Hrithik Roshan: నమస్కారానికి ప్రతి నమస్కారం సంస్కారం. అంటే ఎవరైనా మనకు ఏది చేసినా ప్రతిగా వారికి అది చేయడం పరిపాటే. ఎవరైనా మనకు సాయం చేస్తే తిరిగి చేయాలి. ఎవరైనా మనకు మేలు చేస్తే తిరిగి మనం చేస్తే వారు కూడా మనల్ని ఎంతో అభిమానిస్తారు. అలా ఏ పని చేసినా ప్రతిగా చేయడం మన సనాతన సంప్రదాయం. అందుకే మన రుషుల కాలం నుంచి కూడా ఇచ్చిపుచ్చుకోవడాలు ఒక ఆచారంగా మారిన సంగతి తెలిసిందే. గురువు మనకు విద్య నేర్పిస్తే మనం గురుదక్షిణ ఇవ్వాలి. స్నేహితుడు మనకు సాయం చేస్తే ప్రతిగా అతడికి మనం ఇంకో రకంగా సాయమందించాలి అది సంస్కారం.
Hrithik Roshan
క్రికెట్ క్రీడాకరులు, సినిమా స్టార్లకు అభిమానులుంటారు. వారి కోసం వారి ప్రాణాలు సైతం లెక్కచేయరు. అంతటి అభిమానం వారి గుండెల్లో ఉంటుంది. అభిమానుల అండతోనే అందరు సెలబ్రిటీలుగా ఎదుగుతారనేది జీవితసత్యం. అయితే కొందరే వారిని గుర్తుంచుకుంటారు. కొందరైతే వారిని పట్టించుకోరు. ఇంకొందరు వారి కోసం ఏమైనా చేస్తారు. ఇక్కడ మన బాలీవుడ్ స్టార్ హీరో హృతిక్ రోషన్ తన సాధారణ వ్యక్తిత్వాన్ని చాటాడు. ఎంతో హుందాగా వ్యవహరిస్తుంటాడు.
Also Read: Asia Cup 2022 India vs Pakistan: ఇండియా, పాక్ మ్యాచ్ చూస్తే అంతే.. రూ. 5 వేలు జరిమానా
హృతిక్ రోషన్ ఓ కార్యక్రమంలో పాల్గొనడానికి రావడంతో ఓ అభిమాని అతడి ఎదురుగా వెళ్లి కాళ్లు మొక్కాడు. దీంతో హృతిక్ రోషన్ కూడా ప్రతిగా అభిమాని కాళ్లు తాకి నమస్కరించుకున్నాడు. ఈ చర్యకు అందరు ఆశ్చర్యపోయారు. అతడు తన కాళ్లు మొక్కితే నేను కూడా అతడి కాళ్లు మొక్కడంలో ఔచిత్యమేమిటని ప్రశ్నిస్తున్నారు. హృతిక్ సంస్కారానికి అభిమానులు ఫిదా అవుతున్నారు. ఇంతటి సాధారణ మనస్తత్వం గల హీరో అంటూ వేనోళ్ల పొగుడుతున్నారు. అతడి సింప్లిసిటీకి తెగ సంబరపడుతున్నారు.
Hrithik Roshan
దీనికి సంబంధించిన వీడియో సామాజిక మాధ్యమాల్లో వైరల్ అవుతోంది. హృతిక్ పెద్ద మనసుకు అందరు ప్రశంసిస్తున్నారు. ఒక అభిమానికి ఇంతటి విలువ ఇచ్చిన హృతిక్ నిజంగా పెద్ద మనసు గల హీరో అంటూ నెటిజన్లు ప్రశంసల జల్లు కురిపిస్తున్నారు. హృతిక్ రోషన్ చేసిన పని నూటికి నూరు పాళ్లు సరిగా ఉందని కితాబిస్తున్నారు. అభిమానులపై ఇంతటి ప్రేమ ఉన్న హీరో కావడంతోనే అతడు బాలీవుడ్ ను ఏలుతున్నాడని పొగుడుతున్నారు. దీంతో సోషల్ మీడియాలో ఫొటోలు, వీడియోలు సందడి చేస్తున్నాయి.
Also Read:Bandi Sanjay: బండి సంజయ్ ఎందుకు ఏడ్చాడు? కారణమేంటి?
