Gujarat Titans: హార్దిక్ పాండ్యా నాయకత్వంలో గుజరాత్ టైటాన్స్ ఐపీఎల్ లోకి ఎంట్రీ ఇచ్చిన సంవత్సరంలోనే ట్రోఫీ గెలిచింది. ఆ తర్వాత సంవత్సరంలో రన్నరప్ గా నిలిచింది. మళ్లీ ఆ స్థాయిలో ప్రదర్శన ఆ జట్టు నుంచి లభించలేదు. ఇప్పుడు గుజరాత్ అదరగొడుతోంది. ఈ సీజన్ లో వరుసగా ఓటములు ఎదుర్కొన్న ఆ జట్టు తన రాతను పూర్తిగా మార్చేసుకుంది.
అండర్ డాగ్స్ గా..
అండర్ డాగ్స్ గా అడుగుపెట్టిన గుజరాత్.. ఇప్పుడు పాయింట్ల పట్టికలో నెంబర్ 2 స్థానంలో ఉంది. చివరి మ్యాచ్ లో చైన్నై పై 89 పరుగుల తేడాతో విజయం సాధించింది. తద్వారా +0.695 నెట్ రన్ రేట్ కొనసాగిస్తోంది. తొలిమ్యాచ్ పంజాబ్ చేతిలో ఓడిపోయింది.రాజస్థాన్ రాయల్స్ చేతిలో కూడా ఓటమిపాలైంది. ఈ దశలో ఢిల్లీ క్యాపిటల్స్ మీద ఒక్క పరుగు తేడాతో మ్యాచ్ గెలిచిన తర్వాత గుజరాత్ ఆటతీరు మారిపోయింది. వరుసగా మూడు విజయాలు సాధించింది. ముంబై, బెంగళూరు చేతిలో వరుసగా ఓడిపోయిన తర్వాత గుజరాత్ మళ్లీ విజయయాత్రను మొదలు పెట్టింది. వరుసగా ఐదు విజయాలు సాధించింది. ఇందులో హైదరాబాద్ జట్టు పై కూడా గుజరాత్ విజయం సాధించింది.
ఆ నలుగురు
గుజరాత్ విజయంలో కెప్టెన్ శుభ్ మన్ గిల్, సాయి సుదర్శన్, ప్రసిద్ధ్ క్రిష్ణ, రషీద్ ఖాన్ ముఖ్యపాత్ర పోషిస్తున్నారు. సాయి సుదర్శన్ 638 పరుగులు చేసి, ఆరేంజ్ క్యాప్ హోల్డర్ గా కొనసాగుతున్నాడు. గిల్ 616 పరుగులతో సెకండ్ ప్లేస్ లో ఉన్నాడు. రషీద్ ఖాన్ 19, ప్రసిద్ధ్ క్రిష్ణ 14 వికెట్లతో పర్పుల్ క్యాప్ విభాగంలో తమసత్తా చాటుతున్నారు. ఇద్దరు బౌలింగ్ లో.. మరో ఇద్దరు బ్యాటింగ్ లో అదరగొడుతున్న నేపథ్యంలో గుజరాత్ జట్టుకు తిరుగులేకుండా పోతోంది. ఇప్పటికైతే రెండోస్థానంలో ఉంది గుజరాత్. శుక్రవారం నాటి మ్యాచ్ లో బెంగళూరుపై హైదరాబాద్ గెలిస్తే GT స్థానం ఏమైనా మారొచ్చు.
గుజరాత్ భీకరమైన ఫామ్ లో ఉన్న నేపథ్యంలో ఈసారి ట్రోఫీసాధించే అవకాశాలున్నాయని క్రికెట్ విశ్లేషకులు అంటున్నారు. గిల్ నాయకత్వంలో గుజరాత్ జట్టు వరుస విజయాలు సాధిస్తోందని, ఫినిక్స్ పక్షి లాగా తన ప్రస్థానాన్ని కొనసాగిస్తోందని విశ్లేషకులు అంటున్నారు. గుజరాత్ బౌలింగ్, బ్యాటింగ్ లో ఆకట్టుకుంటున్న నేపథ్యంలో ఈసారి ట్రోఫీ సాధించే అవకాశం ఉందని తెలుస్తోంది.
