Akhanda: నందమూరి బాలకృష్ణ హీరోగా బోయపాటి దర్శకత్వంలో తెరకెక్కిన సినిమా అఖండ.. డిసెంబరు 2న ప్రేక్షకుల ముందుకు వచ్చిన ఈ సినిమా.. థియేటర్కి వచ్చిన ప్రతి ఒక్కరికీ పూనకాలు తెప్పిస్తోంది. భాష, ప్రాంతంతో సంబంధం లేకుండా అన్ని చోట్లా భారీ రికార్డులతో దూసుకెళ్లిపోతోంది. ఓవర్సీస్లోనూ అఖండ జోరు మాములుగా లేదు. విడుదలైన రెండ్రోజుల్లోనే 50కోట్ల షేర్ను రాబట్టినట్లు సమాచారం. అమెరికాలో అయితే, ప్రీమియర్ షో కలెక్షన్స్తోనే రికార్డులు బద్దలు కొట్టింది.
బోయపాటి డైరెక్షన్ ఒకెత్తైతే.. థమన్ మ్యూజిక్ సినిమాను మరో లెవెల్లో కూర్చోబెట్టాయి. అయితే, బోయపాటి సినిమాలో హీరోకి ఎంత ప్రాధాన్యత ఉంటుందో.. విలన్ కూడా అంతే బలంగా కనిపించేలా చేస్తాడు.. అలా ఈ సినిమాలో బాలయ్యను ఢీ కొట్టే విలన్గా శ్రీకాంత్తో పాటు నితిన్ మెహతా కూడా నటించారు. స్వామీజీ గెటప్లో క్రూరమైన పనులు చేసే క్యారెక్టర్ చేసింది అతనే. అయితే అతనెవరో తెలుసా?
నితిమ్ మెహతా ఒక ఆర్మీ ఆఫీసర్.. 21 సంవత్సరాల పాటు ఇండియన్ ఆర్మీలో సేవలు అందించారు. ఆ తర్వాత ఓ ప్రొఫెషనల్ మోడల్గా, నటుడిగా మారాలని కలలు కని.. యూనిఫామ్ను తీసేసి.. సినిమావైపు అడుగులేశారు. అలా బాలీవుడ్లో కాబిల్, భూమి వంటి సినమాలో ఛాన్స్ దక్కంచుకున్నారు. సౌత్లోనూ రెండు, మూడు సినిమాల్లో నటించారు. కానీ, అఖండ సినిమా మాత్రం ఆయనకు మంచి బ్రేక్ ఇచ్చిందనే చెప్పాలి. ప్రస్తుతం ఈ సినిమాతోనే ఇండస్ట్రీ మొత్తం హాట్ టాపిక్గా మారారు నితిన్ మెహతా. ఈ క్రమంలోనే వరుసగా మరిన్ని విలన్ పాత్రలు రానున్నట్లు తెలుస్తోంది.
Web Title: Akhanda villain nitin mehta was an army officer life journey
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
