Best Mobile Apps: ఇప్పుడంతా డిజిటల్ యుగం.. పేపర్ లెస్ వర్క్ చాలా వరకు అందుబాటులోకి వచ్చింది. ప్రతీది ఆన్ లైన్ లో ఉండడంతో కొన్ని సంస్థలు పేపర్ తో కాకుండా ఆన్ లైన్ సమాచారాన్ని అడుగుతున్నారు. అంతేకాకుండా డాక్యుమెంట్స్ ప్రతీ చోట తీసుకెళ్లడం సాధ్యం కాదు. ఇలాంటి సమయంలో కొన్ని రకాల యాప్స్ మొబైల్స్ లో ఉండే చాలా వరకు సౌకర్యంగా ఉండడంతో పాటు సమయం కూడా ఆదా అవుతుంది. అంతేకాకుండా రోజూవారీ జీవితంలో ఎలాంటి ఇబ్బంది కలగకుండా ఉంటుంది. వీటీలో ప్రభుత్వానికి సంబంధించిన ఈ నాలుగు యాప్స్ తప్పనిసరిగా ఉండాల్సిన అవసరం ఉంది. ఆ నాలుగు యాప్స్ ఏవి? అవి ఎలా ఉపయోగపడుతాయి?
mParivahan
ఈ యాప్ను Ministry of Road Transport and Highways రూపొందించింది. డ్రైవింగ్ లైసెన్స్, RC (రిజిస్ట్రేషన్ సర్టిఫికేట్) డిజిటల్ కాపీలు ఇందులో అందుబాటులో ఉంటాయి. ట్రాఫిక్ చెకింగ్ సమయంలో ఫిజికల్ డాక్యుమెంట్లు లేకపోయినా యాప్లో చూపించవచ్చు. వాహనం వివరాలు, చలాన్లు, RC స్థితి కూడా తెలుసుకోవచ్చు. అయితే ముందుగానే ఇందులో రిజిస్ట్రేషన్ చేసుకుంటే మీ వాహనానికి సంబంధించిన సమాచారం ఇందులో ఉంటుంది.
DigiLocker
Ministry of Electronics and Information Technology ఆధ్వర్యంలో పనిచేసే ఈ యాప్లో ఆధార్, PAN, డ్రైవింగ్ లైసెన్స్, మార్కుల మెమోలు, ఇన్సూరెన్స్ వంటి పత్రాలు భద్రంగా నిల్వ చేయొచ్చు. అవసరమైనప్పుడు డిజిటల్ రూపంలో షేర్ చేయడం సులభం. కాగిత పత్రాలు మోసుకెళ్లాల్సిన అవసరం తగ్గుతుంది. కొన్ని సార్లు డాక్యుమెంట్లు మరిచిపోయినప్పుడు ఇది అందుబాటులో ఉండి కావాల్సిన పనులను చేస్తుంది.
DigiYatra
Digi Yatra Foundation నిర్వహించే ఈ యాప్ విమానాశ్రయాల్లో ఫేస్ రికగ్నిషన్ ఆధారంగా ఎంట్రీ ఇస్తుంది. బోర్డింగ్ పాస్, ఐడీ చెకింగ్లో సమయం తగ్గుతుంది. ఒకసారి నమోదు చేసుకుంటే ఎయిర్పోర్ట్లో క్యూలో నిలబడే శ్రమ తగ్గుతుంది. తరచుగా విమాన ప్రయాణం చేసే వారికి చాలా ఉపయోగకరం.
RBI Retail Direct
Reserve Bank of India అందించిన ఈ యాప్ ద్వారా వ్యక్తిగత పెట్టుబడిదారులు నేరుగా ప్రభుత్వ సెక్యూరిటీల్లో పెట్టుబడి పెట్టవచ్చు. ట్రెజరీ బిల్స్, ప్రభుత్వ బాండ్లు కొనుగోలు చేయడానికి మధ్యవర్తులు అవసరం ఉండదు. సురక్షిత పెట్టుబడులు కోరేవారికి ఇది మంచి ఎంపికగా భావిస్తున్నారు.
ప్రభుత్వ సేవలు వేగంగా పొందడానికి, డాక్యుమెంట్లు ఎప్పుడూ మొబైల్లో అందుబాటులో ఉండడానికి ఈ యాప్స్ తప్పనిసరి. అలాగే ప్రయాణంలో సమయం ఆదా కావడానికి, పెట్టుబడులు సురక్షితంగా నిర్వహించడానికి కూడా ఉపయోగపడుతాయి.
