PM Modi- RRR Movie Team: సినీ చరిత్రలో అత్యంత ప్రతిష్టాత్మక అవార్డుగా భావించే ఆస్కార్ పురస్కారాన్ని ఆర్ ఆర్ ఆర్ అందుకుంది. 95వ ఆస్కార్ అవార్డుల వేడుకలో ఈ చిత్రంలోని నాటునాటు పాటకు అవార్డ్ వరించింది. బెస్ట్ ఒరిజినల్ సాంగ్ విభాగంలో ఆస్కార్ దక్కించుకుంది. ఆస్కార్ను దక్కించుకున్న తొలి భారతీయ గీతంగా నాటునాటు రికార్డులకు ఎక్కింది. హాలీవుడ్ పాటలను తలదన్నుకుంటూ చివరకు వరకు చేరిన నాటు.. నాటు విజయకేతనం ఎగరవేసింది.
అభినందించిన మోదీ..
‘నాటు.. నాటు..’ పాటకు ఆస్కార్ అవార్డు రావడంపై ప్రధాని మోదీ స్పందించారు. ట్రిపుల్ ఆర్ టీంకు అభినందనలు తెలిపారు. ఈ గౌరవం ప్రతి భారతతీయుడికి గర్వాకారణం అంటూ కొనియాడారు. ఇది దేశం గర్వించే రోజు అని పేర్కొన్నారు. సినిమాకు దర్శకత్వం వహించిన ఎస్ఎస్.రాజమౌళితోపాటు పాటకు సంగీతం అందించిన కీరవాణికి, పాట రాసిన చంద్రబోస్, పాడిన రాహుల్ సిప్లిగంజ్, కాల భైరవను ప్రశంసించారు. ఈ పాటకు అద్భుతంగా నాట్యం చేసిన ఎన్టీఆర్, రాంచరణ్తోపాటు సినిమా యూనిట్ను అభినందనల్లో ముంచెత్తారు. ఈ ప్రతిష్టాత్మకమైన గౌరవం ప్రతీ భారతీయుడిని ఎంతో గర్వించేలా చేసిందని మోదీ అభిప్రాయపడ్డారు.
గోల్డెన్ గ్లోబ్ వరించిన సమయంలోనూ..
నాటు.. నాటు పాటకు ఇటీవల గోల్డెన్ గ్లోబ్ అవార్డు కూడా వచ్చింది. ఈ సందర్భంగా కూడా మోదీ స్పందించారు. భారతీయ చిత్రం పాటకు అంతర్జాతీయ అవార్డు రావడం గర్వంగా ఉందన్నారు. ఆస్కార్ కూడా రావాలని ఆకాంక్షించారు. ఆర్ఆర్ఆర్ సినిమా బృందాన్ని కూడా అభినందించారు.
దిగ్గజ సంగీత దర్శకులతో పోటీ
ప్రపంచవ్యాప్తంగా దిగ్జజ సినీ ప్రముఖులు రూపొందించిన ఆల్బమ్స్తో ఆర్ఆర్ఆర్ చిత్రంలోని పాట పోటీ పడింది. లేడి గాగ పాడిన హోల్డ్ మై హ్యాండ్, రిహన్నా పడిన లిఫ్ట్ మీ అప్, మిట్ స్కీ పాడిన ఆప్లాజ్ పాటల సరసన నాటు నాటు నిలిచింది. ప్రపంచ స్థాయి దిగ్గజాల పాటతో పోటీ పడుతూ నాటు నాటు ఆస్కార్ కిరిటాన్ని సాధించింది.
#RRRMovie composer M. M. Keeravani accepts the original song #Oscar for “Naatu Naatu” and graces the audience with a tune of his own. https://t.co/hxuR41IpLt pic.twitter.com/t4pbTwAE1M
— Los Angeles Times (@latimes) March 13, 2023
