Rishabh Pant Vintage Performance Uppal Stadium: బ్యాటింగ్ సరిగ్గా లేదు. కీపింగ్ కూడా తన స్థాయిలో లేదు. ఆటగాళ్లతో ఎలాంటి ప్రదర్శన చేయించాలో అర్థం కావడం లేదు. బౌలింగ్ కూర్పు సరిగా లేదు. బ్యాటింగ్ సరే సరి.. సీన్ కట్ చేస్తే ఓటములు.. దీంతో లక్నో ఓనర్ ఇటీవల రిషబ్ పంత్ మీద ఆగ్రహం వ్యక్తం చేశాడు. ఇలా ఆడితే ఎలా అంటూ మండిపడ్డాడు.
సహజంగా రిషబ్ పంత్ లో ఆత్మాభిమానం చాలా ఎక్కువ. అందువల్లే మాట అంటే పడడు. తనను అనేసి మాటలు అన్న సంజీవ్ కు గట్టిగా రిప్లై ఇద్దామని అనుకున్నాడు. ఆరోజు రానే వచ్చింది. తన వింటేజ్ రూపం ఎలా ఉంటుందో.. తను మనసు పెడితే మైదానంలో ఎలాంటి అద్భుతాలు జరుగుతాయో చూపించాడు.. రిషబ్ విశ్వరూపం ముందు సంజీవ్ చిన్నబోయాడు. కనీసం అతని నోటివెంట మాటలు కూడా రాలేదు. ఎందుకంటే ఉప్పల్ మైదానంలో హైదరాబాద్ జట్టును 300 కాదు కదా.. కనీసం 200 కూడా చేయనివ్వలేదు. 156 పరుగులకే హైదరాబాద్ జట్టును ముగించాడు.
మహమ్మద్ సిరాజ్.. దిగ్వేష్.. ప్రిన్స్ యాదవ్.. ఆవేష్ ఖాన్ ఇలా నలుగురు బౌలర్లతో హైదరాబాద్ జట్టు కు చుక్కలు చూపించాడు పంత్. అంతేకాదు.. అత్యంత ప్రమాదకరమైన క్లాసెన్, లివింగ్ స్టోన్ క్యాచ్ లు పట్టి సంచలనం సృష్టించాడు. వికెట్ల వెనుక అడ్డుగోడల మాత్రమే కాదు.. బౌలర్లను మార్చి మార్చి ప్రయోగించి హైదరాబాద్ జట్టుకు చుక్కలు చూపించాడు. ముఖ్యంగా లివింగ్ స్టోన్ క్యాచ్ అందుకున్న తీరు ఈ మ్యాచ్ మొత్తానికి హైలైట్. క్లాసెన్ క్యాచ్ పట్టి తనలో ఉన్న మాస్ ను చూపించాడు పంత్.
ఈ మ్యాచ్ గెలవడం రిషబ్ పంత్ కు అత్యంత అవసరం. ఎందుకంటే అతడు సారధిగా తీవ్రమైన ఒత్తిడి ఎదుర్కొంటున్నాడు. పైగా లక్నో ఓనర్ సంజీవ్ ప్రతి మ్యాచ్లో కూడా ప్రింటర్ ఫియర్ అవుతున్నాడు. మ్యాచ్ ఓడిపోతే చాలు మైదానంలోకి ఎంట్రీ ఇచ్చి.. పంత్ కు క్లాస్ పీకి వెళ్తున్నాడు. ఇది సహజంగానే అతడికి నచ్చడం లేదు. అందువల్లే సంజీవ్ మాటలకు తన చేతల ద్వారా కౌంటర్ ఇస్తున్నాడు. సంజీవ్ వ్యవహార శైలి దారుణంగా ఉందని ఇటీవల ఐపీఎల్ మాజీ చైర్మన్ లలిత్ మోడీ ఆగ్రహం వ్యక్తం చేశాడు. అతడిని ఒక లూజర్ అని.. జోకర్ అని అభివర్ణించాడు. అయినప్పటికీ సంజీవ్ తన ధోరణి మార్చుకోలేదు. మార్చుకునే వ్యక్తి కూడా కాదు. అందువల్లే పంత్ తన విశ్వరూపం చూపించాడు. ఇప్పట్లో సంజీవ్ రిషబ్ పంత్ ను మందలించే అవకాశం లేదు. ఎందుకంటే ఉప్పల్ లో పంత్ కెప్టెన్సీ అలా ఉంది మరి.