Nithya Menon : మలయాళ కుట్టి నిత్యా మీనన్ బిగ్ షాక్ ఇచ్చారు. గర్భంతో కనిపించి మైండ్ బ్లాక్ చేశారు. పెళ్లి కాకుండా తల్లి కావడమేంటని జనాలు నోరెళ్లబెడుతున్నారు. నిత్యామీనన్ ఇంస్టాగ్రామ్ పోస్ట్ వైరల్ గా మారింది. 2010లో విడుదలైన ‘అలా మొదలైంది’ మూవీతో తెలుగు ప్రేక్షకులను పలకరించింది నిత్యా మీనన్. తన పాత్రకు తానే డబ్బింగ్ చెప్పుకుంది. నిత్యా మీనన్ క్యూట్ యాక్టింగ్ మెస్మరైజ్ చేసింది. అలా మొదలైంది చిత్రం మంచి విజయం సాధించడంతో నిత్యాకు తెలుగులో వరుస ఆఫర్స్ వచ్చాయి. హీరో నాని సైతం అలా మొదలైంది మూవీతో కెరీర్ కి పునాది వేసుకున్నాడు.
నితిన్ కి జంటగా నిత్యా మీనన్ చేసిన ఇష్క్ సూపర్ హిట్ అయ్యింది. వరుస పరాజయాలతో ఇబ్బంది పడుతున్న నితిన్ కి లక్కీ గర్ల్ రూపంలో వచ్చి విజయం అందించింది. అనూప్ రూబెన్స్ పాటలు సినిమాకు ప్లస్ అయ్యాయి. నితిన్-నిత్యా ‘గుండెజారి గల్లంతయ్యిందే’ మూవీతో మరోసారి ప్రేక్షకులను ఆకట్టుకున్నారు. గుండెజారి గల్లంతయ్యిందే సైతం మంచి విజయాన్ని అందుకుంది. సన్ ఆఫ్ సత్యమూర్తి, జనతా గ్యారేజ్ చిత్రాల్లో ఎన్టీఆర్, బన్నీ వంటి స్టార్స్ తో జతకట్టింది. అయితే ఈ రెండు చిత్రాల్లో ఆమెది సెకండ్ హీరోయిన్ రోల్ కావడం విశేషం.
అనూహ్యంగా భీమ్లా నాయక్ మూవీలో పవన్ పక్కన ఛాన్స్ కొట్టేసింది. మలయాళ హిట్ అయ్యప్పనుమ్ కోశియుమ్ రీమేక్ భీమ్లా నాయక్ లో పవన్ భార్య పాత్ర చేశారు నిత్యా మీనన్. పవర్ ఫుల్ రోల్ లో ప్రేక్షకులను ఆకట్టుకున్నారు. మరోవైపు నిత్యా మీనన్ వరుస వెబ్ సిరీస్లు చేస్తున్నారు.అమెజాన్ ఒరిజినల్ ‘బ్రీత్’ లో అభిషేక్ బచ్చన్ కి జంటగా నిత్యా మీనన్ నటించారు. బ్రీత్ లేటెస్ట్ సీజన్ లో సైతం నిత్యా మీనన్ నటించారు. మోడరన్ లవ్ హైదరాబాద్ టైటిల్ తో తెరకెక్కిన యాంతాలజీ సిరీస్ చేయడం జరిగింది.
తాజాగా నిత్యా మీనన్ వండర్ ఉమెన్ టైటిల్ తో ఒక వెబ్ సిరీస్ చేశారు. ఇది జీ 5లో నవంబర్ 18 నుండి స్ట్రీమ్ కానుంది. ఈ సిరీస్లో నిత్యా మీనన్ ప్రెగ్నెంట్ ఉమెన్ గా నటించినట్లు సమాచారం. ఈ క్రమంలో సిరీస్ కి ప్రచారం కల్పించడం కోసం ప్రెగ్నెంట్ గెటప్ లో దర్శనమిచ్చి షాక్ చేశారు. తన ఫోటోలు ఇంస్టాగ్రామ్ లో షేర్ చేసిన నిత్యా మీనన్ కామెంట్ చేశారు. ‘ప్రెగ్నెంట్ లుక్ అంత క్యూట్ గా ఉండదు. ప్రెగ్నెంట్ ఉమెన్ నోరా పాత్ర చేయడాన్ని ఎంతగానో ఆస్వాదించాను. వండర్ ఉమెన్ సెట్స్ లో తీసిన ఫోటోలు ఇంకా షేర్ చేస్తాను. నోట్… నేను నిజంగా ప్రెగ్నెంట్ కాదు”, అని కామెంట్ చేయడం జరిగింది. ఇక నిత్యా మీనన్ ప్రెగ్నెంట్ లుక్ వైరల్ అవుతుంది.
