Pakistan-Afghanistan clash: పాకిస్తాన్ –ఆఫ్గానిస్తాన్.. రెండూ ముస్లిం దేశాలే.. ఆప్గానిస్తాన్లో ఉగ్రవాదాన్ని పెంచి పోషించిన దేశం పాకిస్తాన్. తనకు మిత్ర దేశాంగా ఉంటుంది అనుకున్న పాకిస్తాన్కు ఇప్పుడు ఆఫ్గానిస్తాన్ షాక్ ఇచ్చింది. భారత్ను ఆప్గానిస్తాన్ మిత్రదేశంగా ప్రకటించింది. ఉగ్రవాదానికి వ్యతిరేకంగా పోరాడతామని ప్రకటించింది. ఇదే ఇప్పుడు పాకిస్తాన్కు నచ్చడం లేదు. దీంతో ఆఫ్గాన్ విదేశాంగ శాఖ మంత్రి ముత్తఖీ భారత్లో పర్యటనకు వచ్చిన రోజే ఆఫ్గాన్లోని కాబూల్పై పాకిస్తాన్ దాడి చేసింది. ఉగ్రవాదలు ఉన్నారన్న సాకుతో దాడులు కొనసాగిస్తోంది. ఈ వార్ పై ఇస్లామిక్ దేశాలు రంగంలోకి దిగాయి. ముస్లిం దేశాల మధ్య శాంతి నెలకొల్పేందుకు ప్రయత్నాలు ప్రారంభించాయి. సౌదీ అరేబియా, ఇరాన్, ఖతర్ ప్రభుత్వాలు ఇరు దేశాలు సైనిక చర్యల కంటే చర్చల మార్గాన్ని అవలంబించాలని సూచించాయి. ఈ పిలుపు, వర్గీయ వివాదాలు మరియు సరిహద్దు భద్రతా సమస్యలకు పరిష్కారం చూపే ప్రయత్నంగా చూడబడుతోంది. ఈ ఘటనలు ప్రాంతీయ భద్రతా పరిస్థితిపై తీవ్ర ప్రభావం చూపగా, అఫ్గాన్ నాయకత్వం దీన్ని సార్వభౌమత్యంపై దాడిగా అభివర్ణించింది.
ఇరాన్ మధ్యవర్తిత్వం..
ఇరాన్ ప్రభుత్వం ఘర్షణలను తక్షణం నిలిపివేయించే లక్ష్యంతో మధ్యవర్తిత్వ బాధ్యతలను స్వీకరించేందుకు ముందుకొచ్చింది. దౌత్య మార్గంలో ఇరాన్ పాత్ర రెండు దేశాల మధ్య నమ్మకాన్ని పెంచే సుస్థిర వేదికనందించగలదని విశ్లేషకులు పేర్కొంటున్నారు.
తాత్కాలిక కాల్పుల విరమణ
అఫ్గాన్ విదేశాంగ మంత్రి ప్రకారం, ప్రస్తుతానికి తాత్కాలిక కాల్పుల విరమణ అమలులో ఉంది. అయితే ఇది కేవలం తాత్కాలిక ఉపశమనం మాత్రమే అవుతుందని, చర్చలు ఫలప్రదం కాని పక్షంలో ఘర్షణలు మళ్లీ ముదరే అవకాశం ఉందని హెచ్చరిస్తున్నారు.
ఇరాన్ ఏం చేస్తుంది..
మధ్యవర్తిత్వానికి ముందకు వచ్చిన ఇరాన్ వంటి ప్రాంతీయ శక్తుల జోక్యం రెండు పక్షాలకు చర్చా వేదిక అందించి, నిరవధికంగా శాంతి పాటించే అవకాశాలను పెంచుతుంది. అయితే సరిహద్దు ఉగ్రవాద చర్యలు, అక్రమ రవాణా, శరణార్థుల సమస్యలు ఈ విభేదాల వెనుక ఉన్న ప్రధాన సమస్యలు కావడంతో, కేవలం కాల్పుల విరమణ సరిపోదు. సౌదీ, ఖతర్ వంటి దేశాలు కూడా మధ్యవర్తిత్వానికి మద్దతు ఇవ్వడం, ముస్లిం ప్రపంచం సమిష్టిగా సమస్య పరిష్కారానికి కృషి చేస్తున్నాయి.
ఈ పరిణామం పాక్–అఫ్గాన్ సంబంధాలలో కొత్త మలుపు తీసుకురావచ్చు. చర్చలు విజయవంతమైతే ప్రాంతీయ స్థిరత్వానికి దోహదపడతాయి. విఫలమైతే ఘర్షణ మళ్లీ భయానక స్థాయికి చేరే అవకాశం ఉంది.
