Afghan-Pakistani tensions: చిన్నప్పుడు తెచ్చుకున్న పామును పాలు పోసి పెంచితే దాని బుద్ధి మారుతుందా.. కోపం వస్తే తిరిగి యజమానినే కాటేస్తుంది. ఇప్పుడు పాకిస్తాన్ పరిస్థితి అలాగే ఉంది. ఆఫ్గానిస్తాన్ కేంద్రంగా తెహ్రీక్ – ఎ – తాలిబాన్ పాకిస్తాన్ ఉగ్ర సంస్థను పెంచి పోషించింది. పాకిస్తాన్. భారత్ కోసమే దీనిని తయారు చేసింది. కానీ, ప్రస్తుతం అది పాకిస్తాన్కే కంటిమీద కునుకు లేకుండా చేస్తోంది. పొరుగు దేశంగా ఉన్న ఆఫ్గానిస్తాన్ను తన ప్రయోజనాలకు అనుగుణంగా మచ్చిక చేసుకొని, పాకిస్తాన్ ముస్లిం ప్రపంచంలో శక్తివంతమైన భాగస్వామ్యాన్ని హస్తగతం చేసుకోవాలని భావించింది. తాజా పరిణామాలు పాకిస్తాన్కు వ్యతిరేకంగా ఆఫ్గానిస్తాన్ దిశగా పరస్పర దూరం పెరగడం ప్రారంభమైంది.
ఆఫ్గానిస్తాన్–భారత్ బంధం పాక్ అసహనం
ఇంతకుముందు పాకిస్తాన్కు అనుకూలంగా ఉన్న ఆఫ్గానిస్తాన్ ఈ మధ్య భారత్తో స్నేహబంధాలు మెరుగుపరచడంతో పాకిస్తాన్ జీర్ణించుకోలేకపోతోంది. తెహ్రీక్ ఎ తాలిబాన్ పాకిస్తాన్ ఈ సన్నివేశంలో ఆఫ్గానిస్తాన్లో అల్లర్లు చేస్తున్నట్లు అభియోగాలు చూపిస్తూ, అంతర్జాతీయ స్థాయిలో వైమానికి దాడులు ప్రారంభించింది.
పెరుగుతున్న పరస్పర వైరం..
ఆఫ్గానిస్తాన్కు పాకిస్తాన్పై చిరకాల వ్యతిరేకత ఉంది. రెండు ముస్లిం దేశాలు అయినా.. సరిహద్దు దాడులు, అంతర్గత అస్థిరతలు రెండు దేశాల ప్రజల్లో విభేదాలను మరింత పెంచుతున్నాయి. ఈ దౌర్జన్య వాతావరణంలో, పాకిస్తాన్లో బాంబు దాడులు, పోలీసులపై దాడులు సంభవించడంతో, పాక్ సైన్యం ఆఫ్గానిస్తాన్పై వైమానిక దాడులను ప్రారంభించింది.
సరిహద్దు వివాదాలు..
డూరండ్ లైన్గా పిలవబడే బ్రిటీష్ కాలపు సరిహద్దు ఆర్థిక, రాజకీయ కారణాల వల్ల ఆఫ్గానిస్తాన్ దాని ప్రామాణికతను నిరాకరించే పరిస్థితి సృష్టించింది. దీనివల్ల రెండు దేశాల మధ్య చోటుచేసుకున్న విపరీత రాజకీయ ఉద్రిక్తతలు మారుతున్న సామాజిక మాంద్యం, సైనిక చర్యలకు దారితీస్తున్నాయి. అంతేకాక, పాకిస్తాన్లో ఏర్పడిన తెహ్రీక్ ఎ తాలిబాన్ పాకిస్తాన్ కూడా దేశీయ అస్థిరతలకు దూకుడు పెడుతోంది. ఆ సంస్థ పాకిస్తాన్పై తిరుగుబాటు చర్యలు చేపడుతూ యుద్ధ వాతావరణాన్ని మరింత ఉద్రిక్తం చేస్తుంది.
ఇరు దేశాలు ఏడాది క్రితం వరకు మిత్రులుగా ఉన్నాయి. కేవలం భారత్కు దగ్గరవుతుందన్న అక్కసుతో పాకిస్తాన్ ఆఫ్గానిస్తాన్పై దాడులు చేస్తోంది. దీంతో ఆఫ్గాన్ పాలకులు, తెహ్రీక్ ఎ పాకిస్తాన్ ఆఫ్గానిస్తాన్ సంస్థ కూడా పాకిస్తాన్పై ప్రతిదాడులు చేస్తోంది. దీంతో పాకిస్తాన్కు ఉన్న తలనొప్పులకు తోడు మరో సమస్య తయారవుతోంది.
