Afghanistan Vs New Zealand: ఆఫ్ఘనిస్తాన్ ఆటగాళ్లు t20 వరల్డ్ కప్ లో ఆడేందుకు భారత గడ్డమీద అడుగు పెట్టారు. తీవ్రంగా సాధన చేశారు. మీడియాతో మాట్లాడేందుకు కూడా ఇష్టపడలేదు. ఆఫ్గనిస్తాన్ కెప్టెన్ రషీద్ తీవ్రంగా తన జట్టు ప్లేయర్లతో సమాలోచనలు జరిపాడు. ఆటగాళ్లకు నిత్యం ఏదో ఒకటి చెప్తూనే ఉన్నాడు.
రషీద్ ఖాన్ ప్రణాళికలను.. అతడు వేస్తున్న అడుగులను కొంతమంది మాజీ క్రికెటర్లు పరిశీలించారు. ఆ దిశగానే కొన్ని కీలక వ్యాఖ్యలు చేశారు. “రషీద్ ఖాన్ మామూలు ఆటగాడు కాదు . ఆఫ్ఘనిస్తాన్ సారధి కూడా. అతనిలో అన్ని కోణాలు ఉన్నాయి. చివరికి శిక్షకుడిగా కూడా అతడు తన పాత్రను పోషిస్తాడు. ఆఫ్ఘనిస్తాన్ జట్టు విషయంలో కూడా అదే చేస్తున్నాడు. ఈసారి గట్టిగా ఏదో ప్లాన్ చేసేలా ఉన్నాడని” మాజీ క్రికెటర్లు అభిప్రాయపడ్డారు.
వారు అభిప్రాయపడినట్టుగానే ఆఫ్ఘనిస్తాన్ జట్టు టి20 వరల్డ్ కప్ లో ఆదివారం సంచలనం సృష్టించింది. ఆఫ్గనిస్తాన్ జట్టు ప్లేయర్లలో గుల్బదిన్ నైట్ (63) మెరుపు హాఫ్ సెంచరీ చేశాడు. అటల్(29), గుర్బాజ్(27) సత్తా చూపించడంతో ఆఫ్గనిస్తాన్ జట్టు 182 పరుగులు చేసింది. తద్వారా న్యూజిలాండ్ జట్టు ఎదుట 183 పరుగుల లక్ష్యాన్ని విధించింది.
ఈ టార్గెట్ న్యూజిలాండ్ జట్టు 17.5 ఓవర్లలో ఫినిష్ చేసింది. న్యూజిలాండ్ జట్టులో టీం సీ ఫర్ట్ 65 పరుగులు చేశాడు. ఫిలిప్స్ 42 పరుగులు చేశాడు. మార్క్ చాంప్మన్ 28, మిచల్ 25 పరుగులు చేశారు. ఫలితంగా న్యూజిలాండ్ జట్టు మరో 2.1 ఓవర్లు మిగిలి ఉండగానే విజయం సాధించింది. వాస్తవానికి ఆఫ్ఘనిస్తాన్ జట్టుతో పోల్చితే న్యూజిలాండ్ బలమైనది. అంతటి బలమైన జట్టు బౌలింగ్ ను సైతం ఆఫ్ఘనిస్తాన్ ప్లేయర్లు సులభంగా తీసుకున్నారు. బీభత్సంగా బ్యాటింగ్ చేసి పరుగులు సాధించారు.
న్యూజిలాండ్ జట్టు ఇటీవల భారత దేశంలో పర్యటించింది. ఐదు టి 20 మ్యాచ్లు ఆడింది. ఇందులో టీమ్ ఇండియా నాలుగు మ్యాచ్లో గెలిచింది. కొంతకాలంగా ఇండియాలోనే ఉంటున్న న్యూజిలాండ్ ప్లేయర్లకు ఇక్కడి మైదానాలు అలవాటు పడినట్టుగా అనిపించడం లేదు. సమర్థవంతమైన బౌలర్లు ఉన్నప్పటికీ న్యూజిలాండ్ ధారాళంగా పరుగులు ఇచ్చింది. తద్వారా ఆఫ్ఘనిస్తాన్ జట్టు భారీగా స్కోర్ చేయగలిగింది. ఒకవేళ ఆఫ్ఘనిస్తాన్ జట్టు బౌలింగ్ లో కూడా ఇదే స్థాయిలో సత్తా చూపిస్తే.. టి20 వరల్డ్ కప్ లో పెను సంచలనం నమోదు అవుతుంది. 2023 లో జరిగిన వన్డే వరల్డ్ కప్ లో ఆఫ్ఘనిస్తాన్ సంచలన ప్రదర్శన చేసింది. ఏకంగా సెమి ఫైనల్ దాకా దూసుకెళ్లింది. ఆస్ట్రేలియా మీద భారీ స్కోర్ చేయగలిగింది. అయితే బౌలింగ్లో సత్తా చూపించలేకపోవడంతో ఓటమిపాలైంది.
