Gold Prices
Gold Prices: రెండు రోజులుగా ధరలు పెరిగి షాక్ ఇచ్చిన బంగారం ధరలు సోమవారం ఊరటనిచ్చాయి. ఆదివారం తో పోలిస్తే సోమవారం బంగారం ధరలు స్థిరంగా కొనసాగాయి. అటు వెండి ధరలు సైతం స్థిరంగా ఉండడంతో కొనుగోలుదారులు హమ్మయ్యా అని అంటున్నారు. అంతర్జాతీయంగా పసిడి ధరలు తగ్గుముఖం పట్టాయి. సోమవారం గోల్డ్ ఔన్స్ కు 2 డాలర్లు తగ్గి 2028 డాలర్లుగా నమోదైంది. సిల్వర్ 22.61 గా ఉంది. దీంతో దేశీయంగా బంగారం ధరల్లో ఎటువంటి మార్పులు లేవని తెలుస్తోంది.
బులియన్ మార్కెట్ ప్రకారం.. జనవరి 22న ఓవరాల్ గా 22 క్యారెట్ల 10 గ్రాముల బంగారం ధర రూ.57,800గా నమోదైంది. 24 క్యారెట్ల పసిడి 10 గ్రాములకు రూ.63,050 గా ఉంది. జనవరి 21న 22 క్యారెట్ల 10 గ్రాముల బంగారం రూ.57,800తో విక్రయించారు. ఆదివారంతో పోలిస్తే సోమవారం బంగారం ధరల్లో ఎటువంటి మార్పులు లేవు. దేశంలోని ప్రధాన నగరాల్లో బంగారం ధరలు ఎలా ఉన్నాయో చూద్దాం..
న్యూఢిల్లీలో 22 క్యారెట్ల 10 గ్రాముల బంగారం ధర రూ.57,950 ఉండగా.. 24 క్యారెట్ల గోల్డ్ రూ.63,200గా నమోదైంది. ఆర్థిక రాజధాని ముంబైలో 22 క్యారెట్ల 10 గ్రాముల బంగారం రూ.57,800 కొనసాగుతోంది. 24 క్యారెట్లు రూ.63,050 పలుకుతోంది. చెన్నైలో 22 క్యారెట్ల బంగారం 10 గ్రాములకు రూ.58,250 పలుకుతోంది. 24 క్యారెట్ల 10 గ్రాములకు రూ.63,550తో విక్రయిస్తున్నారు. బెంగుళూరులో 22 క్యారెట్ల బంగారం 10 గ్రాములకు రూ.57,800 పలుకుతోంది. 24 క్యారెట్ల 10 గ్రాములకు రూ.63,050తో విక్రయిస్తున్నారు. హైదరాబాద్ లో 22 క్యారెట్ల బంగారం 10 గ్రాముల ధర రూ.57,800తో విక్రయిస్తున్నారు. 24 క్యారెట్ల 10 గ్రాములకు రూ.63,050తో విక్రయిస్తున్నారు.
బంగారంతో పాటు వెండి ధరలు కూడా స్థిరంగా ఉన్నాయి. సోమవారం ఓవరాల్ గా కిలో వెండి రూ.75,500గా నమోదైంది. ఆదివారంతో పోలిస్తే సోమవారం వెండి ధరల్లో ఎటువంటి మార్పులు లేవు. న్యూ ఢిల్లీలో కిలో వెండి రూ.75,500గా ఉంది. ముంబైలో రూ.75,500, చెన్నైలో రూ.77,000, బెంగుళూరులో 73,250, హైదరాబాద్ లో రూ.77,000తో విక్రయిస్తున్నారు.