Manchu Manoj Marriage: మంచు మనోజ్ రెండో వివాహం చేసుకుంటున్నారంటూ కొద్ది రోజులుగా ప్రచారం అవుతుంది. ఆయన నంద్యాల పొలిటికల్ ఫ్యామిలీకి చెందిన భూమా మౌనికతో కలిసి తరచుగా కనిపిస్తున్నారు. గత ఏడాది వినాయక చవితి పండుగ దినాల్లో మౌనిక-మనోజ్ కలిసి ప్రత్యేక పూజలు చేశారు. వినాయక మండపాన్ని సందర్శించారు. ఆ ఫోటోలు వైరల్ అయ్యాయి. అక్కడ పెళ్లి పుకార్లకు బీజం పడింది. తర్వాత పలు సందర్భాల్లో వీరిద్దరూ జంటగా కనిపించారు. భూమా నాగిరెడ్డి జయంతి పురస్కరించుకొని మనోజ్ ఓ ట్వీట్ వేశారు. వరుస పరిణామాల నేపథ్యంలో మౌనిక-మనోజ్ ల వివాహం ఖాయమే అన్న వాదన మొదలైంది.
ఈ ఊహాగానాల మధ్య మనోజ్ కీలక ప్రకటన చేశారు. సోషల్ మీడియా వేదికగా ఆయన అందరిలో ఆసక్తి పెంచేశారు. నా మనసుకు నచ్చిన ఒక శుభవార్తను కొన్నాళ్లుగా చెప్పకుండా దాచాను. జీవితంలో మరో దశలో అడుగుపెడుతున్నందుకు ఆతృతగా ఉంది. జనవరి 20న ప్రకటించబోతున్నాను. మీ ఆశీస్సులు కావాలి… అని మనోజ్ తన ట్వీట్ లో పొందుపరిచారు. కాబట్టి ఇది పెళ్లి ప్రకటన గురించే అని అందరూ ఫిక్స్ అయ్యారు. అదే సమయంలో మరో వాదన కూడా వినిపిస్తోంది. గతంలో అహం బ్రహ్మస్మి టైటిల్ తో ఓ పాన్ ఇండియా మూవీ ప్రకటించారు. దీనిపై మరో అప్డేట్ లేదు. ఆయన చెప్పాలనుకుంటున్న అప్డేట్ అది కూడా కావచ్చు అంటున్నారు.
ఏది ఏమైనా అందరినీ తన సోషల్ మీడియా పోస్ట్ తో మనోజ్ సందిగ్ధంలోకి నెట్టారు. అందుతున్న సమాచారం ప్రకారం మౌనికతో మనోజ్ కి పెళ్ళికి ముందే పరిచయం ఉందట. ఇద్దరూ వివాహం చేసుకోవాలి అనుకున్నారట. కానీ అది జరగలేదు. 2015లో మనోజ్ మరో అమ్మాయిని పెళ్లి చేసుకున్నారు. 2019లో ఆమెతో విడాకులు అయ్యాయి. మౌనిక కూడా భర్తతో విడిపోయారు. దీంతో వీరిద్దరూ వివాహం చేసుకోవాలి అనుకుంటున్నారట.
మౌనికతో మనోజ్ రిలేషన్ కుటుంబంలో విబేధాలకు కారణమైందన్న ప్రచారం జరుగుతుంది. మోహన్ బాబు, విష్ణు… మనోజ్ మీద కోపంగా ఉన్నారట. ప్రస్తుతం మనోజ్ ఫ్యామిలీకి దూరంగా ఉంటున్నారట. ఈ కథనాలను మంచు లక్ష్మి ఖండించారు. మా కుటుంబంలో ఎలాంటి విబేధాలు లేవు. నిరాధార వార్తలు రాస్తున్నారంటూ మండిపడ్డారు. ఇక మనోజ్ సిల్వర్ స్క్రీన్ పై కనిపించి చాలా కాలం అవుతుంది. మనోజ్ హీరోగా పూర్తి స్థాయిలో నటించిన చిత్రం ఒక్కడు మిగిలాడు 2017లో విడుదలైంది.
It’s been a while, i’ve been holding this special news close to my heart ❤️
Excited to enter into the next phase of my life.. 🙂
Announcing on 20th Jan 2023 🤗
Need all your blessing as always :))) pic.twitter.com/bKRnwKT0oc— Manoj Manchu🙏🏻❤️ (@HeroManoj1) January 18, 2023
