US aircraft crashes: మాకు ఎదురు లేదు.. మా వద్ద ఉన్న ఆయుధాలు ప్రపంచంలో ఏ దేశం వద్ద లేవు.. మా టెక్నాలజీకి ఎదరు లేదు.. మా యుద్ధ విమానాలను కూల్చే సత్తా ఎవరికీ లేదు.. ఏ దేశంపైన అయినా దాడిచేసే శక్తి మా సొంతం అంటూ ఊదరగొడుతుంది అమెరికా. వెనెజువెలాలో రహస్యంగా చొరబడి అధ్యక్షుడు నికోలస్ మధురో, ఆయన భార్యను కిడ్నాప్ చేసి న్యూయార్క్ కోర్టులో దోషులుగా నిలబెట్టారు. దీంతో అమెరికా అçహంకారం మరింత పెరిగింది. ఆ అతివిశ్వాసంతోనే ఇరాన్పై యుద్ధం ప్రకటించాడు అమెరికా అధ్యక్షుడు డొనాల్డ్ ట్రంప్. వెనుజువెలా తరహాలోనే ఇరాన్ మెడలు వంచుతామని భావించారు. కానీ, ఇరాన్ ప్రతిఘటనతో అమెరికా తెల్లబోతోంది. ఇరాన్ కొడుతున్న దెబ్బలకు అమెరికా యుద్ధ విమానాలు పండుటాకులా రాలిపోతున్నాయి. యుద్ధం మొదలై 20 రోజులు అయింది. ఈ 20 రోజుల్లో అమెరికా ఆర్థికంగా నష్టపోవడమే కాకుండా 16 యుద్ధ విమానాలను కోల్పోయింది.
16 యుద్ధ విమానాలు ఇవీ..
ఇరాన్ దాడిచేసి కూల్చిన అమెరికా 16 యుద్ధ విమానాలు ఇలా ఉన్నాయి. పది MQ–9 రీపర్ డ్రోన్లు శత్రు రక్షణ వ్యవస్థల ద్వారా గాలిలోనే కూలిపోయాయి. మిగిలినవి యుద్ధ చర్యల్లో లేదా సంబంధిత ప్రమాదాలతో నష్టపోయాయి. బ్లూమ్బర్గ్ కథనం ఈ గణాంకాలను ప్రస్తావించి అమెరికా వ్యూహాల్లో లోపాలను సూచించింది. ఇక కువైట్పై ఇరాన్ జరిపిన దాడిలో మూడు ఎఫ్–15 ఫైటర్ జెట్లు కూలిపోయాయి. తాజాగా రెండు ఎఫ్ – 35 విమానాలను ఇరాన్ కూల్చింది. మరోవైపు ఓ యుద్ధ నౌక దాడితో దెబ్బతిని యుద్ధం నుంచి తప్పుకుంది.
ఇరాక్, సౌదీలో రీఫ్యూయలింగ్ విమానాలు..
ఇరాక్లో కేసీ–135 రీఫ్యూయలింగ్ విమానం కుప్పకూలడంతో ఆరు సిబ్బంది ప్రాణాలు కోల్పోయారు. సౌదీ అరేబియా వైమానిక స్థావరంపై ఇరాన్ క్షిపణి దాడిలో ఐదు కేసీ–135లు దెబ్బతిన్నాయి. ఈ విమానాలు దీర్ఘ దూర ప్రయాణాలకు కీలకమైనా, రక్షణ బలహీనతలు బయటపడ్డాయి.
MQ–9 రీపర్ డ్రోన్ల పరమైన నష్టాలు
ఇరాన్ ఆధునిక రాడార్లు, క్షిపణులతో 9 రీపర్ డ్రోన్లను గాలిలో ధ్వంసం చేసింది. జోర్డాన్ విమానాశ్రయంలో బాలిస్టిక్ క్షిపణి ఒక డ్రోన్ను నేలపై పేల్చింది. మరో రెండు ప్రమాదాల్లో కూడా రీపర్లు పోగొట్టాయి. తక్కువ ధర (30 మిలియన్ డాలర్లు్ల), పైలట్ లేకపోవడం వల్ల ఈ మానవరహిత వాహనాలు విజయవంతం అవుతున్నాయి.
ఈ పతనాలు అమెరికాకు ఆర్థిక భారాన్ని (200 మిలియన్ డాలర్లు) పెంచుతున్నాయి. ఇరాన్ స్వీయ డ్రోన్లు, క్షిపణులతో సమతుల్యం చేసుకుంటోంది. స్నేహపూర్వక అగ్ని, సమన్వయ లోపాలు యుద్ధాన్ని దీర్ఘకాలికంగా మార్చుతున్నాయి. ప్రపంచ చమురు ధరల పెరుగుదలకు ఈ సంఘర్షణ కారణమవుతోంది. భవిష్యత్తులో అమెరికా కొత్త వ్యూహాలు రూపొందించాల్సి ఉంది.