Trump Stock Trades: అగ్రరాజ్యం అమెరికా అధ్యక్షుడు డొనాల్ట్ ట్రంప్పై అనేక ఆరోపణలు ఉన్నాయి. ఎప్స్టీన్ ఫైల్స్లోనూ ట్రంప్ ఉన్నట్లు వార్తలు వచ్చాయి. ఇక అధ్యక్షుడి కన్నా ముందు వ్యాపార వేత్తగా ఉన్న ట్రంప్ అనేక అక్రమాలకు పాల్పడినట్లు ఫిర్యాదులు ఉన్నాయి. తాజాగా ట్రంప్ అధ్యక్ష హోదాలో అక్రమ ఆదాయం కోసం యత్నించినట్లు ఆరోపణలు వస్తున్నాయి.2026 జనవరి–మార్చి మధ్య ట్రంప్ తరపున సుమారు 3,700 లావాదేవీలు జరిగాయని యూఎస్ ఆఫీస్ ఆఫ్ గవర్నమెంట్ ఎథిక్స్ బహిర్గతం చేసింది. ఈ ట్రాన్సాక్షన్ల మొత్తం 220 మిలియన్ డాలర్ల నుంచి 750 మిలియన్ డాలర్ల వరకు ఉండవచ్చని అంచనా. టెక్ షేర్లు, కాంట్రాక్టర్ కంపెనీలు, బోయింగ్ వంటి సంస్థల్లో పెద్ద ఎత్తున కొనుగోళ్లు–అమ్మకాలు జరిగాయి.
ట్రంప్పై విమర్శల వెల్లువ..
ఈ అక్రమాల వెల్లడి తర్వాత ప్రతిపక్ష డెమోక్రాట్లు, సెనేటర్ ఎలిజబెత్ వారెన్ వంటి నేతలు తీవ్ర విమర్శలు చేస్తున్నారు. ట్రంప్ అధికారపు నిర్ణయాలు తన స్టాక్ లాభాలకు అనుకూలంగా ఉపయోగించుకున్నారని ఆరోపణలు చేశారు. జనవరి 6న ఒక మిలియన వరకు ఎన్విడా షేర్లు కొన్నారని ఫైలింగ్స్ చూపిస్తున్నాయి. దాదాపు ఒక వారం తర్వాత అమెరికా కామర్స్ డిపార్ట్మెంట్ ఎన్విడా ఏ200 ఏఐ చిప్స్ చైనాకు అమ్మకాలను అనుమతించింది. ఫిబ్రవరి 10న మరో పెద్ద కొనుగోలు జరిగి, తర్వాత మెటాతో ఎన్విడా పెద్ద డీల్ ప్రకటన వచ్చింది.
చైనా పర్యటన అందుకోసమేనా?
ట్రంప్ చైనా సందర్శనలో ఎన్విడా సీవో జెన్సెన్ హువాంగ్ను తీసుకెళ్లడం, స్టాక్ హోల్డింగ్తో కలిసి రాజకీయ లాభం కోసం చేసిన చర్యగా విమర్శలు వచ్చాయి. పాలంటిర్ వంటి కాంట్రాక్ట్ సంస్థల షేర్లు ప్రభుత్వ డీల్స్ సమయంలో కొనడం కూడా సందేహాలు రేకెత్తించింది. అయితే ట్రంప్ ఆర్గనైజేషన్ ప్రకారం, ఈ ఇన్వెస్ట్మెంట్లు మూడవ వ్యక్తులు నిర్వహిస్తున్నారు. బ్లైండ్ ట్రస్ట్ లాంటి వ్యవస్థలో అధ్యక్షుడు నేరుగా నిర్ణయాలు తీసుకోరు. ఎరిక్ ట్రంప్ వంటి కుటుంబ సభ్యులు ఈ ఆరోపణలను రాజకీయ ప్రచారంగా కొట్టిపారేశారు. అధికారిక నిర్ణయాలు జాతీయ భద్రత, ఆర్థిక వృద్ధి ఆధారంగా తీసుకుంటారని వాదన.
ఎంతవరకు అవినీతి?
అధ్యక్షుడి స్థాయిలో ఇంత పెద్ద స్టాక్ ట్రేడింగ్ వాల్యూమ్ (రోజుకు 40+ ట్రేడ్లు) సంఘర్షణల అవకాశాలను పెంచుతుంది. టైమింగ్ సందేహాలు రేకెత్తించడం సహజం.
ప్రభుత్వ నియంత్రణలో ఉన్న సెక్టర్ల (టెక్ ఎక్స్పోర్ట్స్, డిఫెన్స్ కాంట్రాక్ట్స్)లో ఇన్వెస్ట్ చేయడం ఎలైట్లకు ప్రయోజనం కల్పించే అవకాశం ఉంది. అమెరికా అధ్యక్షులు ఇంతకుముందు కూడా ఇన్వెస్ట్మెంట్లు చేసుకున్నారు. ట్రంప్ ముందు బాండ్లలో ఎక్కువగా ఉండేవారు. ఇప్పుడు స్టాక్స్కు మారడం మార్కెట్ ట్రెండ్తో సమానంగా ఉండవచ్చు.
ఈ ఘటన యాజమాన్య పారదర్శకత, ఎథిక్స్ నియమాల గురించి మళ్లీ చర్చనీయాంశం చేసింది. ఆరోపణలు రాజకీయంగా ఉన్నప్పటికీ, అధికారుల ఇన్వెస్ట్మెంట్ ప్రవర్తనపై కఠినమైన నియమాల అవసరాన్ని హైలైట్ చేస్తున్నాయి. ఇది నిజమైన అవినీతి కాదా లేదా సాధారణ మార్కెట్ యాక్టివిటీ కాదా అనేది ఇంకా స్వతంత్ర దర్యాప్తు అవసరమైన విషయం. ఈ సంఘటన అమెరికా రాజకీయాల్లో ఉద్రిక్తతను మరింత పెంచుతుంది.
