Donald Trump: అమెరికా అధ్యక్షుడు డొనాల్డ్ ట్రంప్ హాజరైన ’వైట్ హౌస్ కరస్పాండెంట్స్ అసోసియేషన్’ (WHCA) వార్షిక విందులో జరిగిన కాల్పుల ఘటన అంతర్జాతీయంగా చర్చనీయాంశమైంది. వాషింగ్టన్ హిల్టన్ హోటల్లో శనివారం జరిగిన ఈ వేడుకలో, భోజన సమయానికి కొద్దిసేపటి ముందే దుండగుడు కాల్పులు జరిపి అలజడి సృష్టించాడు. అయితే, ఈ ప్రమాదం నుంచి సెక్యూరిటీ సిబ్బంది ట్రంప్ను సురక్షితంగా కాపాడారు. మరోవైపు ట్రంప్ కాల్పులను ఏమాత్రం లెక్కచేయని ట్రంప్, తన పట్టుదలను మరోసారి నిరూపించుకున్నారు.
భద్రతా వ్యవస్థ మెరుపు స్పందన
కాల్పుల శబ్దం వినిపించగానే సీక్రెట్ సర్వీస్ ఏజెంట్లు అప్రమత్తమై, అధ్యక్షుడిని, ఆయన కుటుంబ సభ్యులను సురక్షిత ప్రాంతానికి తరలించారు. ఈ క్రమంలో ఒక అధికారిపై కాల్పులు జరగగా, ఆయన ధరించిన బుల్లెట్ ప్రూఫ్ జాకెట్ కారణంగా ప్రాణాపాయం తప్పింది. దాడికి పాల్పడిన వ్యక్తిని వెంటనే అదుపులోకి తీసుకున్న భద్రతా దళాలు, అతని వద్ద పలు ఆయుధాలు ఉన్నట్లు గుర్తించాయి. దీనికి సంబంధించిన వీడియో వైరల్ అవుతోంది.
ట్రంప్ సంచలన ప్రకటన
ప్రమాదం జరిగినప్పటికీ, ఈ కార్యక్రమాన్ని అర్థాంతరంగా వదిలివేసే ప్రసక్తే లేదని ట్రంప్ స్పష్టం చేశారు. తన ప్రణాళికలను మార్చుకునేలా ఇలాంటి బెదిరింపులు ఏవీ తనను ప్రభావితం చేయలేవని పేర్కొంటూ, సరిగ్గా 30 రోజుల్లోనే అదే వేదికపై ఈ విందును తిరిగి నిర్వహిస్తామని ప్రకటించారు. సాధారణంగా ఇటువంటి ఘటనల తర్వాత భద్రతా సమీక్షల కోసం నెలల తరబడి వేచి చూసే సంప్రదాయానికి భిన్నంగా, ట్రంప్ వెంటనే ముందడుగు వేయడం ఆయన ధీరత్వానికి నిదర్శనమని విశ్లేషకులు అభిప్రాయపడుతున్నారు.
భద్రతా దళాల పూర్తి ధీమా
ఈవెంట్ నిర్వహణపై భద్రతా పరమైన సందేహాలను సీక్రెట్ సర్వీస్ డైరెక్టర్ సీన్ కర్రన్ తోసిపుచ్చారు. అధ్యక్షుడి కార్యక్రమాల్లో భద్రత కల్పించడం తమకు నిత్యకృత్యమని, ఇలాంటి సవాళ్లను సమర్థవంతంగా ఎదుర్కోగలమని ఆయన ధీమా వ్యక్తం చేశారు. మరింత పటిష్టమైన భద్రతా వలయాల మధ్య రాబోయే రోజుల్లో ఈ కార్యక్రమాన్ని విజయవంతంగా పూర్తి చేస్తామని భరోసా ఇచ్చారు.
#WATCH | US President Donald Trump and First Lady Melania Trump rushed out of the White House Correspondents’ Dinner after shots were reportedly fired at the event.
(Source: Unrestricted Pool via Reuters) pic.twitter.com/Z2nDjWzWW0
— ANI (@ANI) April 26, 2026
