Best Cars: కారు కొనాలని చాలా మందికి ఉంటుంది. కానీ చాలా మంది వారికి నచ్చిన కారును మాత్రమే తీసుకోవాలని అనుకుంటారు. మరీ ముఖ్యంగా సొంత అవసరాలకు లేదా.. కార్యాలయ అవసరాలకు తీసుకునేవారు డ్రైవింగ్ కంపోర్ట్ ఉందా? లేదా? అని చూస్తారు. ఎందుకంటే కొందరు డ్రైవర్ ను నియమించుకునేబదులు సొంతంగా కారు డ్రైవ్ చేయాలని అనుకుంటారు. ఇలాంటి వారి కోసం కొన్ని కంపెనీలు ప్రత్యేకంగా మార్కెట్లోకి కొన్ని మోడల్స్ ను తీసుకొచ్చాయి. వీటికి ఇటీవల డిమాండ్ పెరుగుతోంది. ఇందులో ఉన్న ఫీచర్లు కూడా ఆకట్టుకోవడంతో ఈ కార్ల కోసం ఆరాటపడుతున్నారు. ఇంతకీ ఆ కార్లు ఏవంటే?
Also Read: సూర్య కూతురు ఇంటర్ మార్కుల పట్టిక చూసారా..? దిమ్మతిరగడం ఖాయం!
దక్షిణ కొరియా కంపెనీకి చెందిన Hyundai కంపెనీ ఇప్పటికే ఎన్నో మోడళ్లను భారత మార్కెట్లో పరిచయం చేసింది. అయితే వీటిలో కొన్ని కార్లు మాత్రమే సక్సెస్ అయ్యాయి. వీటిలో Creta గురించి ప్రత్యేకంగా చెప్పుకోవచ్చు. ఈ మోడల్ డ్రైవింగ్ లో కొత్త అనుభూతి ఉంటుంది. ఇందులో ఆటోమేటిక్ CVT, ఆటోమేటిక్ DCT ఆప్షన్లు ఉన్నాయి. వీటితో పాటు ఆటోమేటిక్ గేర్ ఆప్షన్ తో ఈ కారు పనిచేస్తుంది. అలాగే ఇందులో చైల్డ్ సేప్టీతో పాటు అడల్స్ సేప్టీ ఫీచర్లు ఉన్నాయి. దీనిని మార్కెట్లో రూ.12.94 లక్షల ప్రారంభం నుంచి రూ. 24.15 లక్షల వరకు విక్రయిస్తున్నారు.
దేశంలో కార్ల ఉత్పత్తిలో అగ్రగామి ఉన్న కంపెనీల్లో Mahindra ఒకటి. ఈ కంపెనీకి చెందిన XUV 700 కారు కంపోర్ట్ డ్రైవింగ్ ఉంటుంది. ఇది మొత్తం 66 వేరియంట్లలో అందుబాటులో ఉంది. ఈ కారుకు డిమాండ్ ఏర్పడడంతో దీని కోసం కొన్ని రోజుల పాటు వెయిట్ చేయాల్సిన పరిస్థితి ఏర్పడింది. ఇందులో ఆటోమేటిక్ DCతో పాటు ఆటోమేటిక్ గేర్ బాక్స్ ఆప్షన్ ఉంటుంది. సేప్టీలో 5 స్టార్ రేటింగ్ పొందిన ఈ కారు మార్కెట్లో రూ.21.68 లక్షల ప్రారంభం నుంచి రూ. 30.88 లక్షల వరకు విక్రయిస్తున్నారు.
డ్రైవింగ్ లో కంపోర్ట్ అనిపించే మరో కారు టయోటా ఇన్నోవా హైక్రాస్. కుటుంబ సభ్యులందరితో కలిసి దూర ప్రయాణాలు చేయాలనుకునేవారికి ఈ కారు బెస్ట్ ఆప్షన్ గా ఉంటుంది. ఈ కారులో వెళితే ఎంతో హాయిగా ఉంటుంది. దీనిని మార్కెట్లో రూ. 23.29 లక్షల ప్రారంభ ధర నుంచి రూ. 38.04 లక్షల వరకు విక్రయిస్తున్నారు. మొత్తం 11 వేరియంట్లో అందుబాటులో ఉన్న ఈ కారు కోసం వినియోగదారులు క్యూ కడుతున్నారు.
దేశంలో అత్యధికంగా విక్రయాలు జరుపుకుంటున్న మరో కంపెనీ కియా. ఈ కంపెనీకి చెందిన సోనెట్ కారు ది బెస్ట్ అనిపించకుంటుంది. దీనిని రూ. 8.99 లక్షల ప్రారంభ ధరతో విక్రయిస్తున్నారు. మొత్తం 20 వేరియంట్లలో అందుబాటులో ఉన్న ఈ కారు దూర ప్రయాణానికి అనువుగా ఉంటుంది. ఇందులో డీసీటీ, టార్క్ కన్వర్టర్ అనే రెండు గేర్ బాక్స్ లు ఉండడంతో దీని కోసం వినియోగదారులు ఆరాటపడుతున్నారు. మంచి డ్రైవింగ్ అనుభూతి పొందాలనుకునేవారికి ఈ కారు బెస్ట్ ఆప్షన్ గా ఉంటుంది.
