Vaibhav Suryavanshi controversial videos: వైభవ్ సూర్య వంశీ ఇలాంటి వాడా.. కీలక వీడియోలతో వెలుగులోకి..

Vaibhav Suryavanshi controversial videos: ఈ ఐపీఎల్లో వైభవ్ సూర్యవంశీ అనేక రికార్డులను బద్దలు కొట్టాడు. ప్రస్తుతం ఆరెంజ్ క్యాప్ హోల్డర్ గా కొనసాగుతున్నాడు. రాజస్థాన్ జట్టు కు కీలక ఆటగాడిగా రూపాంతరం చెందాడు. ఇప్పటికే అతని ఖాతాలో సెంచరీ.. హాఫ్ సెంచరీలు ఉన్నాయి. మహా మహా ప్లేయర్లను పక్కనపెట్టి.. దూకుడైన ప్లేయర్లను అధిగమించి ఆరెంజ్ క్యాప్ విభాగంలో అతడు నెంబర్ వన్ స్థానంలో కొనసాగుతున్నాడు.

వైభవ్ సూర్యవంశీ కాస్త లావుగా ఉంటాడు. గతంలో మాంసాహారాన్ని అధికంగా తినేవాడు. ఇప్పుడు డైటీషియన్ చెప్పడం వల్ల పూర్తిగా తగ్గించాడు. దీంతో దృఢంగా మారిపోయాడు. బాల భీముడి లాగా కనిపిస్తున్నప్పటికీ వికెట్ల మధ్య వేగంగా పరుగులు పెడుతూ ఉంటాడు. బంతిని బలంగా కొట్టడంలో నేర్పరితనాన్ని ప్రదర్శిస్తూ ఉంటాడు. అందువల్లే ఐపీఎల్లో అతడు పరుగుల ప్రవాహాన్ని నిరాటంకంగా కొనసాగిస్తున్నాడు. బౌలర్ ఎవరనేది.. జట్టు ఏంటనేది ఏ మాత్రం అతడు చూడటం లేదు. పైగా వీరోచితమైన ఇన్నింగ్స్ నిర్మించడంలో తనదైన స్టైల్ కొనసాగిస్తున్నాడు.

వైభవ్ సూర్యవంశీ ఆ మధ్య కాళ్లకు క్రాంప్స్ రావడంతో.. సరిగ్గా ఫీల్డింగ్ చేయలేదు. ఇప్పుడు ఆ ఇబ్బంది నుంచి బయటపడ్డాడు. చికిత్స తీసుకొని సులభంగా ఫీల్డింగ్ చేయగలుగుతున్నాడు. అందువల్ల మైదానంలో అతడు ఉత్సాహంగా కనిపిస్తున్నాడు. అతని వయసు 15 సంవత్సరాలు కావడంతో.. ఆ తరహా మెంటాలిటీ అతనిలో కనిపిస్తోంది. తల మీద నుంచి క్యాప్ తీసి దాంతో ఆడుకుంటున్నాడు. మైదానంలో ఫీల్డింగ్ చేస్తున్నప్పుడు డ్యాన్సులు వేస్తున్నాడు. ప్రేక్షకులను ఉత్సాహపరచడానికి రకరకాల వ్యవహారాలకు పాల్పడుతున్నాడు.

సూర్య వంశీ ఈ సీజన్లో ఇప్పటివరకు 13 మ్యాచ్లలో.. 13 ఇన్నింగ్స్ లు ఆడాడు. ఏకంగా 579 పరుగులు చేశాడు. ఇతడి యావరేజ్ 54.54. స్ట్రైక్ రేట్ 236.33. ఇందులో 50 ఫోర్లు, 53 సిక్సర్లు ఉన్నాయి. ఐపీఎల్ లో సూర్య వంశీ బీకరమైన ఫామ్ లో ఉన్నాడు. పెద్ద పెద్ద బ్యాటర్ల వల్ల కానిది కూడా అతడు చేసేస్తున్నాడు. బీభత్సంగా బ్యాటింగ్ చేస్తూ.. పరుగుల సునామీ సృష్టిస్తూ.. అత్యంత ప్రమాదకరమైన ఆటగాడిగా రూపాంతరం చెందాడు సూర్య వంశీ. అతడు ఇదే స్థాయిలో గనుక ఆడితే భవిష్యత్తు కాలంలో ప్రపంచ క్రికెట్ మొత్తాన్ని శాసిస్తాడని క్రికెట్ విశ్లేషకులు చెబుతున్నారు.