఎక్స్-షోరూమ్) అందుబాటులో ఉంది. నింజా 650 ఒకే రంగులో లభిస్తుంది. 649సీసీ లిక్విడ్-కూల్డ్ ప్యారలల్-ట్విన్ ఇంజన్ను కలిగి ఉంది. ఇది వెట్, మల్టీ-డిస్క్ క్లచ్తో కూడిన ఆరు-స్పీడ్ గేర్బాక్స్తో వస్తుంది. ఈ ఇంజన్ 8,000 rpm వద్ద 67.3 bhpపవర్, 6,700 rpm వద్ద 64.0 Nm టార్క్ను ఉత్పత్తి చేస్తుంది.
5. కవాసకి నింజా 300
కవాసకి నింజా 300 జపనీస్ తయారీదారు చౌకైన స్పోర్ట్స్ బైక్. దీని మీద రూ.25వేల వరకు బినిఫిట్స్ లభిస్తాయి. దీని ఎక్స్-షోరూమ్ ధర రూ.3.43 లక్షలు. లిక్విడ్-కూల్డ్ 296సీసీ ప్యారలల్-ట్విన్ ఇంజన్, ఆరు-స్పీడ్ గేర్బాక్స్ ద్వారా పనిచేసే నింజా 300 11,000 rpm వద్ద 38.8 bhp పవర్, 10,000 rpm వద్ద 26.1 Nm టార్క్ను ఉత్పత్తి చేస్తుంది. గ్లోబల్ మార్కెట్లలో ఈ బైక్ స్థానాన్ని నింజా 400 భర్తీ చేసినప్పటికీ ఇండియాలో నింజా 300 అమ్మకాలను కొనసాగిస్తున్న చివరి దేశాలలో ఒకటి.
6. కవాసకి వెర్సెస్ 650
కవాసకి వెర్సెస్ 650 కూడా రూ.20,000 బెనిఫిట్తో అందుబాటులో ఉంది. ఈ తగ్గింపు తర్వాత బైక్ ధర రూ.7.77 లక్షల (ఎక్స్-షోరూమ్) నుంచి రూ.7.57 లక్షలకు (ఎక్స్-షోరూమ్) తగ్గుతుంది. కవాసకి వెర్సెస్ 650 అడ్వెంచర్ టూరింగ్ కేటగిరీలో ఒక పాపులర్ మోడల్. ఇది 649సీసీ, లిక్విడ్-కూల్డ్, ప్యారలల్-ట్విన్ ఇంజన్తో వస్తుంది. ఇది 65.7 bhp పవర్, 61 Nm పీక్ టార్క్ను ప్రొడ్యూస్ చేస్తుంది. అలాగే ఆరు-స్పీడ్ ట్రాన్స్మిషన్ కూడా ఉంది. ఈ బైక్ లో LED లైటింగ్, స్మార్ట్ఫోన్ కనెక్టివిటీతో కూడిన TFT డిస్ప్లే, USB ఛార్జింగ్ పోర్ట్, స్విచ్చబుల్ ట్రాక్షన్ కంట్రోల్, ABS ఉన్నాయి.
7. కవాసకి ఎలిమినేటర్
కవాసకి ఎలిమినేటర్ రెండు బెనిఫిట్ ఆప్షన్లతో వస్తోంది. కస్టమర్లు రూ.20,000 EMI క్యాష్బ్యాక్ లేదా అదే మొత్తానికి ఉచిత బీమాను పొందవచ్చు. 2025 ఎలిమినేటర్లో 451సీసీ లిక్విడ్-కూల్డ్, 4-స్ట్రోక్ ప్యారలల్ ట్విన్ ఇంజన్ ఉంది. ఇది స్మూత్ పవర్ డెలివరీ అందిస్తుంది. DOHC 8-వాల్వ్ సెటప్ను కలిగి ఉన్న ఈ ఇంజన్ 9,000 rpm వద్ద 44.3 bhp పవర్, 7,500 rpm వద్ద 42.6 Nm టార్క్ను ఉత్పత్తి చేస్తుంది.
8. కవాసకి నింజా 1100 SX
కవాసకి నింజా 1100 SXకి తక్కువ మొత్తంలో రిలీఫ్ లభిస్తోంది. దీనిపై రూ.10,000 EMI క్యాష్బ్యాక్ వోచర్ అందుబాటులో ఉంది. ఈ స్పోర్ట్స్ టూరర్ ధర రూ.13.49 లక్షలు (ఎక్స్-షోరూమ్). ఇది 1,099సీసీ ఇంజన్ను కలిగి ఉంది. ఇది 9,000 rpm వద్ద 135 bhp పవర్, 7,600 rpm వద్ద 113 Nm టార్క్ను ఉత్పత్తి చేస్తుంది. ఇది ఆరు-స్పీడ్ గేర్బాక్స్తో వస్తుంది.
Also Read : టూ-వీలర్ మార్కెట్లో బజాజ్ హవా.. 3 రోజుల్లో ఊహించని విక్రయాలు
