Raja Deluxe Movie: ఒకటికి మూడు ప్రాజెక్ట్స్ సెట్స్ మీద పెట్టాడు ప్రభాస్. ఆది పురుష్ తో కూడా కలుపుకుంటే నాలుగు చిత్రాలు. ఆదిపురుష్ పోస్ట్ ప్రొడక్షన్ జరుపుకుంటుంది. జూన్ నెలలో విడుదల కానుంది. ప్రాజెక్ట్ కే, సలార్, రాజా డీలక్స్ చిత్రీకరణ జరుపుకుంటున్నాయి. వీటిలో ఆదిపురుష్ మూవీ మీద అసలు అంచనాలు లేవు. కనీసం ఫ్యాన్స్ కూడా ఆ మూవీ కోసం ఎదురుచూడటం లేదు. టీజర్ చూసి వాళ్ళు ఓ నిర్ణయానికి వచ్చేశారు. దానికి తోడు వివాదాలు, ప్రాజెక్ట్ మీద హైప్ పోయేలా చేశాయి. ఆదిపురుష్ రూపంలో ప్రభాస్ మరో ప్లాప్ చూడబోతున్నాడని పలువురి వాదన.
ఆదిపురుష్ తో పాటు రాజా డీలక్స్ మీద కూడా అంచనాలు లేవు. నిజానికి ఈ ప్రాజెక్ట్ వద్దని ప్రభాస్ ఫ్యాన్స్ పెద్ద ఎత్తున నిరసనలు చేశారు. బాహుబలి 2 తర్వాత ప్రభాస్ చేసిన సాహో, రాధే శ్యామ్ చిత్రాలు తెరకెక్కించిన సుజీత్, రాధాకృష్ణలకు అనుభవం లేదు. అందుకే ప్రభాస్ వంటి టాప్ స్టార్ ని సరిగా ప్రజెంట్ చేయలేకపోయారనే ప్రచారం జరిగింది. ఈ క్రమంలో దర్శకుడు మారుతికి ఆఫర్ ఇవ్వడం అవసరమా అని పెదవి విరిచారు.
మారుతి ఇంతవరకు ఒక్క స్టార్ హీరోతో మూవీ చేయలేదు. అలాగే ఆయన ట్రాక్ కూడా బాగోలేదు. మారుతి దర్శకత్వంలో తెరకెక్కిన మంచి రోజులు వచ్చాయి, పక్కా కమర్షియల్ ప్లాప్ అయ్యాయి. ఆయన ట్రాక్ కూడా సరిగా లేదు. మారుతి ప్రాజెక్ట్ చేయకండని సోషల్ మీడియా వేదికగా గగ్గోలు పెట్టారు. ప్రభాస్ ఇంట్రెస్ట్ ఏమిటో తెలియదు కానీ… మారుతికి ఆఫర్ ఇచ్చారు. రాజా డీలక్స్ షూటింగ్ కూడా మొదలైపోయింది.
Raja Deluxe Movie
రాజా డీలక్స్ షూటింగ్ దాదాపు సెట్స్ లో పూర్తి చేయనున్నారట. అనూహ్యంగా ఇది కామెడీ హారర్ మూవీ అంటున్నారు. ఈ జోనర్ ప్రభాస్ కి ఎలా సెట్ అవుతుందనే ఓ వాదన ఉంది. కాగా రాజా డీలక్స్ మూవీకి సంబంధించిన ఓ పిక్ సోషల్ మీడియాలో వైరల్ అవుతుంది. ఆ ఫొటోలో ప్రభాస్ లుక్ కొంచెం భిన్నంగా ఉంది. బాగా గడ్డం, జుట్టు పెంచుకుని ఉన్నాడు. ప్రభాస్ పక్కన హీరోయిన్ రిద్దీ కుమార్ ఉంది. అంత పెద్ద స్టార్ పక్కన రిద్దీ కుమార్ ఏంటని కొందరు సందేహాలు వ్యక్తం చేస్తున్నారు. నిధి అగర్వాల్, మాళవిక మోహనన్ మరో ఇద్దరు హీరోయిన్స్ అట. మారుతి రాజా డీలక్స్ పేరుతో వండుతున్న ఈ కిచిడీ టేస్ట్ ఎలా ఉండనుందో చూడాలి.
