Roja Comments: వైయస్సార్ కాంగ్రెస్ పార్టీకి చెందిన మహిళా నేత, మాజీమంత్రి రోజా ఇటీవల చేసిన వ్యాఖ్యలు కొత్త వివాదానికి దారి తీస్తున్నాయి. ఏపీ సీఎం చంద్రబాబుతో పాటు డిప్యూటీ సీఎం పవన్ కళ్యాణ్ ఉగాది వేడుకలు జరుపుకున్న తీరును ఆమె తప్పు పట్టారు. తమ పార్టీ అధినేత జగన్మోహన్ రెడ్డి, ఆయన భార్య భారతి రెడ్డి సమక్షంలోనే.. చంద్రబాబుతో పాటు పవన్ కళ్యాణ్ భార్యల గురించి మాట్లాడారు. భార్యలు లేకుండా ఇద్దరు నేతలు ఉగాది వేడుకలు ఎలా చేసుకున్నారని ప్రశ్నించారు. అయితే ఆమెకు తెలియకుండానే తెలుగుదేశం కూటమికి విమర్శలకు సంబంధించి ఆయుధం ఇచ్చారు. రోజా ఏం మాట్లాడకూడదు అదే మాటలు ఆమె నోటి నుంచి వచ్చేసరికి.. ఇప్పుడు జగన్మోహన్ రెడ్డి దంపతులు కార్నర్ అవుతున్నారు.
Also Read: ‘ధురంధర్ 2’ లో మేజర్ ఇక్బాల్ క్యారెక్టర్ మిస్ చేసుకున్న తమిళ సూపర్ స్టార్ అతనేనా?
జగన్మోహన్ రెడ్డిని అనుసరించే వైయస్సార్ కాంగ్రెస్ పార్టీ నేతలు ఆయనకు మంచి చేస్తారో? చెడ్డ చేస్తారో? అన్నది వారికి ఎరుక. జగన్మోహన్ రెడ్డి వ్యక్తిగత మత విశ్వాసాలు తెలియని వారు ఉండరు. బలవంతంగా ఆయనకు హిందూ ముద్ర వేయాలని చేసే ప్రయత్నాలు వికటిస్తూనే ఉంటాయి. ఇప్పుడు అదే ప్రయత్నం చేశారు రోజా. చంద్రబాబుతో పాటు పవన్ కళ్యాణ్ పై చేసిన ఆ వ్యాఖ్యలు ఆ పార్టీకి చిక్కు తెచ్చి పెడుతున్నాయి. ఉగాది వేడుకను జగన్మోహన్ రెడ్డి తన భార్య భారతి రెడ్డితో కలిసి చేసుకున్నారు. అలా చంద్రబాబుతో పాటు పవన్ కళ్యాణ్ చేయలేదన్నది రోజా అభిప్రాయం. ఒక పండుగ ఎలా జరుపుకోవాలి అనేది ఆ వ్యక్తి అభిప్రాయం. దానిని రోజా హైలెట్ చేసేసరికి టిడిపి కౌంటర్ ప్రారంభించింది. జగన్ గతంలో తిరుమల పర్యటన సమయంలో డిక్లరేషన్ ఇవ్వని తీరును.. బ్రహ్మోత్సవాల సమయంలో భార్య లేకుండానే పట్టు వస్త్రాలు సమర్పించిన సందర్భాలను సాక్షాలతో సహా సోషల్ మీడియా లో బయట పెడుతున్నారు.
సాధారణంగా జగన్మోహన్ రెడ్డి పై హిందూ వ్యతిరేక ముద్ర ఉంది. అది చాలా సందర్భాల్లో స్పష్టమైనది కూడా. అనవసరంగా అదే హిందుత్వవాదములు విషయంలో రాజకీయ ప్రత్యర్థులపై విమర్శలు చేస్తే అవి తిరిగి తమకే గుచ్చుకుంటాయి అన్న విషయం వైసిపి నేతలు తెలుసుకోవాలి. అటువంటి వారిని జగన్ నిలువరించకపోతే రివర్స్ అవుతాయని ఆయన సైతం గ్రహించుకోవాలి.