Veera Simha Reddy Collections: నందమూరి బాలకృష్ణ హీరో గా నటించిన ‘వీర సింహా రెడ్డి’ చిత్రం ఇటీవలే భారీ అంచనాల నడుమ విడుదలై యావరేజి రెస్పాన్స్ ని దక్కించుకున్న సంగతి తెలిసిందే..మొదటి రోజు ఈ సినిమాకి వచ్చిన ఓపెనింగ్ టాలీవుడ్ లో పెద్ద టాక్ ఆఫ్ ది టౌన్ గా మారింది..ఎందుకంటే అమెరికా నుండి అనకాపల్లి వరకు ఈ సినిమాకి వచ్చినటువంటి ఓపెనింగ్స్ బాలయ్య తన నాలుగు దశాబ్దాల సినీ కెరీర్ లో ఎన్నడూ చూడలేదు.
‘అఖండ’ వంటి సెన్సేషనల్ బ్లాక్ బస్టర్ తర్వాత వచ్చిన బాలయ్య సినిమా కావడం, దానికి తోడు ‘అన్ స్టాపబుల్’ షో కూడా గ్రాండ్ సక్సెస్ అవ్వడం వల్లే ఈ స్థాయి వసూళ్లు వచ్చాయంటున్నారు విశ్లేషకులు..ఇదే రేంజ్ ఊపుని లాంగ్ రన్ వరకు కొనసాగిస్తుందేమో అని అందరూ అనుకున్నారు..కానీ సీన్ రివర్స్ అయ్యింది..ఎప్పుడైతే మెగాస్టార్ చిరంజీవి ‘వాల్తేరు వీరయ్య’ సినిమా విడుదలైందో అప్పటి నుండే ఈ చిత్రం కలెక్షన్స్ బాగా పడిపోయాయి.
చిన్నపిల్ల దగ్గర నుండి ఫ్యామిలీ ఆడియన్స్ వరకు ప్రతీ ఒక్కరు ‘వాల్తేరు వీరయ్య’ కి ఎక్కువ మొగ్గు చూపించడం వల్ల ‘వీర సింహా రెడ్డి’ వసూళ్లు పల్చబడ్డాయి..మొదటి రోజు 30 కోట్ల రూపాయిల షేర్ వసూళ్లను రాబట్టిన ఈ సినిమాకి రెండవ రోజు కేవలం 5 కోట్ల 50 లక్షలు మాత్రమే వచ్చాయి..భోగి పండుగ రోజు కూడా ఈ సినిమాకి ఆశించిన స్థాయి వసూళ్లు పెద్దగా రాలేదు, కేవలం 6 కోట్ల 60 లక్షల రూపాయిల షేర్ వసూళ్లను మాత్రమే రాబట్టింది..సంక్రాంతి పండుగ రోజు కూడా అంతంత మాత్రమే వచ్చాయి..నాల్గవ రోజు కేవలం 7 కోట్లు మాత్రమే వసూలు చేసింది.
అలా మొత్తం మీద నాలుగు రోజులకు కలిపి 50 కోట్ల రూపాయలకు పైగానే షేర్ వసూళ్లను రాబట్టిందని ట్రేడ్ పండితులు చెప్తున్నారు..ఓవర్సీస్ లో కూడా కలెక్షన్స్ బాగా పడిపోయాయి..ఈ చిత్రం ప్రీ రిలీజ్ థియేట్రికల్ బిజినెస్ 75 కోట్ల రూపాయిల వరకు జరిగింది..బ్రేక్ ఈవెన్ అవ్వాలంటే వీక్ డేస్ లో బాగా ఆడాలి..కానీ పండుగ దినాల్లోనే ఇలా ఉంటె ఇక వీక్ డేస్ లో రన్ ఏముంటుందని ట్రేడ్ విశ్లేషకులు చెప్తున్నమాట.
